Ramal İsrafilov

Vikipediya, azad ensiklopediya
Jump to navigation Jump to search
Ramal İsrafilov
Sənətçi məlumatları
Doğum tarixi 15 iyun 1985 (1985-06-15) (34 yaş)
Şamaxı, Azərbaycan
Doğum yeri
Peşələri Müğənni, bəstəkar

Üslub Pop
Musiqi aləti vokal
Fəaliyyət illəri 1993-

Ramal İsrafilov — Azərbaycanlı müğənni, bəstəkar.

Həyatı[redaktə | əsas redaktə]

İsrafilov Ramal 1985-ci il, iyun ayının 15-i Şamaxı şəhərində musiqiçi ailəsində dünyaya göz açıb. Valideynlərinin dediyinə görə 3 yaşında olarkən pianoda ilk dəfə "Cücələrim" mahnısını ifa edib.[1] 1991-ci ildə Şamaxı şəhər 5 saylı orta məktəbə daxil olub. 1993-cu ildə ilk dəfə Türkiyənin Rize şəhərində Sarımsaq festivalı adlı konsert proqramında çıxış edib. 1997-ci ildə təhsilini davam etdirmək üçün Bakı şəhəri Bülbül adına orta ixtisas musiqi məktəbinin xanəndə sinfinə daxil olub.[1]

1998-ci ildən 2000-ci ilə qədər Bakı şəhərindəki "Səyyah" folklor ansamblında solist kimi fəaliyyət göstəib. Bir çox böyük səhnələrdə həmin ansambl ilə çıxış edib. 2001-ci ildə təhsil aldığı məktəbi bitirib. 2002-ci ildə görkəmli Azərbaycan bəstəkarı Vaqif Gərəyzadənin yaratdığı "Aypara" vokal qrupuna dəvət olunub.[1]

2004-cü ildə Azərbaycan müğənnisi Abbas Bağırovla birğə yaratdığı "A-Trio" adlı qrupda solist olaraq fəaliyyət göstərdi. 2009-cu ildə solo karyerasına start verib və hal-hazırda çox ciddi olaraq həm bəstəkar, həm də müğənni kimi fəaliyyət göstərir.[1]

İstinadlar[redaktə | əsas redaktə]

  1. 1 2 3 4 Azərbaycanlı müğənninin ad günüdür