Rütubət

Rütubət — atmosfer havasında olan su buxarının miqdarı ilə əlaqədar fiziki anlayış. Havada su buxarının miqdarı çox olduqca onun rütubəti də artır. Rütubət anlayışı iki mənada istifadə olunur :

1. mütləq rütubət
2. nisbi rütubət

Mütləq rütubət verilmiş temperaturda havanın həcm vahidinə olan su buxarının kütləsi ilə təyin olunur. Mütləq rütubət R_M ilə işarə olunur. Düsturla mütləq rütubəti bu cür ifadə etmək olar:

$R_{M}={\frac {m}{V}}$

Düsturdan göründüyü kimi mütləq rütubətin riyazi ifadəsi sıxlığın riyazi ifadəsinə ($p={\frac {m}{V}}$) çox oxşayır. Fərq yalnız vahidlərdədir : sıxlığın vahidi ${\frac {kq}{m^{3}}}$-dirsə rütubətin vahidi ${\frac {mq}{m^{3}}}$-dir.

Nisbi rütubət adi havada olan su buxarının kütləsinin həmin şəraitdə doyma halındakı su buxarının kütləsinə olan nisbətini göstərir. Nisbi rütubəti R_{N (Fİ)} kimi işarə edirlər. Nisbi rütubəti düsturla bu cür ifadə olunur: $R_{N}={\frac {m}{m+\triangle m}}={\frac {m}{M}}$
Nisbi rütubət həmişə vahiddən kiçik olur. Buna görədə onu tez-tez faizlə ifadə edirlər. Vahidə bərabər olması buxarın suya çevrilməsindən xəbər verir.

$R_{N}={\frac {m}{M}}\cdot 100$