Quşçu (Daşkəsən)

Vikipediya, azad ensiklopediya
Jump to navigation Jump to search
Disambig.svg Bu məqalə Quşçu (Daşkəsən) haqqındadır. Digər mənalar üçün Quşçu səhifəsinə baxın.
Quşçu
Gerb
Gerb
40°33′06″ şm. e. 46°05′44″ ş. u.
Ölkə Azərbaycan Azərbaycan
Rayon Daşkəsən rayonu
Tarixi və coğrafiyası
Saat qurşağı UTC+4
Əhalisi
Əhalisi 412 nəfər (2009)
Rəsmi dili Azərbaycan dili
Rəqəmsal identifikatorlar
Telefon kodu +994 22 21[1]
Poçt indeksi AZ1600
Nəqliyyat kodu 16
Xəritəni göstər/gizlə
Quşçu xəritədə
Quşçu
Quşçu

Quşçu — Azərbaycan Respublikasının Daşkəsən rayonunun Daşkəsən qəsəbə inzibati ərazi dairəsində qəsəbə.

Tarixi[redaktə | əsas redaktə]

Quşçular kəndinin adı qədim mifoloji inamlara söykənir. Belə ki, qədim dövrlərdə Azərbaycan türkləri arasında quş onqonu geniş yayılmışdır. Odur ki, nağıl və dastanlarımızda quşlara xüsusi yer verilmişdir. Hətta oğuz qəbilələri quşu özləri üçün simvol seçmişlər. Xalq arasında, eləcədə nağıl və dastanlarımızda geniş şəkildə özünə yer almış “Dövlət quşu” haqqında rəvayətlər imkan verir deyək ki, quş var-dövlət, başda ağıl simvolu sayılmış, Dövlət quşu kimin başına qonarsa onu padşah seçərmişlər. Azərbaycan xalqının əski mifologiyasında Simurq, Səməndər, Humay, Şahin və s. quşlara insanın köməkçisi, uğur gətirən bir varlıq kimi baxmışlar. Odur ki, xalqımızın quş onqonuna inamının nəticəsidir ki, Azərbaycanda quş adları toponim kimi geniş yayılmışdır. Ehtimal olunur ki, bu yer adları türkdilli quşçu tayfasının adı ilə bağlıdır. Bu tayfa məskunlaşdığı ərazini quşçu tayfasının yaşadığı ərazi kimi adlandırmışlar.

Tədqiqatçıların fikrincə, Azərbaycan ərazisində bu tayfanın məskunlaşması nəticəsində yaranmış bir sıra toponimlər vardır: “Quşçu dağı” (Şamaxı və Daşkəsən rayonları), “Quşçu yol ayrıcı” (Laçın rayonu), “Quşçu qalası dağı (Laçın rayonu), “Quşçular dağı (Xocavənd rayonu, Tyan kəndi), “Quşçunun yalı (Gədəbəy rayonu, Göyəli kəndi). Eyni zamanda bu topokomponent Orta Asiya (xüsusilə Türkmənistan), Ermənistan, Gürcüstan, Şimali Qafqaz, Türkiyə, və Cənubi Azərbaycan ərazisində də yayılmışdır. Ermənistan ərazisində ki, quş etnoimi ilə bağlı yer adları (sonuncu 1946-cı ildə ləğv olunub) dəyişdirilmişdir. Azərbaycanda Quşçu (Tovuz rayonu), Quşçu (Daşkəsən rayonu), Quşçu (Yevlax rayonu) və Quşçu Şamaxı rayonlaının inzibati ərazi vahidində kənd adları hal-hazırda da mövcuddur. XIX əsrdə Qafqazda quş komponentli 38 toponim qeydə alınmışdır. Quşçu etnonimi ilə bağlı toponimlərin erkən orta əsrlərdə meydana çıxmışdır.[2] XIX əsrdə Quşçu kəndi dəmir məmulatının güclü istehsal mərkəzləri sırasında yer alırdı.[3]

Əhalisi[redaktə | əsas redaktə]

2009-cu ilin siyahıyaalınmasına əsasən qəsəbədə 412 nəfər yaşayır. Onların 199 nəfəri kişi, 213 nəfəri isə qadındır.[4]

Mədəniyyəti[redaktə | əsas redaktə]

Ölkə əhəmiyyətli qəza vəziyyətində olan Quşçu monastırı bu kənddə yerləşir.

İstinadlar[redaktə | əsas redaktə]

  1. ↑ "Şəhərlərarası telefon kodları". mincom.gov.az (azərb.). İstifadə tarixi: 2021-01-15.
  2. ↑ "Quşçu (Daşkəsən)". Azərbaycan toponimlərinin ensiklopedik lüğəti. II. Bakı: "Şərq-Qərb". 2007. səh. 76. ISBN 978-9952-34-156-0.
  3. ↑ Azərbaycanın Etnoqrafiyası 1-ci Cild, səh 391 – Prezident Kitabxanası
  4. ↑ "Quşçu (Daşkəsən)". Azərbaycan əhalisinin siyahıyaalınması (2009). I. Bakı: Azərbaycan Respublikası Dövlət Statistika Komitəsi. 2010. səh. 86.

Xarici keçidlər[redaktə | əsas redaktə]

Həmçinin bax[redaktə | əsas redaktə]

Daşkəsən rayonu  Daşkəsən rayonu ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin.
Kənd  Kənd ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin.
Mənbə — "https://az.wikipedia.org/w/index.php?title=Quşçu_(Daşkəsən)&oldid=5713728"