Rəşid Mahmudov (fizioloq)

Vikipediya, azad ensiklopediya
Jump to navigation Jump to search
Rəşid Mahmudov
Rəşid Mahmudov (alim).jpg
Doğum tarixi 28 noyabr 1938(1938-11-28) (82 yaş)
Doğum yeri
Milliyyəti Azərbaycanlı
Elmi dərəcəsi Fəlsəfə doktoru
İş yeri
Təhsili

Mahmudov Rəşid Mahmud oğlu (28 noyabr 1938(1938-11-28), Kəsəmən, Gədəbəy rayonu) — tibb elmləri namizədi.

Həyatı və fəaliyyəti[redaktə | əsas redaktə]

Rəşid Mahmudov 1938-ci il noyabr ayının 28-də Gədəbəy rayonunun, Kəsəmən kəndində anadan olmuşdur.

1952-55-ci illərdə Füzuli adına Böyük Qaramurad kənd orta təhsil almışdır. 1955-ci ildə, Azərbaycan Dövlət Tibb İnstitutuna daxil olmuşdur. Tələbəlik illərində 2 elmi məqaləsi çap olunmuşdur.[Mənbə göstərin]

1961-ci ildə Azərbaycan Dövlət Tibb İnstitutunu əla qiymətlərlə bitirərək, Səhiyə Nazirliyinin göndərişi ilə Gədəbəy rayonunun Rəsullu kənd xəstəxanasına baş həkim təyin edilmiş və 1963-cü ilə qədər burada fəaliyyət göstərmişdir.

1963-1966-cı illər arasında Azərbaycan Dövlət Tibb İnstitutunun aspranturasında təhsil almış, 1966-cı ildən 1971-ci ilə qədər həmin institutun normal fiziologiya kafedrasında müəllim (assistent) kimi çalışmışdır. 1971-ci ildə normal fiziologiya kafedrasında baş müəllim seçilmişdir. Aspirant olduğu dövrdə institutda fiziologiya fənnindən bir sıra mühazirələr oxumuşdur.[Mənbə göstərin]

Elmi fəaliyyəti[redaktə | əsas redaktə]

1983-cü ildə elmi araşdırmalarını Moskva şəhərində kardioloji mərkəzdə aparmış və həmin ildə «Aterosklerozun yaranmasında böyrək üstü vəzin beyin maddəsinin hormonu adrenalin və noradrenalinin (katexolaminlər) rolu» mövzusunda tibb elmləri namizədi alimlik dərəcəsi almaq üçün dissertasiya müdafiə etmişdir. 1991-ci ildən Nəriman Nərimanov adına Azərbaycan Dövlət Tibb İnstitutuda dosent seçilmişdir.

Hal-hazırda Azərbaycan Tibb Universitetinin normal fiziologiya kafedrasında dosent vəzifəsində çalışır. 50-dən çox elmi əsərin müəllifidir.[Mənbə göstərin]

1985-ci ildə "Cor et Vaza" (Ürək və damar) jurnalında 9 səhifədən ibarət elmi məqaləsi çap olunmuşdur.

R.M.Mahmudov Azərbaycan dilində nəşr olunan "Normal fiziologiya" adlı dərsliyin müəllifidir.

İstinadlar[redaktə | əsas redaktə]

Xarici keçidlər[redaktə | əsas redaktə]