Qreqorio Fuentes

Vikipediya, açıq ensiklopediya
Jump to navigation Jump to search
Qreqorio Fuentes
Gregorio Fuentes
Gregorio Fuentes - Cojimar 1993.jpg

Fuentes 1993-cü ildə

Məşğuliyyəti: 

Balıqçı

Doğum tarixi:

11 iyul 1897

Doğum yeri:

Las-Palmas, İspaniya

Vətəndaşlığı:

КубаFlag of Cuba.svg Kuba
ИспанияFlag of Spain.svg İspaniya

Vəfat etmə tarixi:

13 yanvar 2002-ci il (104 yaş)

Vəfat etmə yeri :

Koximar, Kuba

Qreqorio Fuentes ( isp. Gregorio Fuentes) — Ernest Heminqueyin "Qoca və dəniz" povestinin qəhrəmanı Santiyaqonun mümkün prototipi kimi tanınan kubalı balıqçı və dənizçi.

Həyatı[redaktə | əsas redaktə]

Fuentes Kanar adalarında balıqçı və fermerlərin ailəsində anadan olmuşdur. Onun 6 yaşı olarkən atası Kubaya üzən qayığın göyərtəsində vəfat edir. Qreqorio digər miqrantlarla birgə Kubaya qədər üzür və ömrünün sonunadək Havana yaxınlığında yerləşən Koximar adlı balıqçı qəsəbəsində yaşayır. 1928-ci ildə o, ilk dəfə Ernest Heminqueylə tanış olur, 1933-cü ildə isə yazıçıya məxsus "Pilar" adlı yaxtanın kapitanı olur. Onlar biryerdə balıq ovlamaq üçün dənizə çıxırdılar və bir gün 300 funtluq marlin balığı ovlayırlar. İkinci dünya müharibəsi başlayarkən yazıçı öz yaxtasını alman sualtı qayıqlarına qarşı istifadə etmək qərarına gəlir və yaxtaya pulemyot quraşdırır.
Müharibə illərində alman sualtı qayıqları bəzən Kuba ətrafında üzür və özlərinin qida və su ehtiyatlarını təmin etmək üçün balıqçı gəmilərinə yaxınlaşırdılar. Heminquey qayığa yaxınlaşıb ona mərmi atmağı və pulemyotdan güllələməyi planlaşdırırdı lakin bunu etmək ona nəsib olmadı. Buna baxmayaraq, onun heyəti bir neçə dəfə sualtı qayıqları müşahidə etmiş və bu barədə Pentaqona məlumat ötürmüşdü. Bu təhlükəli səyahətlərdə yazıçını Fuentes müşayət edirdi.
"Qoca və dəniz" povesti 1952-ci ildə çap olunmuşdur və buna görə yazıçı ədəbiyyat üzrə Nobel mükafatıPulitser mükafatlarına layiq görülmüşdür. Yazıçı özü baş qəhrəmanın hansısa real bir şəxsin prototipi olduğunu təkzib etsə də yazıçının 20 illik dostu olan Fuentes Santiyaqo obrazının prototiplərindən biri hesab olunur. Balıqçı həmçinin 1958-ci ildə povestinin ekranlaşdırılması zamanı Santiyaqo rolunu oynayan aktyor Spenser Treysiyə öz məsləhətlərini vermişdir.
Heminqueyin intiharından sonra onun öz vəsiyyətinə əsasən qayıq Fuentesin şəxsi mülkü oldu lakin balıqçı onu dövlətə verməyi qərara aldı və daha sonra qayıq muzeydə nümayiş olunmağa başladı.
20-ci əsrin sonlarından etibarən artıq yaşlanmış Fuentes Kubada məşhurlaşmağa başladı, əcnəbi jurnalistlər onun görüşür və ondan yazıçı dostu barəsində xatirələrini dinləyirdilər. Onunla 15 dəqiiqəlik müsahibənin qiyməti 50 dollar idi. 2001-ci ildə Fuentes ispan vətəndaşlığı əldə etdi. O, öz həyat yoldaşı Dolores Perezlə 70 il birgə yaşadı və onların 4 qızı var idi. Qreqorio 2002-ci ildə 104 yaşında xərçəngdən vəfat etdi.