Səbuhi Əhmədov

Vikipediya, açıq ensiklopediya
Jump to navigation Jump to search
Səbuhi Əhmədov
Səbuhi Əhmədov.jpg
Səbuhi Əhmədov
Doğum tarixi 26 sentyabr 1981(1981-09-26)
Doğum yeri Laçın rayonu, Ərdəşəvi
Təhsili
Fəaliyyəti aktyor

Səbuhi ƏhmədovDərbənd Azərbaycan Dövlət Dram Teatrının aktyoru.

Əhmədov Səbuhi Sergey oğlu (Səbuhi Əsədsoy) 26 sentyabr 1981-ci ildə Laçın rayonunun Ərdəşəvi kəndində ziyalı ailəsində anadan olub. 1998-ci ildə E.Süleymanov adına Ərdəşəvi kənd tam orta məktəbini bitiribdir. 1999-cu ildə həqiqi hərbi xidmətə çağrılmış və 2001-ci ildə isə hərbi xidmətdən təxris olunaraq ehtiyata buraxılmışdır.

2002-ci ildə Azərbaycan Mədəniyyət və İncəsənət Universitetinin "Aktyorluq" fakültəsinə daxil olmuşdur. Sənət müəllimi Azərbaycanın Respublikasının Xalq artistləri - Hacıbaba Bağırov, Rafiq Əliyev və Azərbaycan Respublikasının Əməkdar artisti Vidadi Həsənov olmuşdur. 2006-cı ildə isə bu universiteti bitirərək,öz yaradıcılığını Rusiya Federasiyasının Dağıstan Respublikasında fəaliyyət göstərən Dərbənd Azərbaycan Dövlət Dram Teatrında davam etdirməyə başlamışdır. ( Bu vaxta qədər isə tələbəykən Bakı şəhərində bir neçə teatrlarda çalışmışdır ). Hələ universitetin 4 cü kursunda oxuyarkən yenicə yaranan Azərbaycan Dərbənd Dövlət Dram Teatrından Mədəniyyət və İncəsənət universitetinə göndərilən məktuba əsasən, yəni kömək məqsədi ilə ixtisaslı kadr istədiklərinə görə 30 məzundan yalnız Səbuhi Əhmədov bu teatrın çağrışına səs vermişdir. (Dərbənd və Təbriz şəhərlərini görmək və ordakı Azərbaycanlılarla dostluq,tanışlıq yaratmaq onun böyük arzum olmuşdur).Hal-hazırda bu teatrda işləyir. Teatrda ilk rolu T.Vəliyevanın "Bankir adaxlı" musiqili komediyasında - Zaur.(qur. rej. A.R-nın Xalq artisti A.Salmanlı),M.Şamxalovun "Qayınana" musiqili komediyasında - İlqar (Qur. rej. Dağıstan Respublikasının Əməkdar artisti L.Hüseynova). Bunlar sadəcə teatra yenicə gəldiyi vaxtlarda olubdur.

Azərbaycan Respublikasının Xalq artisti hamının "Moşu" kimi tanıdığı Valeh Kərimov bu teatra rejissor kimi gələrək Ə.Haqverdiyevin "Dağılan tifaq" faciəsinə quruluş vermiş, Səbuhi Əhmədova isə bu tamaşada baş rolu - Nəcəf bəy obrazını həvalə etmişdir. Nəcəf bəy obrazı bütün teatr xadimləri də deyə bilər ki,çox çətin və ağır obrazdır. 28 yaşında ,55-60 yaşında olan bu bəy obrazını çox böyük uğurla oynamışdır və teatr onu dram aktyoru kimi qəbul etmişdir.

R.Rəhimlinin "Sevgi nağılı" dramasında yeni baş rolu-Gündüzü, Cəfər Cabbarlının "Aydın" faciəsində Aydını, O.Kamalın "Yad qızı" faciəsində Məzhər bəyi (Qur. rej. Dağıstan Respublikasının Əməkdar artisti L.Hüseynova), Anarın "Təhminə və Zaur" dramasında Zauru ( qur. rej. Dağıstan Respublikasının Əməkdar artisti Y.Xandadaşova) və s. bu teatrın səhnəsində bacardığı qədər canlandırmışdır. Yeni rolu isə A.Saqarellinin "Xanuma" komediyasında əsas rol - Knyaz Vano Pantiaşvili roludur. Səbuhi Əhmədov hal-hazırda teatrda aparıcı səhnə ustasıdır. Ailəlidir, bir övladı var.