Rey Yuri

Vikipediya, azad ensiklopediya
Jump to navigation Jump to search
Rey Yuri
ing. Ray Ewry
Ray Ewry.jpg
Şəxsi məlumatları
Tam adı Raymond Klarens Yuri
Vətəndaşlığı
Doğum tarixi 14 oktyabr 1873(1873-10-14)
Doğum yeri
Vəfat tarixi 29 sentyabr 1937 (63 yaşında)
Vəfat yeri
Boyu 185 sm
Çəkisi 79 kq
İdman növü Yüngül atletika
8 iyul 2014 tarixində yenilənib.

Raymond Klarens Yuri — səkkiz Olimpiya və iki növbədənkənar Yay Olimpiya Oyunları qızılına malik ABŞ-lı yüngül atletika idmançısıdır. Bu nəticələrlə o, bütün zamanların ən uğurlu olimpiyadaçıları arasında özünəməxsus yer tutur. Ayrı-ayrı növlər üzrə yarışlarda qazandığı səkkiz Olimpiya qızılı ilə yalnız 18 Olimpiya qızılına malik olan Maykl Felps-dən geri qalır.

Həyatı və karyerası[redaktə | əsas redaktə]

Yuri ABŞ-ın İndiana ştatının Lafayette şəhərində qüsurlu uşaq kimi anadan olub.[1] Qısa müddət ərzində, o, əlil arabasından istifadə edib və onun, ömürlük iflic ola biləcəyindən qorxurdular. Lakin Yuri öz fiziki məşqlərini etdi və xəstəliyə qalib gəlməyi bacardı. Yuri Perdyu Universitetinə gedib və Siqma Nu cəmiyyətinin üzvü olub. Perdyuda mühəndislik diplomu aldıqdan sonra o, Nyu-York İdman Klubunun üzvlüyünə yazılıb.[2] Orada Yuri hal-hazırda mövcud olmayan yerindən uzununa, hündürlüyə və üç təkanla tullanma yarışlarında ixtisaslaşmışdı.

Yuri dünyada ən yaxşı yerindən tullanma idmançısı olub. O, birnci dəfə Parisdə təşkil olunmuş Olimpiya Oyunlarında iştirak edib və yerindən tullanmanın üç növü üzrə qızıl medalları qazanıb.[3]

1904 Yay Olimpiya Oyunlarında Yuri yenə də bu üç növ üzrə qızıl medalları qazanıb. Bu Olimpiya Oyunlarından sonra, yerindən üç təkanla tullanma yarışları dayandırılıb, ancaq 1906-cı il Ara Olimpiya Oyunları və 1908-ci il London Olimpiya Oyunlarının hər ikisində yerindən tullanmanın digər iki növü üzrə liderliyi öz əlində saxlayıb.[4] Beləliklə, Ara Olimpiya Oyunlarından qazandığı iki qızıl medal da daxil olmaqla ümumilikdə 10 Olimpiya qızılına malik olan Yurinin nəticəsi 2008-ci ilədək ən yüksək göstərici idi. 1906-cı il Ara Olimpiya Oyunları Beynəlxalq Olimpiya komitəsi tərəfindən Olimpiya yarışları kimi təşkil olunsa da, bu komitə hal-hazırda bu Olimpiyadanı rəsmi Olimpiya Oyunları kimi tanımır. Hətta Ara Olimpiya Oyunlarının nəticələri nəzərə alınmasa belə, yenə də onun nəaliyyətləri 2008-ci ilə kimi bütün dövrlərin 12 ən yüksək göstəricili olimpiyadaçıları arasında idi. Yerindən tullanma yarışları 1912-ci il Olimpiya Oyunlarından sonra Olimpiya proqramından çıxarılıb.

İstinadlar[redaktə | əsas redaktə]

  1. "Ray Ewry". İstifadə tarixi: 6 iyul, 2014.
  2. "Ray C. Ewry". İstifadə tarixi: 6 iyul, 2014.
  3. Raymond Ewry at the Olympics "Biography and olympic story". İstifadə tarixi: 6 iyul, 2014.
  4. "Ray Ewry – Athletics – 8 Gold Medals (1900-08)". İstifadə tarixi: 6 iyul, 2014.

Xarici keçidlər[redaktə | əsas redaktə]

Vikianbarda Rey Yuri ilə əlaqəli mediafayllar var.