Rafail Qəribov

Vikipediya, açıq ensiklopediya
Jump to navigation Jump to search
Rafail Qəribov
Qəribov Rafail Bəşir oğlu
Doğum tarixi 21 noyabr 1961 (1961-11-21) (57 yaş)
Doğum yeri Sofular, Tovuz rayonu, Azərbaycan SSR, SSRİ
Vətəndaşlıq Flag of the Soviet Union.svg SSRİ
İş yeri “Volqapromstroybezopasnost” ETM QSC
Elmi dərəcəsi Texnika elmləri doktoru (2008)
Mükafatları I dərəcəli “Rusiyanın mühəndis şöhrəti” şərəf nişanı,
I dərəcəli “Derjava” ordeni,
“Elmə töhfəyə görə” ordeni,
“Dünyanın xeyirxah mələyi” qızıl medalı

Rafail Qəribov (Qəribov Rafail Bəşir oğlu; d. 21 noyabr 1961. Sofular, Tovuz rayonu, Azərbaycan SSR, SSRİ) — Texnika elmləri doktoru (2008). “Volqapromstroybezopasnost” ETM QSC‑nin baş direktoru. Beynəlxalq İctimai Elmlər Akademiyasının həqiqi üzvü (2008).

Həyatı[redaktə | əsas redaktə]

Qəribov Rafail Bəşir oğlu 1961-ci il noyabrın 21-də Azərbaycan Respublikasının Tovuz rayonunun Sofular kəndində anadan olub. 1986-cı ildə Azərbaycan Mühəndis-Tikinti İnstitutunu “sənaye və mülki tikinti” ixtisası üzrə bitirib. 1980-1982-ci illərdə Sovet Ordusunda xidmət edib. 1978-1988-ci illərdə Bakı Baş Tikinti İdarəsi sistemində işçi, mühəndis, baş mühəndis işləyib. 1988-1990-cı illərdə 11 nömrəli “Sosialmədənitikinti” tresti partiya komitəsinin katibi olub. 1990-cı ildən Bakı Ali Partiya Məktəbinə göndərilib. 1992-ci ildə R.Qəribov Bakı Sosial İdarəetmə və Politologiya İnstitutunu bitirib və həmin il Rusiyanın Saratov şəhərinə köçüb. Baş mühəndis, tikinti müəssisəsinin direktoru vəzifəsində çalışıb və paralel surətdə hələ 1983-cü ildə tələbə olarkən başladığı elmi fəaliyyətlə məşğul olub. O, 1999-cu ildə Saratov Dövlət Texniki Universitetinin aspiranturasına qəbul edilib, dissertasiya hazırlamaqla yanaşı, müəllimlik fəaliyyəti ilə məşğul olub. 2003-cü ildə “Konstruksiyanın dəmir-beton elementlərinin aqressiv mühitin təsirinə müqaviməti” mövzusunda dissertasiyasını müdafiə etdikdən və texniki elmlər namizədi alimlik dərəcəsi aldıqdan sonra körpülər və nəqliyyat qurğuları kafedrasının dosenti olub. Saratov Dövlət Texniki Universitetində fəaliyyəti ilə paralel olaraq tikinti mövzusu üzrə eksperimental və nəzəri tədqiqatlar aparıb.

R.Qəribov həm Rusiyada (Moskva, Samara, Saransk, Penza, Tula, Volqoqrad və başqa şəhərlərdə), həm də digər ölkələrdə (İspaniya, Tunis, Cənubi Koreya, Yunanıstan, Çin, Almaniya, Ukrayna və digər dövlətlərdə) keçirilən 20-dən çox beynəlxalq elmi konfransda iştirak edib. 2008-ci ildə Penza Dövlət Memarlıq və Tikinti Universitetinin dissertasiya şurasına “Ətraf mühitin aqressiv təsirləri zamanı daşıyıcı dəmir-beton konstruksiyalarının möhkəmliyi və deformativliyi” mövzusunda müdafiə etdiyi doktorluq dissertasiyasını təqdim edib.[1]

Təltif və mükafatları[redaktə | əsas redaktə]

R.Qəribovun şəxsi xidmətləri çoxsaylı mükafatlarla qeyd olunub. Belə ki, o, I dərəcəli “Rusiyanın mühəndis şöhrəti” şərəf nişanının sahibidir. I dərəcəli “Derjava” ordeni, “Elmə töhfəyə görə” ordeni, “Dünyanın xeyirxah mələyi” qızıl medalı ilə təltif edilib.

İstinadlar[redaktə | əsas redaktə]

  1. Bağıyeva, Mətanət (2016). Xaricdə yaşayan azərbaycanlılar. Qısa bioqrafik məlumat kitabçası (az). Bakı: "Papirus NP". ISBN 978-9952-8299-1-4. 2017-10-21 tarixində arxivləşdirilib.