Rüstəm Cabbarov

Vikipediya, azad ensiklopediya
Jump to navigation Jump to search
Rüstəm Cabbarov
Doğum tarixi 1979
Doğum yeri

Rüstəm Cabbarov (özbəkcə: Rustam Jabborov; 1979, Səmərqənd vilayəti) - tanınmış özbək yazıçısı, publisisti və tərcüməçisi.

Həyatı[redaktə | əsas redaktə]

Rüstəm Cabbarov 1979-cu ildə Özbəkistan Respublikasının Səmərqənd vilayətinin Urqut rayonunda anadan olub. 2003-cü ildə Özbəkistan Milli Universitetinin jurnalistika fakultəsində ali təhsilini başa vuraraq beynəlxalq jurnalistika ixtisasına yiyələnib.

1998-2000-ci illərdə Özbəkistanın “Respublika” qəzetində müxbir kimi fəaliyyət göstərib. 2000-2003-cü illərdə “Kənd həyatı” qəzetinin böyük redaktoru, 2003-cü ildən 2010-cı ilə qədər Özbəkistan Milli Xəbər Agentliyinin baş redaktorunun müavini vəzifəsini icra edib. 2010-2016-cı illərdə isə “Darakcı” qəzetinin baş redaktorunun müavini, sonra isə baş redaktoru olub. Davamlı olaraq Özbəkistanın dərgi, qəzet və elektron mətbuatında ictimai-siyasi, iqtisadi, ədəbi-kulturoloji, tarixi-publisist mövzulara həsr olunmuş yazıları ilə çıxış edir.

Hazırda «Zamon Press” Nəşriyyat Evinin direktoru vəzifəsində calışır.

Yaradıcılığı[redaktə | əsas redaktə]

Rüstəm Cabbarov 20-dən cox bədii, publisistik və tərcümə kitabının müəllifidir. Şeirləri, hekayələri və publisistik məqalələri Azərbaycan, Özbəkistan, Hindistan və digər ölkələrdə cap olunub. O, dünyanın tanınmış klassiklərindən Gi de Mopassan, Edqar Po, Qabriel Qarsia Markesin əsərləri ilə yanaşı, Azərbaycan ədəbiyyatından Anar, Sabir Rüstəmxanlı, Vaqif Sultanlı, İlqar Fəhmi və başqa yazıcıların hekayə, povest və romanlarını özbək dilinə çevirərək cap etdirmişdir. Bununla yanaşı, o xeyli bədii, sənədli və animasiya filmlərinin scenari müəllifidir. Rüstəm Cabbarovun müəllifliyi ilə çəkilmiş “Vicdan” (2007), “Yoxsul adam” (2011), “Asragil” (2017) və ”Namus” (2017) bədii filmləri Özbəkistan tamaşaçıları tərəfindən maraqla qarşılanmış, böyük şöhrət qazanmışdır. O, çağdaş özbək ədəbiyyatında daha çox detektiv əsərlər müəllifi kimi tanınır.

Rüstəm Cabbarovun detektiv mövzuda yazdığı "Kitabın arasındakı məktub" və "Xəyanətin kəsişməsi" povestləri Ədalət Məmmədovun tərcüməsində Azərbaycan dilində nəşr olunub.

Kitabları[redaktə | əsas redaktə]

Filmləri[redaktə | əsas redaktə]

İstinadlar[redaktə | əsas redaktə]

Xarici keçidlər[redaktə | əsas redaktə]