Rəcəb Tayyib Ərdoğan Universiteti

Vikipediya, azad ensiklopediya
Naviqasiyaya keç Axtarışa keç
Rəcəb Tayyib Ərdoğan Universiteti
Recep Tayyip Erdoğan Üniversitesi[1]
Əsası qoyulub 17 mart 2006
Rektor Yusif Yılmaz
Tələbə sayı 17.000
Ölkə
Sayt erdogan.edu.tr

Rəcəb Tayyib Ərdoğan Universiteti (əvvəlki adı: Rizə Universiteti) — Rizədə yerləşən Türkiyə dövlət universiteti. 2006-cı ildə Qaradəniz Texniki Universitetindən ayrılaraq müstəqil universitet kimi yaradılmışdır. Universitet əsasən elm və səhiyyə yönümlüdür.

Tarixi[redaktə | mənbəni redaktə et]

Universitetin tarixi Texniki Məktəbin yaradılması ilə 1950-ci illərdən başlayır. 1975-ci ildə Rizə Təhsil İnstitutu yaradılır.[2] 1976-cı il martın 1-də Rizə Peşə Məktəbinin əsası qoyulur. 1992-ci ildə İlahiyyat Fakültəsi və Balıqçılıq Fakültəsinin, 1996-cı ildə Fındıqlı Peşə Məktəbi, 1997-ci ildə Təhsil fakültəsi və Fən-ədəbiyyat fakültəsinin qurulması ilə böyüməyə davam edib.[3]

O, əvvəllər Qaradəniz Texniki Universitetinin bir hissəsi olub. 26111 nömrəli Rəsmi Qəzetdə dərc edildikdən sonra qüvvəyə minən 15 yeni universitetin yaradılması haqqında qanunla 17 mart 2006-cı ildə Rizə Universiteti yaradılıb.[4]

Universitet rəhbərliyinin təklifi və Nazirlər Şurasının qərarı ilə 2012-ci il 11 aprel tarixli 28261 saylı Rəsmi Qəzetdə dərc olunduqdan sonra qüvvəyə minən 6287 saylı İbtidai Təhsil və Təhsil Qanunu və Bəzi Qanunlarda Dəyişikliklər edilməsi haqqında Qanunla Rizə Universitetinin adı Rəcəb Tayyib Ərdoğan Universiteti olaraq dəyişdirilib.[5][6] 2022-ci il iyulun 8-dən universitetin rektoru Yusif Yılmazdır.

Akademik[redaktə | mənbəni redaktə et]

Universiteti hazırda 1 institut, 15 fakültə, 3 məktəb, 6 peşə məktəbi, 18 Tədqiqat və Tətbiq Mərkəzi və rektorluğa tabe olan 6 şöbə daxil olmaqla 49 akademik bölmədən ibarətdir. Bu tədris bölmələrində 1200-dən çox akademik işçi, o cümlədən 500-dən çox professor-müəllim heyəti çalışır və 17 mindən çox tələbə təhsil alır.

Fakültələr[redaktə | mənbəni redaktə et]

  • Ardeşen turizm fakültəsi
  • Stomatologiya fakültəsi
  • Əczaçılıq fakültəsi
  • Təhsil fakültəsi
  • Fən-ədəbiyyat fakültəsi
  • Hüquq fakültəsi
  • İqtisadiyyat və İdarəetmə fakültəsi
  • İlahiyyat fakültəsi
  • Mühəndislik və Memarlıq Fakültəsi
  • Tibb elmləri fakültəsi
  • İdman elmləri fakültəsi
  • Balıqçılıq fakültəsi
  • Tibb fakültəsi
  • Turqut Qıran dənizçilik fakültəsi
  • Kənd təsərrüfatı fakültəsi

Universitet daxilində Lisansüstü Təhsil İnstitutu, Fındıqlı Tətbiqi Elmlər Məktəbi, Güneysu Fizioterapiya və Reabilitasiya Məktəbi və Xarici Dillər Məktəbi fəaliyyət göstərir. Həmçinin Ədliyyə Peşə Məktəbi, Ardeşen Peşə Məktəbi, Pazar Peşə Məktəbi, Sağlamlıq Xidmətləri Peşə Məktəbi, Sosial Elmlər Peşə Məktəbi və Texniki Elmlər Peşə Məktəbi mövcuddur.

İstinadlar[redaktə | mənbəni redaktə et]

  1. ↑ https://web.archive.org/web/20230815060630/https://uye.ankos.org.tr/uyeler/.
  2. ↑ "Sayılarla RTEÜ". sayilarla.erdogan.edu.tr. 2024-04-17 tarixində arxivləşdirilib. İstifadə tarixi: 2024-04-17.
  3. ↑ "History of Recep Tayyip Erdogan University". Recep Tayyip Erdoğan Üniversitesi (ingilis). 2024-04-17 tarixində arxivləşdirilib. İstifadə tarixi: 2024-04-17.
  4. ↑ "KANUN". web.archive.org. 2015-09-24. Archived from the original on 2015-09-24. İstifadə tarixi: 2024-04-17.
  5. ↑ "O üniversitenin adı Recep Tayyip Erdoğan oluyor". CNN TÜRK (türk). 2024-04-17 tarixində arxivləşdirilib. İstifadə tarixi: 2024-04-17.
  6. ↑ "Başbakanlık Mevzuatı Geliştirme ve Yayın Genel Müdürlüğü". web.archive.org. 2012-04-13. Archived from the original on 2012-04-13. İstifadə tarixi: 2024-04-17.
Mənbə — "https://az.wikipedia.org/w/index.php?title=Rəcəb_Tayyib_Ərdoğan_Universiteti&oldid=7596872"