Rəşid Abdullayev

Vikipediya, açıq ensiklopediya
Jump to navigation Jump to search
Rəşid Abdullayev
Rəşid Abdulla oğlu Abdullayev
Rəşid Abdullayev.jpg
Doğum tarixi 25 noyabr 1957 (1957-11-25) (61 yaş)
Doğum yeri Qafan, Ermənistan
Həyat yoldaşı Abdullayeva Elmira
Uşağı Nəsimi
Sevinc
Atası Abdulla Abdullayev (güləşçi)
Anası Səfarova Mehparə
Vətəndaşlıq Flag of the Soviet Union.svg SSRİFlag of Azerbaijan.svg Azərbaycan
Peşəsi ağırlıqqaldıran
Fəaliyyət illəri 1979-1987
Mükafatları SSRİ çempionu, İdman ustası, Ermənistan çempionu

Rəşid Abdulla oğlu Abdullayev (25 noyabr, 1957-ci il, Qafan şəhəri, Ermənistan) - ağırlıqqaldırma üzrə SSRİ çempionu, SSRİ idman ustası, ağırlıqqaldırma və daşoynatma üzrə altıqat Ermənistan çempionu, əməkdar məşqçi, dünya rekordçusu.

Həyatı[redaktə | əsas redaktə]

Rəşid Abdullayev 1957-ci il noyabrın 25-də Qərbi Azərbaycanın Zəngəzur mahalındakı Qafan şəhərində pəhləvan Abdullanın ailəsində anadan olub. Az yaşlarından çıxışları zamanı atasının iki qolu üzərində 20 nəfər saxladığını, armaturları əydiyini, boynunda yoğun dirəyi sındırdığını və üstündən avtomobil keçdiyini görüb ona oxşamağa çalışırdı.

Yeniyetmə yaşlarından rayonda, respublikada ad qazandı. 1970-ci ildə, 12 yaşında SSRİ əmək ehtiyyatları idman cəmiyyətinin çempionu oldu və xalq arasında onu "Rəşid pəhləvan" deyə çağırmağa başladılar.

1975-ci ildə Qafan şəhəri 4 №-li orta məktəbi bitirdi. 1976-cı ildə respublika ağır atletika yarışlarında iştirak edərək yeniyetmələr arasında Ermənistan çempionu oldu. Əsgəri xidmətdə ikən SSRİ Ordu Spartakiadasının çempionu, 1979-cu ildə isə hərbi xidmətdən qayıdan gənc pəhləvan ağırlıq qaldırma üzrə SSRİ çempionu və idman ustası adlarını qazandı.

Azərbaycan birinciliyində beş pudluq daşı sağ əli ilə 15 dəfə qaldıraraq həm də dünya rekordçusu oldu.

Dəfələrlə Ermənistan mətbuatı və televiziyası məşhur ata-oğul pəhləvanların möcüzəsindən yazırdı. 1982-1988-cı illərdə Rəşid pəhləvan daşoynatma üzrə, 70 kq çəki dərəcəsində Ermənistanın altıqat mütləq çempionu oldu. 22-24 noyabr 1985-ci ildə Rusiyanın Lipetsk şəhərində daşoynatma üzrə SSRİ ümumittifaq yarışlarında 70 kq çəki dərəcəsində SSRİ çempionu adını qazanır. 1987-ci ildə ona Ermənistan SSR Əməkdar Məşqçisi adı verildi.

Hazırda Rəşid pəhləvan Bakıda yaşayır.

Fəxri adları[redaktə | əsas redaktə]

  • SSRİ çempionu, 1985, Rusiya, Lipetsk şəhəri
  • SSRİ idman ustası, 1979, Moskva şəhəri
  • Ermənistanın mütləq çempionu, 1982-1988
  • Ermənistan SSR Əməkdar məşqçisi.

Mənbə[redaktə | əsas redaktə]

  • Sabir Cəlal oğlu Əsədov. "Zəngəzur qartalı". 1998, Bakı, Gənclik nəşriyyatı, İSBN-5-8020-1382-6.