Ramilə Qurbanlı

Vikipediya, açıq ensiklopediya
Jump to navigation Jump to search
Ramilə Qurbanlı
Qurbanlı Ramilə Cəfər qızı
Ramilə Qurbanlı.jpg
Doğum tarixi 13 oktyabr 1970 (1970-10-13) (48 yaş)
Doğum yeri Cəbrayıl rayonu, Azərbaycan SSR
Vətəndaşlığı Azərbaycan Azərbaycan
Milliyyəti Azərbaycanlı
Elm sahəsi jurnalistika
İş yeri Azərbaycan Respublikasının Prezidenti yanında Bilik Fondu

Qurbanlı Ramilə Cəfər qızıAzərbaycanlı jurnalist-publisist, Azərbaycan Respublikasının Prezidenti yanında Bilik Fondunda aparıcı məsləhətçi, Azərbaycan Jurnalistlər Birliyinin və Teatr Xadimləri İttifaqının üzvü.

Həyatı[redaktə | əsas redaktə]

1970-ci il oktyabrın 13-də Cəbrayıl rayonu Maralyan kəndində anadan olub. 1994-cü ildə M.F.Axundov adına Azərbaycan Pedaqoji Rus dili və Ədəbiyyatı İnstitutunu rus dili filologiyası ixtisası üzrə bitirib. 1994-95-cı illərdə Xızı rayonu Sitalçay orta məktəbində rus dilindən dərs deyib.

Mətbuatda hekayələr, reportajlar, publisistik materiallarla çıxış edib. İlk dəfə 1995-ci ildə “Ədəbiyyat qəzeti”ndən peşəkar jurnalistika fəaliyyətinə başlayıb. “7 Gün”, “Gənclik – P.S”, “Gün Səhər”, “Üç nöqtə”, “Yeni zaman” qəzetlərində, Lent.az, Kulis.az internet saytlarında müxbir və redaktor vəzifələrində çalışıb. APA internet TV–də “Mizan” adlı müəllif proqramı ilə efirə çıxıb. "33 pərdəli dram", "Leyla Bədirbəyli","Lütfəli Abdullayev", "Əliağa Ağayev", "Ələsgər Ələkbərov", "Müharibə miniatürləri" adlı kitabların müəllifidir.

Mənbə[redaktə | əsas redaktə]