Ramiz Yusifov

Vikipediya, açıq ensiklopediya
Jump to navigation Jump to search
Ramiz Yusifov
Ramiz Yusif oğlu Yusifov
Doğum tarixi 15 may 1936 (1936-05-15) (83 yaş)
Vətəndaşlığı Azərbaycan Azərbaycan
Elm sahəsi Geologiya
Elmi dərəcəsi Geologiya elmlər üzrə fəlsəfə doktoru
İş yeri Azpetrol LTD MMC

Yusifov Ramiz Yusif oğlu - Azərbaycan geoloq alimi, geologiya elmlər üzrə fəlsəfə doktoru, professor, təcrübi-metodiki geofiziki ekspedisiyanın baş geoloqu (1980-1997), Boks üzrə SSRİ mükafatçısı, 5 dəfə Azərbaycan çempionu, 1958 -ci ildən SSRİ idman ustası, 1996-cı ildən boks üzrə Beynəlxalq dərəcəli hakim, Dəfələrlə Avropa və Dünya çempionatlarında müvəffəqiyyətlə iştirak edib. Azərbaycan Respublikası Boks Federasiyasının vitse-prezidenti (1995-2009), həmin federasiyanın icraçı komitəsinin üzvü, Milli Olimpiya Komitəsinin üzvü, Veteranlar Şurasının sədri və Prezident təqaüdçüsüdür. "Azpetrol LTD"nin birinci müavini və təhlükəsizlik xidmətinin rəisi olmuş, hazırda isə ictimaiyyətlə əlaqə departamentinin müdiridir. Yusif Yusifov (dövlət xadimi)nin oğludur. Qazax rayonunun Xanlıqlar kəndindəndir.


Həyatı[redaktə | əsas redaktə]

Yusifov Ramiz Yusif oğlu - 1936-cı ildə Ağdam rayonunda mayın 15-də anadan olub.
O, ilk İbtiadi təhsilini Ağdam rayonunda 1 N-li məktəbdə sonra , Naxçıvan şəhər 1 saylı orta məktəbin 7-ci sinfini, 1954-cü ildə isə Bakı şəhər 199 saylı orta məktəbini bitirib.
Evlidir. İki övladı, 4 nəvə, 2 nəticəsi var.

Elmi fəaliyyatı[redaktə | əsas redaktə]

1954-cü ildə BDU-nun Geoloji-Coğrafiya fakültəsinə qəbul olunub. 1959 -cu ildə BDU -nun Geoloji-Coğrafiya fakültəsinin neft-qaz axtarış şöbəsini bitirib. Onun elmi fəaliyyəti neft və qaz yataqlarının geologiyası-geofizikası, seysmologiyası ilə bağlıdır.
O, 1959-ci ildə BDU - da müvafiq kafedrada fəaliyyətə başlamış və “Azneftkəşfiyyat” trestində elmi təcrübədə olub. 1965-ci ildə elmlər namizədi elmi dərəcəsi adını alıb.
R.Yusifov 1966-cı ildə AMEA-nın Geologiya İnstitutunda əvvəlcə kiçik elmi işçi, sonra isə böyük elmi işçisi, 1980-1997-ci illərdə isə təcrübi-metodiki geofiziki ekspedisiyanın baş geoloqu vəzifələrində işləyib.
O, ixtisası üzrə bir çox xarici ölkələrdə olub. Belə ki, R.Yusifov 1984-cü ildə Özbəkistanda Qazlı, 1985-ci ildə Səmərqənd-Buxarada, 1989-cu ildə İranın Rüdbar və 1997-ci ildə İranın Ərdəbil zəlzələlərinin nəticələrinin aradan qaldırılması işlərində iştirak edib.

R.Yusifov 90 - dan çox elmi məqalənin müəllifidir.

İdman nailiyyətləri[redaktə | əsas redaktə]

Ömrünün 50 ilini boksa həsr edib və 1952-ci ildən boksla məşğul olub. 1954-1957-ci illərdə Ümumittifaq Spartak Cəmiyyətinin yarışlarının gümüş və bürünc medallarını qazanıb. O, 1954-cü ildə Tbilisidə 2-ci yeri, 1955-ci ildə Riqada 2-ci yeri, 1956 -cı ildə Vilnüsdə keçirilən 6-cı Spartakiadada 3-cü yeri tutub. R.Yusifov 5 dəfə Azərbaycan çempionu olub. O, 1958 -ci ildən SSRİ idman ustasıdır.
O, 1996-cı ildən bu günə kimi boks üzrə Beynəlxalq dərəcəli hakimdir. Dəfələrlə Avropa və Dünya çempionatlarında müvəffəqiyyətlə iştirak edib. Bu ərəfədə boksçularımızın Avropa və Dünya çempionatlarında 1 qızıl, 2 gümüş və 2 bürünc, Olimpiya oyununda isə 3 bürünc medal qazanmasında onun müstəsna əməyi olub. Onun rəhbərliyi altında boksçularımız dünyanın 5 qitəsində Azərbaycan bayrağını dalğalandırıblar.

Hal-hazırda[redaktə | əsas redaktə]

R.Yusifov 1995-ci ildən 2009-cu ilin yanvarınadək Azərbaycan Respublikası Boks Federasiyasının vitse-prezidenti olub. Hazırda o, həmin federasiyanın icraçı komitəsinin üzvü, Milli Olimpiya Komitəsinin üzvü, Veteranlar Şurasının sədri və Prezident təqaüdçüsüdür.