Sədərək Ticarət Mərkəzi

Vikipediya, azad ensiklopediya
Jump to navigation Jump to search
Sədərək TM

"Sədərək Ticarət Mərkəzi"Azərbaycanın ən böyük ticarət mərkəzlərindən biri

Yaranma tarixi[redaktə | əsas redaktə]

"Sədərək Ticarət Mərkəzi" 1995-ci ildən Binə qəsəbəsi yaxınlığında fəaliyyətə başlamış, sonradan şəhərdə aparılan tikinti və abadlaşdırma işləri ilə əlaqədar 2009-cu ilin aprel ayında Lökbatan qəsəbəsinə köçürülmüşdür.

Sədərək Firmasının rəhbərliyinin dəstəyi sayəsində iş adamları ABŞ, Fransa, İtaliya, Çin, Yunanıstan, Rusiya, Türkiyə, İran Çexiya, Polşa kimi bir sıra xarici ölkələrin aparıcı fabrik və zavodları ilə işgüzar əlaqələr quraraq əməkdaşlıq edirlər. Bu əməkdaşlıq nəticəsində regionda qiymətlərin 30-40%-ə qədər enməsinə, Ticarət Mərkəzində dünyanın bir çox xarici ölkələrindən gətirilən yüksək keyfiyyətli malların satılmasına nail olunmuşdur. Bu gün Sədərək Ticarət Mərkəzi yalnız Azərbaycanda, deyil eyni zamanda Cənubi Qafqaz regionunda yerləşən qonşu Gürcüstan, Rusiyanın iş adamları üçün də əsas topdansatış mərkəzinə çevrilmişdir.

Ətraf mühitin qorunması[redaktə | əsas redaktə]

Sədərək Ticarət mərkəzinin ərazisində təmizlik, yaşıllaşdırma və abadlıq işləri hər gün aparılır. Ticarət mərkəzinin ərazisindəki istər istehsal, istərsə də satışla məşğul olan qurumlar mövcud ekoloji standartlara uyğun fəaliyyət göstərir. Sədərək Ticarət mərkəzinin ərazisindəki cirkab sular, dünya standartlarına uygun xüsusi su təmizləmə qurgu vasitəsi ilə təmizlənir,təmiz texniki su halına gətirilərək,ərazidəki yaşıllıqların sulanmasında istifadə olunur.

Məscid[redaktə | əsas redaktə]

Məscid Qafqazın ən böyük ticarət mərkəzlərindən biri olan Sədərək Ticarət Mərkəzinin ərazisində 2007-ci ildə tikilmişdir.[1] Məscid əsasən işçilər üçün nəzərdə tutulmuşdur.[2]

"Sədərək Ticarət Mərkəzi"nin strukturu[redaktə | əsas redaktə]

Certyoj.jpg

Sədərək Ticarət Mərkəzi şərti olaraq 6 hissəyə bölünürː

  • ELİT KORPUSU
  • XALÇA BAZARI
  • TİKİNTİ BAZARI
  • I ƏRAZİ
  • II ƏRAZİ
  • III ƏRAZİ

Anbarlar[redaktə | əsas redaktə]

Sədərək Ticarət Mərkəzi ərazisində böyük miqdarda münasib şəraitli, örtüklü anbarlar fəaliyyət göstərir. Tikinti materialları, geyim əşyaları, qida məhsulları, xalçalar, məişət avadanlıqları, xəz-dəri məhsulları və başqa istənilən malların saxlanıldığı və emal edildiyi bu anbarlar, malların topdansatışına əlverişli zəmin yaradır.

Karqo xidmətləri[redaktə | əsas redaktə]

Sədərək Ticarət Mərkəzinin ərazisində yerləşən 10 yük Cargo terminalına Çin, Türkiyə, İran, Gürcüstan, Rusiya kimi ölkələrdən daşınan yük malları qəbul olunur.Yükdaşımaların operativliyi və yüklərin təhlükəsizliyi ən yüksək səviyyədə təşkil olunub.

"Sədərək Turizm"[redaktə | əsas redaktə]

TM ərazisində Sədərək turizm agentliyi də fəaliyyət göstərir. Agentlik aviobiletlərin satışı, pulsuz çatdırılma, viza dəstəyi, Bakıda və xaricdəki mehmanxanalarda yerləşdirilmə, nəqliyyat: dəmiryolu, avtomobil və mikro-avtobus xidmətləri, Azərbaycan və xaricdə grup və VIP turların təşkili, bələdçi və tərcüməçi, Hava limanında qarşılama və yola salma, daxili və xarici turizm kimi xidmətlər təqdim edir.

İstinadlar[redaktə | əsas redaktə]

  1. "Начинается перенос крупнейших на Кавказе вещевых рынков Садарак и Бина" (əlçatmaz keçid). 29 oktyabr 2013 tarixində arxivləşdirilib. İstifadə tarixi: 2 avqust 2018.
  2. "В Азербайджане горел один из крупнейших торговых центров". Комсомольская правда в Украние (18 iyun 2013). 2 avqust 2018 tarixində arxivləşdirilib. İstifadə tarixi: 2 avqust 2018.

Xarici keçidlər[redaktə | əsas redaktə]

Vikianbarda Sədərək Ticarət Mərkəzi ilə əlaqəli mediafayllar var.