Səlhab Məmmədov

Vikipediya, azad ensiklopediya
Jump to navigation Jump to search
Səlhab Məmmədov
Doğum tarixi 4 yanvar 1943 (1943-01-04) (77 yaş)
Doğum yeri Şəki, Azərbaycan SSR, SSRİ
Vətəndaşlığı SSRİ SSRİ
Azərbaycan Azərbaycan
Fəaliyyəti heykəltəraş
Mükafatları "Azərbaycan Respublikasının xalq rəssamı" fəxri adı — 2006 "Azərbaycan SSR əməkdar incəsənət xadimi" fəxri adı — 1988
"Şərəf" ordeni — 2017 "Şöhrət" ordeni (Azərbaycan) — 2012
Commons-logo.svg Vikianbarda əlaqəli mediafayllar

Səlhab (Salxab) İsa oğlu Məmmədov (4 yanvar 1943(1943-01-04), Nuxa) — Azərbaycan rəssamı, Azərbaycan Dövlət Rəssamlıq Akademiyasının prorektoru, Azərbaycan Rəssamlar İttifaqı sədrinin birinci müavini, professor, Azərbaycan Respublikasının xalq rəssamı (2006).

Həyat və yaradıcılığı[redaktə | əsas redaktə]

Məmmədov Səlhab İsa oğlu 1943-cü ildə Şəki şəhərində anadan olmuşdur. 1962-1968-ci illərdə Tbilisi Dövlət Rəssamlıq Akademiyasında təshil almışdır. Səlhab Məmmədovun yaradıcılığı Azərbaycan incəsənətinin 1970-ci illərdə formalaşmışdır. Rəssamın saxsı və metalda işlənən relyef kompozisiyalarından “Xoş gəlmisiniz!” (1969, Panno “İnturist” binasının ön tərəfindədir), “İnturist” binasının interyeri üçün hazırlanmış “Şərq motivləri” silsiləsi, metalda işlənmiş “Şərq melodiyası”, “İçəri şəhər”, “Qarabağ melodiyaları” kimi pannolar, “Bakı-Neft şəhəri” mövzusunda bir sıra rəsmlər və vitraj, “Naxçıvan” mehmanxanasının parlaq vitrajları, Qobustana həsr edilmiş 16 kompozisiya, “İçəri şəhər” dekorativ ləyən formasında plastik metal kompozisiya, Almaniyanın Vuppertal şəhərində özəl kolleksiyada saxlanılan “Dostluq” relyefi, Azadlıq rəmzi” və digər əsərləri misal çəkmək olar. Almaniyanın Berlin şəhərində ucaldılmış “Xocalı” abidəsinin, Roma şəhərindəki “Villa Borghese” parkında ucaldılmış Nizami Gəncəvinin, Polşanın Qniezno şəhərində ucaldılmış “Dostluq” abidəsinin həmmüəlifidir. Səlhab Məmmədov “Təsviri incəsənətdə rəsm”, “Rəsm sənəti” kimi maraqlı elmi əsərlərin müəllifidir.[1]

Rəssam 1970-ci ildən Azərbaycan Rəssamlar İttifaqının üzvü, 1982-1988-ci illərdə Azərbaycan Rəssamlar İttifaqının məsul katibi, 1993-cü ildən Azərbaycan Rəssamlar İttifaqının katibi olmuşdur.[1]

Səlhab Məmmədov 1989-1993-cü illərdə Azərbaycan Dövlət İncəsənət Universitetində müəllim, 1993-1999-cu illərdə Dövlət İncəsənət Universitetinin dosenti, 1999-cu ildən Azərbaycan Dövlət Rəssamlıq Akademiyasının Professoru, 2004-cü ildən Azərbaycan Dövlət Rəssamlıq Akademiyasının Beynəlxalq əlaqələr üzrə prorektoru kimi fəaliyyət göstərmişdir. S.Məmmədov dəfələrlə Azərbaycanda, Moskva, Peterburq şəhərləri kimi Rusiyanın mərkəzlərində və bəzi xarici ölkələrdə açılan bədii sərgilərin təşkilatçısı olmuş, baş rəssam və dizayner vəzifələrinin icrası üçün dəvət olunmuşdur.[1]

Səlhab Məmmədovun yaradıcılığı milli bədii ənənələrin ən mühüm xətlərini kəsişməsinə, real mühitin dərk edilmiş, düşünülmüş təsvirinə və bədii axtarışların müasirliyinə əsaslanır. Monumental saxsı, panno, vitraj və nəqqaşlıq əsərləri Məmmədovun geniş bədii düşüncə dairısinin nümunəsidir. Onun bədii yaradıcılığı milli mövzu və mənbələrlə bağlıdır. Abşeron küləyi əsərində arxa planda Xəzərin qaralmış, şahə qalxmış dalğaları fonunda, çiçəkləyən ağacı ilə baş-başa qalmış, keçmişdən bir xatirəyə dönmüş, tənha bir ev təsvir olunmuşdur[2].

Filmoqrafiya[redaktə | əsas redaktə]

  • Bəyaz həyat (film, 2003)

Mükafatları[redaktə | əsas redaktə]

Həmçinin bax[redaktə | əsas redaktə]

Oğlu Elxan Məmmədov AFFA-nın baş katibidir.

İstinadlar[redaktə | əsas redaktə]

  1. 1 2 3 Məmmədov Salxab
  2. Əsrlərin qovuşağında: Səlhab Məmmədov
  3. "Azərbaycan rəssamlarına Azərbaycan Respublikasının fəxri adlarının verilməsi haqqında Azərbaycan Respublikası Prezidentinin Sərəncamı". e-qanun.az (azərb.). 29 dekabr 2006. İstifadə tarixi: 14 yanvar 2020.
  4. "Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı". e-qanun.az (azərb.). 17 iyun 2008. İstifadə tarixi: 14 yanvar 2020.
  5. "S.İ. Məmmədovun "Şöhrət" ordeni ilə təltif edilməsi haqqında Azərbaycan Respublikası Prezidentinin Sərəncamı". president.az (azərb.). 19 dekabr 2012. İstifadə tarixi: 14 yanvar 2020.
  6. "S.İ.Məmmədovun "Şərəf" ordeni ilə təltif edilməsi haqqında Azərbaycan Respublikası Prezidentinin Sərəncamı". e-qanun.az (azərb.). 28 dekabr 2017. İstifadə tarixi: 14 yanvar 2020.