Rasim Qaraca

Vikipediya, açıq ensiklopediya
Jump to navigation Jump to search
Rasim Qaraca
Fotoqrafiya
Doğum tarixi 18 fevral 1960 (1960-02-18) (59 yaş)
Doğum yeri Əli Bayramlı, Azərbaycan SSR, SSRİ
Vətəndaşlığı Flag of the Soviet Union.svg SSRİ
Flag of Azerbaijan.svg Azərbaycan
Peşəsi jurnalist
Milliyyəti azərbaycanlı
İxtisası jurnalistika
Təhsili Bakı Dövlət Universiteti Jurnalistika fakültəsi
Əsərlərinin dili azərbaycanca

Rasim Qaraca — azərbaycanlı yazıçı, jurnalist.

Həyatı[redaktə | əsas redaktə]

Rasim Qaraca 18 fevral 1960-cı ildə Əli Bayramlı şəhərində anadan olub. 1985-ci ildə Bakı Dövlət Universitetinin Jurnalistika fakültəsini bitirib. Bir müddət "Mayak" və "İşıq" qəzetlərində işləyib. 1990-cı ildə Əli Bayramlıda (indiki Şirvan şəhəri) Azad Yaşar və İsmayıl Bayramoğluyla birlikdə "BACA" ədəbiyyat dərnəyini yaradıb, dərnəyin qeyri-rəsmi mətbuat orqanı olan "Yaşıl söz" bülletenini çap etdirib. 1994-2000-ci illərdə Rusiyada yaşayıb. 2000-ci ildən Bakıda yaşayır. 2001-ci ildə onun təşkilatçılığı ilə Azad Yazarlar Ocağı yaradılıb. 2001-2008-ci illərdə bu quruma rəhbərlik edib. 2002-ci ildən redaktoru olduğu "Alatoran" həftəlik ədəbiyyat-sənət bülleteni "Ədalət" qəzetinin əlavəsi kimi işıq üzü görməyə başlayıb. 2004-cü ildən "Alatoran" müstəqil jurnal kimi yayınlanmağa başlayıb.

Rasim Qaracanın ədəbiyyat və yazıçı münasibətlərində Sovet dövründən qalma ənənələrin yenilənməsi və demokratik modellərin Azərbaycana gətirilməsi sahəsində fəaliyyətləri var. Hekayə, şeir və tənqidi məqalələr yazır, tərcümə ilə məşğul olur. Öz yaradıcılığında ənənəvi üslubdan imtina edir, ədəbi eksperimentləri ilə tanınır.

Kitabları[redaktə | əsas redaktə]

  1. Ölüm haqqında günəş (şeirlər). Bakı: 2002, 2015 (2009 Tehran)
  2. R hərfi olmayan aylar (şeirlər). Bakı: 2006
  3. Əyri evin qadını (hekayələr). Bakı: 2010
  4. Siz ey ordakılar (şeirlər). Bakı: 2011
  5. Gemiler Balıkların Bulutları (şeirlər). 2012 Ankara
  6. 11 gecə (roman) - 2014
  7. Azərbaycan Arqo Deyimləri - 2015

Filmoqrafiya[redaktə | əsas redaktə]

  1. Düyün (film, 2008)

Xarici keçidlər[redaktə | əsas redaktə]

Həmçinin bax[redaktə | əsas redaktə]

Alatoran jurnalı