Rüfət Quliyev

Vikipediya, açıq ensiklopediya
Jump to navigation Jump to search
Rüfət Quliyev
Rüfət Atakişi oğlu Quliyev
Rufet Quliyev.png
Doğum tarixi 6 may 1963 (1963-05-06) (56 yaş)
Doğum yeri Bakı, Azərbaycan SSR
Vətəndaşlıq Flag of Azerbaijan.svg Azərbaycan
Peşəsi Millət vəkili
İxtisası iqtisadçı
Təhsili
Partiya Bitərəf
Commons-logo.svg Rüfət Quliyev Vikianbarda

Rüfət Atakişi oğlu Quliyev (6 may 1963, Lənkəran) — III, IV və V çağırış Azərbaycan Respublikasının Milli Məclisinin deputatı, İqtisadi siyasət komitəsinin üzvü, MDB Parlamentlərarası Assambleyasının siyasi məsələlər və beynəlxalq əməkdaşlıq Daimi komissiyasının sədr müavini, GUAM-ın Elm, Mədəniyyət və Təhsil üzrə Komitəsinin üzvüdür. İqtisad elmləri doktoru, professor, Azərbaycan Texniki Universitetinin kafedra müdiri, Taras Şevçenko adına Kiyev Milli Universitetinin professorudur. Azərbaycan Respublikası Prezidenti yanında Ali Attestasiya Komissiyasının İqtisadiyyat bölməsinin Ekspert Şurasının üzvüdür. MDB PA-nın İqtisadiyyat Ekspert Şurasının üzvüdür.

Həyatı[redaktə | əsas redaktə]

Rüfət Quliyev 1963-cü il may ayının 6-da Bakı şəhərində anadan olmuşdur. 1981-ci ildə T. Şevçenko adına Kiyev Dövlət Universitetinin (hazırda T. Şevçenko adına Kiyev Milli Universiteti) İqtisadiyyat fakültəsinə qəbul olub və 1986-ci ildə həmin Universiteti bitirərək, Azərbaycan Politexnik İnstitutunda (hazırda Azərbaycan Texniki Universiteti) pedaqoji fəaliyyətə başlamışdır. Baş laborant, müəllim, baş müəllim, dosent, professor vəzifələrində işləmişdir.

1995-ci ildən iqtisad elmləri namizədi və 2004-cü ildən isə iqtisad elmləri doktorudur. 2006-cı ildən Azərbaycan Texniki Universitetinin professorudur. Hazırda həmin Universitetinin "İqtisadi nəzəriyyə və xidmət sahələrinin iqtisadiyyatı" kafedrasının müdiridir.

300-ə yaxın elmi əsər və məqalənin (o cümlədən 7 monoqrafiya, 4 dərslik, 3 broşüra) müəllifidir və onlardan 41-i ABŞ, Türkiyə, Rusiya, Ukrayna, Çexiya, Slovakiya, Latviya, Estoniya, Qazaxıstan, İsveç və digər ölkələrin nüfuzlu elmi jurnallarında çap olunub. Yerli və beynəlxalq elmi konfransların, forum və seminarların fəal iştirakçısı olmuşdur. O, dəfələrlə Nitsa, London, Kiyev şəhərlərində keçirilən simpoziumların işində iştirak etmiş və Böyük Britaniya, Rusiya, Ukrayna, İtaliya, Çin Xalq Respublikası, Küveyt, Almaniya, Şimali Kipr, Latviya, Moldova, Qazaxıstan, BƏƏ-də Azərbaycan hökuməti tərəfindən təşkil edilən konfranslarda Azərbaycan iqtisadiyyatının inkişaf yolları və əldə edilmiş uğurlar barədə çıxışlar etmişdir.

1999-2017-ci illərdə "European Tobacco-Baku" ASC-nin İdarə Heyətinin sədri idi. O, Azərbaycan Türkiyə İş Adamları Birliyinin həmsədridir.

Azərbaycan-Ukrayna parlamentlərarası əlaqələr üzrə işçi qrupunun rəhbəri, Azərbaycan-İtaliya, Azərbaycan-Hindistan, Azərbaycan-Danimarka parlamentlərarası əlaqələr üzrə işçi qruplarının üzvüdür. Milli Məclisin, MDB parlamentlərarası Assambleyasının xəttilə çoxsaylı xarici səfərlərdə olub, MDB məkanında keçirilən prezident və parlament seçkilərinin əksəriyyətində müşahidəçi qismində iştirak edib, Azərbaycan həqiqətlərinin dünya ictimaiyyətinə çatdırılması istiqamətində səmərəli və məqsədyönlü iş aparır.

Azərbaycan Həmkarlar Ittifaqı Konfederasiyasının "İşçilərin sosial-iqtisadi hüquqlarının və mənafelərinin qorunmasında xüsusi xidmətlərinə görə" medalı, İnsan Hüquqlarının Müdafiəsi Beynəlxalq Komitəsinin BMT-nin 60 illiyi münasibətilə fəxri yubiley medalı, Ukrayna Ədliyyə Nazirliyi İnsan Hüquqlarının Müdafiəsi Beynəlxalq Komitəsinin fəxri medalı, MDB-nin 20 illiyi fəxri yubiley medalı, T. Şevçenko adına Kiyev Milli Universitetinin 3 fəxri medalı, Qırğızıstanın "Birimdik-Yedinstvo" Ictimai fondunun "Birimdik-Yedinstvo" ordeni ilə təltif olunmuşdur.

Xeyriyyəçilik tədbirlərində fəal iştirak edir.

Bitərəfdir.

Azərbaycan, ingilis və rus dillərini mükəmməl bilir.

Ailəlidir, iki övladı var.[1]

Elmi fəaliyyəti[redaktə | əsas redaktə]

Dissertasiyalar[redaktə | əsas redaktə]

a) "Bazara keçid şəraitində əsas istehsal fondlarının səmərəli istifadəsi faktorlarının təkamülü (Azərbaycan Respublikasının sənayesi materialları əsasında)" mövzusunda iqtisadi elmlərin namizədi elmi dərəcə almaq üçün təqdim edilən dissertasiya. 1995-ci ilin may ayının 16-da Azərbaycan Xalq Təsərrüfatı İnstitutu (hazırda Azərbaycan Dövlət İqtisad Universitetinin) Elmi Şurasında 08.00.01 (İqtisadi nəzəriyyə) ixtisası üzrə həmin dissertasiyanı müdafiə edərək, müvafiq elmi dərəcəni almışdır.

b) "Azərbaycanın milli iqtisadiyyatının formalaşmasının sərmayə problemləri" mövzusunda iqtisadi elmlərin doktoru elmi dərəcə almaq üçün təqdim edilən dissertasiya. 2004-cü ilin fevral ayının 20-də Azərbaycan Milli Elmlər Akademiyasının Iqtisadiyyat Institutunun Elmi Şurasında 08.00.01 (İqtisadi nəzəriyyə) ixtisası üzrə həmin dissertasiyanı müdafiə edərək, müvafiq elmi dərəcəni almışdır.

Monoqrafiyalar[redaktə | əsas redaktə]

  • "Экономическая теория" ("Elm", Bakı; 1997, 192 səh., həmmüəllif - R.Əkbərov).
  • "Azərbaycanda xarici kapital" ("Elm", Bakı, 1998, 128 səh., həmmüəlliflər - F.Axundov, N.Nərimanov).
  • "Инвестиционная политика: принципы и приоритеты" (Балтийский Русский Институт, Рига, Латвия, 2001, 145 səh.).
  • "Инвестиционные проблемы в условиях рыночных трансформаций экономики Азербайджана" ("Elm", Bakı, 2004, 327 səh.).
  • "Non-oil FDI flows play a key role in Azerbaijan domestic market" (İNVESTOR — № 21, Beynəlxalq biznes və maliyyə jurnalı, İstanbul (Türkiyə); 2004, 5 səh.).
  • "Инвестиционная политика в Азербайджане: реалии, проблемы и перспективы" (CBS Poligraphic Production mətbəəsi; Bakı; 2005, 196  səh.).
  • "Переходная экономика Азербайджана: некоторые аспекты развития" ("Elm", Bakı, 2007, 240 səh.).
  • "Глобализация мировой экономики и Азербайджан" (CBS Poligraphic Production mətbəəsi; 2011, 318 səh.).
  • «Мировая экономика и Азербайджан» [1](elmi redaktor — Lyutiy İ.A.; 2017, Bakı, 504 səh.).

Dərs vəsaitləri[redaktə | əsas redaktə]

  • "Sahibkarlıq fəaliyyətinin əsasları" (Azərbaycan Texniki Universiteti, 1996, 155 səh., həmmüəlliflər - F.Abbasov, S.Əbdurəhmanova).
  • "Sahibkarlıq" (Azərbaycan Texniki Universiteti, "Çaşıoğlu", Bakı, 1999, 91 səh.).
  • "Регулирование инвестиционной деятельности" (CBS Poligraphic Production mətbəəsi; 2008, 307 səh.).
  • "Инвестиционная деятельность" (CBS Poligraphic Production mətbəəsi; 2009, 394 səh., həmmüəllif - Lyutiy İ.A.).

Tezislər[redaktə | əsas redaktə]

  • "Разгосударствление и приватизация - решающий этап процесса перехода к рыночным отношениям" (Тезисы докладов респуб. конф. "Проблемы формирования системы смешанной экономики", АзТУ, Баку, 1991, 1,5 səh.).
  • "İqtisadi islahatların bəzi istiqamətləri haqqında" ("Keçid dövründə iqtisadiyyatın mahiyyət dəyişiklikləri və onun metodoloji - nəzəri problemləri", Konfrans tezisləri, Az. Dövlət İqtisad İnstitutu, Bakı, 1995, 1,5 səh., həmmüəllif - N.Nərimanov).
  • "Прямые иностранные инвестиции в азербайджанской экономике" (Бакинский Университет Бизнеса, 27 мая, 2000, 2 səh., həmmüəllif - N.Nərimonov).
  • "Сравнительный анализ источников финансирования капитальных вложений в странах с переходной экономикой" (ATU professor-müəllim heyəti və aspirantlarının 48-ci yubiley tədris metodiki və elmi-texniki Konfransı, I hissə, Bakı-2002, 2 səh.).
  • "Тенденции изменения отраслевой структуры инвестиций в основной капитал в странах с переходной экономикой" (ATU professor-müəllim heyəti və aspirantlarının 48-ci yubiley tədris metodiki və elmi-texniki Konfransı, I hissə, Bakı-2002, 2 səh.).
  • "Инвестиционная политика и макроэкономическое развитие Азербайджана" (Проблемы и пути развития предпринимательства и права в XX веке. Сборник тезисов. Балтийский Русский Институт. Международная Академия наук высшей школы, Рига, 2002, 3 səh., həmmüəllif - M.Meybullayev).
  • "İnvestisiyalar iqtisadi artımın əsasıdır" ("H.Əliyev və Azərbaycanda elmi-texniki tərəqqi" mövzusunda elmi-praktik konfrans, I hissə, ATU, Bakı, 2003, 2 səh.).

"İqtisadiyyat" qəzetində məqalələr[redaktə | əsas redaktə]

"Trend" informasiya agentliyi:[redaktə | əsas redaktə]

Европа приобрела в лице Азербайджана надежного партнера - эксперт

Həmçinin bax[redaktə | əsas redaktə]

Vikianbarda Rüfət Quliyev ilə əlaqəli mediafayllar var.

İstinadlar[redaktə | əsas redaktə]