Rac Qasımov
| Rac Qasımov | |
|---|---|
| Şəxsi məlumatlar | |
| Doğum tarixi | 18 oktyabr 1978 (45 yaş) |
| Doğum yeri | |
|
|
|
| Təltifləri |
  |
Rac Müzəffər oğlu Qasımov (18 oktyabr 1978, Ermənistan) — Ukrayna Azərbaycanlıları Birləşmiş Diasporunun Jitomir regional nümayəndəliyinin sədri.[1]
Həyatı[redaktə | mənbəni redaktə et]
Rac Qasımov 18 oktyabr 1978-ci ildə indiki Ermənistanda doğulub. 1988-ci ildə Ermənistandan məcburi köçürülən Rac Qasımovun ailəsi Bakının Qaradağ rayonunda məskunlaşıb. O, 1995-ci ildə Qaradağ rayonundakı 139 nömrəli orta məktəbi bitirib. 1995-ci ildən 1997-ci ilə qədər isə Jitomir şəhərində 17 nömrəli orta məktəbdə təhsil alıb.
1997-ci ildə Ukraynanın Xarici Ticarət Akademiyasının Beynəlxalq İqtisadiyyat və İdarəetmə fakültəsinin qiyabi şöbəsinə daxil olub və 2003-cü ildə oradan məzun olub. 2017-ci ildə Jitomir Milli Aqroekoloji Universitetinin İqtisadiyyat və İdarəetmə fakültəsinə daxil olub.
2014-cü ildən Ukrayna Azərbaycanlıları Birləşmiş Diasporunun Jitomir regional nümayəndəliyinin sədridir.[1]
Ailəsi[redaktə | mənbəni redaktə et]
Ailəlidir, üç övladı (Ayşə, Ruslan və İmran) var.
Fəaliyyəti[redaktə | mənbəni redaktə et]
2014-cü ildən Ukrayna Azərbaycanlıları Birləşmiş Diasporunun Jitomir regional nümayəndəliyinin sədridir.
12 sentyabr 2014-cü il tarixində Ukrayna Azərbaycanlıları Birləşmiş Diasporu və Rac Qasımovun nümayəndəliyi ilə Jitomir şəhərində 17 saylı orta məktəbin bazasında Azərbaycan dili, tarixi və mədəniyyəti üzrə Təhsil-Mədəniyyət Mərkəzi açılmışdır.[2] 2015-ci ildə UABD-nın Jitomir regional nümayəndəliyi olaraq Novruz bayramı və 2018-ci ildə UABD-nın dəstəyi ilə Jitomir şəhərində Müslüm Maqomayevin xatirəsinə həsr olunmuş konsert keçirilmişdir.[3]
Mükafatları[redaktə | mənbəni redaktə et]
- 2017-ci ildə "Ukraynanın müstəqilliyinin 25 illiyi" medalı ilə təltif edilib.
- 2018-ci ildə isə Ukrayna Azərbaycanlıları Birləşmiş Diasporu tərəfindən "Azərbaycan Xalq Cümhuriyyətinin 100 illiyi" medalı ilə təltif edilib.[1]
İstinadlar[redaktə | mənbəni redaktə et]
- ↑ 1 2 3 "Ukraynanın mərkəzində fəaliyyət göstərən Azərbaycan diaspor təşkilatlarının regional nümayəndəlikləri". 2019-05-18 tarixində orijinalından arxivləşdirilib. İstifadə tarixi: 2019-05-15.
- ↑ Ukrayna — Azərbaycan mədəniyyət mərkəzi açılıb
- ↑ Ukrayna Azərbaycanlılarının Birləşmiş Diasporunun Jitomir vilayətindəki nümayəndəliyi