Rahib Məmmədov (əsgər)

Vikipediya, azad ensiklopediya
Jump to navigation Jump to search
Rahib Məmmədov
Rahib Gülmalı oğlu Məmmədov
Doğum tarixi
Doğum yeri Mahrızlı, Ağdam rayonu, Azərbaycan SSR
Vəfat tarixi (19 yaşında)
Vəfat yeri Çaladidi, Xobi rayonu, Gürcüstan SSR
Atası Gülmalı Məmmədov
Milliyyəti Azərbaycanlı

Rahib Gülmalı oğlu Məmmədov (d.1967 – ö.1987) — Azərbaycanlı əsgər, "Qırmızı Ulduz" ordeni laureatı.

Həyatı[redaktə | əsas redaktə]

Rahib Məmmədov 1967-ci il avqustun 25-də Ağdam rayonunun Mahrızlı kəndində anadan olub. O 1984-cu ildə Mahrızlı kənd orta məktəbini bitirdikdən sonra, Ağdam şəhərində yerləşən Kənd Təsəruffatının Elektrikləşdirilməsi və Mexanikləşdirilməsi Texnikumuna daxil olur. Texnikumda bir illik təhsildən sonra, 1985-ci ilin noyabr ayında hərbi xidmətə çağrılır. Hərbi xidmətini Gürcustan SSR-də, Batumi şəhəri yaxınlığındakı Xeliçavuri qəsəbəsində yerləşən Hərbi hissədə keçir.

İgidliyi[redaktə | əsas redaktə]

Rahib Məmmədov 20 yaşında ikən, 1987-ci ildə hərbi xidmət keçdiyi Gürcüstanın Xobi rayonunun Çaladidi kəndində böyük fədakarlıq və qəhrəmanlıq göstərərək, təbii fəlakət zamanı 28 sakini seldən xilas edib və qəhrəmanlıqla həlak olmuşdur[1]. Ölümündən sonra o, SSRİ Ali Soveti Rəyasət Heyətinin 22 iyul 1987-ci il tarixli Fərmanı ilə "Qırmızı Ulduz" ordeni ilə təltif edilmişdir[2].

R.Məmmədovun bu şücaəti Azərbaycan və Gürcüstan xalqları arasında dostluq münasibətlərinin timsalına çevrilib. Yerli sakinlər hələ də baş verən fəlakət zamanı azərbaycanlı əsgərin qəhrəmanlığından danışır, onun xatirəsini həmişə əziz tuturlar. R.Məmmədov həlak olan gün kənddə doğulmuş oğlan uşağını qəhrəmanın şərəfinə Rahib (Rahib Çanturiya) adlandırıblar[3].

Xatirəsi[redaktə | əsas redaktə]

Bakının Xətai rayonunun Əhmədli yaşayış massivində Rahib Məmmədov adına küçə var[4].

Rahibin oxuduğu orta məktəbdə adına muzey yaradılmışdır. Muzeyə Sahib Məmmədov rəhbərlik edir[5].

Gürcüstanın Çaladidi kəndində abidəsi qoyulmuşdur. 2012-ci ildə abidə təmir edilmişdir. Abidə üzərində ingilis və gürcü dillərində həkk olunmuş mətndə deyilir:

"1987-ci ildə baş vermiş sel daşqınları zamanı onlarla insanı həyatı bahasına xilas etmiş azərbaycanlı əsgər Rahib Məmmədovun işıqlı xatirəsinə minnətdarlıq duyğusu ilə"[1].

1997-ci ildə Rahib Məmmədovun xatirəsinə Qardabani rayonunda beynəlxalq boks turniri keçirilmişdir[6].

Filmoqrafiya[redaktə | əsas redaktə]

İstinadlar[redaktə | əsas redaktə]

  1. 1 2 AZADİNFORM (24.07.2012-17:25). "Gürcüstanda azərbaycanlı əsgər Rahib Məmmədovun büstü qoyulub" (azərb.). azadinform.az. İstifadə tarixi: 2014-04-01.
  2. "Sovet Ordusu və Hərbi Dəniz Donanması hərbi qulluqçularının bir qrupunun SSRİ orden və medalları ilə təltif edilməsi haqqında" SSRİ Ali Soveti Rəyasət Heyətinin 22 iyul 1987-ci il tarixli Fərmanı
  3. "Gürcüstanda azərbaycanlı əsgər Rahib Məmmədovun büstü qoyulub - FOTO" (azərb.). az.apa.az. 25 İyul 2012 10:50. 2012-07-28 tarixində orijinalından arxivləşdirilib. İstifadə tarixi: 2014-04-01.
  4. "Prezident İlham Əliyev Bakının Əhmədli yaşayış massivindəki Rahib Məmmədov küçəsində yenidən qurulan parkda yaradılmış şəraitlə tanış olub" (azərb.). yeniazerbaycan.com. 19-10-2013. İstifadə tarixi: 2014-04-01.
  5. E.Məmmədli, "İgid Rahib Məmmədovun atası İlham Əliyevə şikayət etdi" — tezadlar.narod.ru saytı
  6. "Qəhrəmanların xatirəsinə"//Azərbaycan. -1997.-6 fevral.

Xarici keçidlər[redaktə | əsas redaktə]