Rövşən Nicat

Vikipediya, azad ensiklopediya
Jump to navigation Jump to search
Rövşən Nicat
Rövşən Aslan oğlu Əliyev
Rövşən Nicat.jpg
Doğum tarixi 1968(1968-Şablondakı doğum və ya ölüm tarixində texniki yanlışlıq var!-00)
Doğum yeri Xoşçobanlı, İmişli rayonu, Azərbaycan SSR, SSRİ
Vətəndaşlığı SSRİ SSRİ
Azərbaycan Azərbaycan
Milliyyəti azərbaycanlı
İxtisası rejissor
aktyor
Təhsili Bakı Mədəni Maarif Məktəbi, A.Mittanın Kino Məktəbi
Fəaliyyəti

1992-2014 AzTv-rejissor, 2007-2008 İnterAz Tv-rejissor, 2008-2010 "Mozalan" kinojurnalı-quruluşçu rejissor, 2011-2013 LidrTv -layihə rəhbəri, 2013-2015 Premier Prodakşn- bədii rəhbər, 2015- Aran Film Prodakşn- baş direktor,

2016-Motiv Film Məktəbi-təsisçi,
Fəaliyyət illəri 1992-indiyə kimi
Mükafatları

BTMT-"TÜRKSOY"-Diplom (2012)

"Bakı Gecələri" musiqi festivalı- Diplom (2009)

Əliyev Rövşən Aslan oğlu (Rövşən Nicat; 1968, İmişli rayonu) — azərbaycanlı rejissor, ssenarist, rəssam, bəstəkar, ifaçı. Azərbaycan Peşəkar Kinorejissorlar Gildiyasının, Azərbaycan Fotoqraflar Birliyinin və Azərbaycan Jurnalist Müharibə Veteranları Assosiasiyasının idarə heyətinin uzvüdür.

Həyatı[redaktə | əsas redaktə]

Rövşən Nicat 1968-ci ildə İmişli rayonunun Xoşçobanlı kəndində anadan olub. 1975-1985-ci illərdə rayonun 34 saylı orta məktəbində oxuyub. 1985-ci ildə Bakı Mədəni Maarif Məktəbinə qəbul olub (1986-1988-ci illərdə sovet ordusu sıralarında xidmət edib), 1990-cı ildə məktəbin Ədəbi-dram fakültəsini "rejissor və aktyor " ixtisası üzrə bitirib. 1990-1992-ci illər təyinatla Baki Sovet Ticarəti Texnikumunda dram dərnəyinin rəhbəri kimi fəaliyyət göstərib.

1992-ci ildə Azərbaycan Dövlət Televiziyasınin "Səhər" kanalına rejissor assistenti, 1993-cü ildən isə televiziyanın "Hərbi proqramlar" redaksiyasına rejissor təyin olunub. Qarabağ döyüşlərində reportyor kimi fəaliyyət göstərib. 2000-ci ildən televiziyanın "Maarifçilik" redaksiyasına rejissor təyin olunub. Onlarla televiziya verişinin ideya müəllifi və rejissoru olub.

2009-ci ildən dahi rus kino rejissoru Aleksandr Mittanın kino məktəbinin kursantıdır. Mütəmadi olaraq Aleksandr Mitta, Mark Trevis, Nikita Mixalkov, Aleksandr Qordon, Vitali Manskiy, Aleksandr Kuznetsov, Nil Landau, Aleksandr Kaurıx, Piter Vebber, Dmitri Astraxan kimi dünya şöhrətli rejissorlardan ustad dərsləri alıb. 2014-cü ildə Moskva şəhərində məktəbin dəvətilə gəlmiş amerikalı rejissor-ssenarist professor Riçard Krevolinin "İdeyadan ssenariyə 5 addım" tədris metodikası üzrə təhsil alıb və beynəlxalq seftifikata layiq görülüb.

"Azərbaycantelefilm" yaradıcılıq birliyinin sifafişilə bir necə bədii-sənədli filmlərin quruluşçu rejissoru olub. Onlarla kliplərin , sosial və reklam çarxlarının müəllifidir.

2008-2010-ci illər ərzində "MOZALAN" kinojurnalında dörd qısametrajlı filmə quruluş verib.

2011-ci ildə Azərbaycan Mədəniyyət və Turizm Nazirliyinin sifarişilə cəkdiyi "Sarı gəlin" tarixi-sənədli filminə görə Beynəlxalq Türk Mədəniyyəti Təşkilatı "TÜRKSOY"un mükafatı və təşəkkür diplomu ilə təltif olunub.

Bəstəkar kimi vətənpərvərlik mövzusunda bəstələdiyi " Mərdlərimiz amanatı a dağlar", "Vətən", " Mərd əsgərlərik ,, kimi bir çox mahnılar müharbə dövründə dillər əzbəri olub. Sonralar digər mövzulara da müraciət edib. 2009-cu ildə "Bakı gecələri" festivalında ,,Səni gözləyirəm" mahnısına görə iki nominasiyada (ən yaxşı ifa və ən yaxşı şair ) diplomlara layiq görülüb. Hazırda "bard" stilində mahnılar bəstələyir və ifa edir.

2015-ci ildən Bakı şəhərində ARAN FİLM Productiona rəhbərlik edir.

2016-cı ildə "MOTİV FİLM" məktəbini təsis edib. Pedaqoq kimi onıarla tələbələrə kinomatoqrafiyanın sirrlərini oyrədir.

Mütəmadi olaraq bir çox universitetlərdə  tələbələrə "ssenari yazılışı", "dramatruji struktur", "yaradıcılıqda konflikt nəzəriyyəsi" və s.  mövzularda  seminarlar keçir

Azərbaycan Peşəkar Kinorejissorlar Gildiyasının, Azərbaycan Fotoqraflar Birliyinin və Azərbaycan Jurnalist Müharibə Veteranları Assosiasiyasının idarə heyətinin uzvüdür.

Evlidir. 2 oğlu var.

Filmoqrafiya[redaktə | əsas redaktə]

  1. Toydan sonra (film, 2009) — qısametrajlı
  2. Yas mərasimi (film, 2009) — qısametrajlı
  3. Heyrəti (film, 2010) — qısametrajlı
  4. Xəstə (film, 2010) — qısametrajlı
  5. Sarı Gəlin (film, 2011) — sənədli film
  6. Mən bir Turan yolçusuyam (film, 2011) — Əhməd Cavad haqqında bədii-sənədli film
  7. Hərbi marşlar tarixi (film, 2012) — sənədli film
  8. Haputlar (film-2006)-sənədli film
  9. Gəncə gizlinləri (film-2007)- sənədli film
  10. Mehriban nənəm (film, 2015) — sənədli film
  11. Ömür yolu (film, 2015) — sənədli film
  12. Baharın son günü (film, 2016) — sənədli film

İstinadlar[redaktə | əsas redaktə]

Ədəbiyyat[redaktə | əsas redaktə]

  • Məhərrəmova, T. "Sarı gəlin" filmi bir sualdır: [Beynəlxalq Muğam Mərkəzində "Ankaf” şirkətinin istehsal etdiyi eyniadlı filmin rejissoru Rövşən Nicat ilə Təranə Məhərrəmovanın müsahibəsi] //Kaspi.-2012.-15 iyun.-S.16.
  • Nicat, R. "Nənən ölsün, sarı gəlin": "Sarı gəlin" mahnısı rəsmi şəkildə türk dünyasının himninə çevrilməlidir”: [eyniadlı sənədli filmin rejissoru Rövşən Nicat ilə Səlimqızı Cəvahirin söhbəti] //Mərkəz.- 2012.- 14 iyun.- S. 14.
  • Cəsarət insanı uğura aparan ən vacib keyfiyyətdir: Rövşən Nicat ilə Sevinc Fədainin söhbəti// Xeber365.-2016.-10 aprel.