Reneta Kamberova

Reneta Kamberova
bolq. Ренета Камберова
Şəxsi məlumatları
Tam adı	Reneta Kamberova
Doğum adı	Ренета Петрова Камберова
Vətəndaşlığı	Bolqarıstan
Doğum tarixi	12 sentyabr 1990 (1990-09-12)
Doğum yeri	Pazardznik, Bolqarıstan
İdman növü	Bədii gimnastika
Medallar Olimpiya Oyunları Bürünc 2016 Rio-de-Janeyro Çoxnövçülük Dünya Çempionatı Bürünc 2010 Moskva 5 həlqə Bürünc 2011 Monpelye Çoxnövçülük Qızıl 2011 Monpelye 3 lent/2 həlqə Bürünc 2011 Monpelye 5 top Qızıl 2014 İzmir Çoxnövçülük Gümüş 2014 İzmir 3 top/2 lent Gümüş 2015 Ştutqart Çoxnövçülük Bürünc 2015 Ştutqart 6 gürz/2 həlqə Avropa Çempionatı Gümüş 2012 Nijni-Novqorod 3 lent/2 həlqə Bürünc 2012 Nijni-Novqorod 5 top Qızıl 2014 Bakı 10 gürz Bürünc 2014 Bakı 3 top/2 lent Bürünc 2016 Holon 6 gürz/2 həlqə
19 oktyabr 2016 tarixində yenilənib.

Reneta Kamberova (d. 12 sentyabr 1990, Pazardznik, Bolqarıstan) — Bolqarıstannı təmsil edən bədii gimnast. Reneta Kamberova 2012 və 2016-cı ildə Bolqarıstanı Olimpiya Oyunlarında təmsil etdi; 2016-cı ilə isə yarışların bürünc medalını qazandı. Kamberova həmdə Dünya və Avropa Çempionatlarında ümumi olaraq üç qızıl, üç gümüş və yeddi bürünc medala sahib çıxıb.

Karyerası

Reneta Kamberova birinci dəfə Olimpiya Oyunlarına 2012-ci ildə qatıldı. London şəhərində baş tutan yarışlarda o, komanda yoldaşları ilə birgə 54.375 xal topladı və 6-cı yeri tutdu.

Reneta Kamberova 2016-cı ildə Bolqarıstan bayrağı altında Braziliyanın Rio-de-Janeyro şəhərində XXXI Yay Olimpiya Oyunlarına qatıldı. O, qrup yarışlarında komanda yoldaşları Lyubomira Kazanova, Mixaela Maevska-Veliçkova, Tsvetelina Naydenova və Xristiana Todorova ilə birgə final yarışlarında 34.282 xal topladı və bürünc medal qazandı.