Rəşad Həsənov

Vikipediya, azad ensiklopediya
Jump to navigation Jump to search
Rəşad Həsənov
Doğum tarixi 2 may 1985 (1985-05-02) (34 yaş)
Doğum yeri Lənkəran, Azərbaycan SSR
Vətəndaşlığı
Təhsili
Fəaliyyəti aktivist

Həsənov Rəşad Zeynalabdin oğluNİDA Vətəndaş Hərəkatının İdarə Heyətinin (2012 Sentyabr - 2013 Sentyabr) üzvü, 2013-cü ildən hazırkı vaxta kimi siyasi məhbus.

Həyatı[redaktə | əsas redaktə]

Rəşad Həsənov 2 may 1985-ci ildə Lənkəran şəhərində anadan olmuşdur. Orta təhsilini Lənkəran Özəl Türk Liseyində alan Rəşad, bu illərdə Fənn olimpiadalarının respublika turunda iştirak edərək riyaziyyat üzrə qızıl medal və fəxri mükafat almış, liseyi fərqlənmə diplomu (qırmızı) ilə bitirmişdir.

Təhsili[redaktə | əsas redaktə]

Universitet təhsilini Türkiyənin məşhur Orta Doğu Teknik Universitetində (ODTÜ) alan Rəşad Həsənov təhsil aldığı illərdə universitetdə azərbaycanlılardan ibarət futbol komandası qurmuşdur. Rəhbərlik etdiyi komanda qurulduğu ilk tədris ilində (2008-2009) bürünc medal qazanmış, növbəti ildə isə qızıl medala layiq görülmüşdür. Bundan əlavə Rəşad Həsənov 2008-2009-cu illərdə 100-dən çox üzvü olan ODTÜ Azərbaycanlı tələbələr cəmiyyətinə rəhbərlik etmiş, 2009-2010-cu illərdə 300-dən çox üzvü olan Azərbaycanlı Tələbələr və Məzunlar Assosiasiyasının vitse-prezidenti olmuşdur.

2002 -ci ildə, Şotlandiyanın Qlazqo şəhərində keçirilmiş Beynəlxalq Riyaziyyat Olimpiadasına dəvət alsa da xəstəlik səbəbindən iştirak edə bilməmişdi.

2010-cu ilin avqustunda ODTÜ-dən məzun olarkən Rəşad Nottinqham universitetinin “Beynəlxalq təhlükəsizlik və terrorizm” üzrə magistratura proqramına qəbul olmuş, lakin Azərbaycan Təhsil Nazirliyi “Azərbaycan gənclərinin xaricdə təhsili- 2007-2015-ci illər” dövlət proqramı üzrə onun təhsilini maliyyələşdirməkdən imtina etmişdir.

İctimai fəaliyyəti[redaktə | əsas redaktə]

2010-cu il Azərbaycanda Parlament seçkiləri keçirilərkən Rəşad Həsənov seçkilərdə gənc namizədlərdən Bəxtiyar Hacıyevin seçki kampaniyasında aktiv iştirak edərək seçki kampaniyasının 100-dən çox könüllüsünü koordinasiya etmişdir.

2010-cu il noyabrın 10-da 35-dən çox könüllünün Müsbət Dəyişiklik gənclər hərəkatın təsis olunmuş, Rəşad Həsənov 2011-ci ilin mart ayından və 2012-ci ilin mayına qədər 2(iki) dəfə hərəkatın idarə heyətinə seçilmiş və hərəkatın üzvü olan siyasi məhbus Bəxtiyar Hacıyev üçün yaradılan “Bəxtiyara dəstək” kampaniyasında aktiv iştirak etmişdir.

Rəşad Həsənov 2011-ci ildə 9 təşkilatın təmsil olunduğu “Gənclərin Hüquqlarını Müdafiə Komitəsi”nin (GHMK) idarə heyətində təmsil olmuş, 5 ay ərzində GHMK-nın mülkiyyət hüquqları ilə bağlı “Maddə 13- mülkiyyət” alt komitəsinin rəhbəri olmuşdur.

2011-ci ildə Azad İqtisadiyyata Yardım İctimai Birliyinin rəhbəri Zöhrab İsmayılla bərabər Rəşad Həsənov Britaniya səfirliyinin dəstəyi ilə “Bakıda mülkiyyət haqları pozuntularının xəritə və statistikası” adlı hesabat hazırlmışdır. 2012-ci il martın 17-də GHMK-nın uzun illərdən sonra keçirdiyi ilk razılaşdırılmış mitinqin təşkilatçılarından və aktiv iştirakçılarından olmuşdur.

Rəşad 2012-ci ilin mayında Müsbət Dəyişiklik gənclər hərəkatını tərk edərək, daha geniş auditoriyaya xitab etmək üçün N!DA vətəndaş hərəkatına qoşulmuşdur. 2012-ci ilin sentyabrında N!DA Vətəndaş Hərəkatının idarə heyətinə üzv seçilmişdir.

Rəşad Həsənov 2012-ci il noyabrın 4-də yaradılan və 50-yə yaxın fəal gəncin təmsil olunduğu Gənclər Məclisinin həmtəsisçisi olmuşdur.

2012-ci ilin avqustunda Praqada keçirilən “Avropada yaşayan Azərbaycanlıların forumu”nda iştirak edən Rəşad, forumun koordinasiya komitəsinin üzvü idi.

Rəşad Həsənov 2012-ci ilin oktyabrnda İREX-in donorluğu ilə həyata keçirilən və Azərbaycan universitetlərində korrupsiyanın həddini müəyyən etməyi nəzərdə tutan “Korrupsiyasız təhsil” layihəsində “Frontline sms” proqramı vasitəsilə keçirilən sorğuda məsul şəxslərdən olmuşdur.

Rəşad Həsənov 2013-cü il 12 yanvarda Bakının mərkəzində keçirilən Əsgər ölümlərinə son! askiyasında polis tərəfindən saxlanmış və Səbail rayon məhkəməsi tərəfindən cərimə olunmuşdur. Rəşad cərimələri ödəməkdən imtina edərək "Vətəndaş İtaətsizliyi" kampaniyası keçirən 10 nəfər aktivistdən biridir.

2013-cü ilin mart ayından etibarən "El" hərəkatının "Azərbaycanda avtoritarizmdən demokratiyaya keçid" layihəsinin koordinatorudur.

Həbsi[redaktə | əsas redaktə]

14 mart 2013-cü ildə mülkigeyimli polislər tərəfindən saxlanılaraq Baş Prokurorluğun Ağır Cinayətlərə Dair İşlər üzrə İstintaq İdarəsinə aparılıb. Cinayət Məcəlləsinin 228.3-cü (qanunsuz olaraq odlu silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma ve gəzdirmə) maddəsi ilə təqsirləndirilərək barəsində cinayət işi açılıb və 3 aylıq həbs-qətimkan tədbiri seçilib.

6 may 2014-cü ildə Bakı Ağır Cinayətlər Məhkəməsində Rəşad Həsənov barəsində hökm oxunub və 7 il 6 ay müddətində azadlıqdan məhrum edilib.

Beynəlxalq Amnistiya Təşkilatı Rəşad Həsənovu "vicdan məhbusu" kimi tanıyıb.

İstinadlar[redaktə | əsas redaktə]


Xarici keçidlər[redaktə | əsas redaktə]