Səməd Əliyev

Vikipediya, azad ensiklopediya
Jump to navigation Jump to search
Səməd Əliyev
Səməd Cahangir oğlu Əliyev
Səməd Əliyev.jpg
Doğum tarixi 7 noyabr 1959 (1959-11-07) (60 yaş)
Doğum yeri Amasiya, Ağbaba mahalı
Vətəndaşlığı Azərbaycan
Elmi dərəcəsi Fizika-riyaziyyat elmləri namizədi
Elmi adı dosent

Səməd Əliyev - Azərbaycan alimi, fizika-riyaziyyat elmləri namizədi, dosent.

Həyatı[redaktə | əsas redaktə]

Səməd Əliyev 1959-cu il noyabrın 7-də Ermənistan Respublikası Amasiya rayonunda anadan olub. 1966-1976-cı illərdə Amasiya rayon orta məktəbində təhsil alıb.

1976-1981-ci illərdə BDU-nun mexanika-riyaziyyat fakültəsinin əyani şöbəsində təhsil alıb. 1983-1987-ci illərdə BDU-nun Mexanika-riyaziyyat fakültəsinin aspiranturasında təhsil alıb.

1987-ci ildə «Bir sinif üçüncü tərtib xüsusi törəməli qeyri-xətti diferensial tənliklər üçün qoyulmuş çoxölçülü qarışıq məsələnin tədqiqi» mövzusunda namizədlik dissertasiyası müdafiə edib və fizika-riyaziyyat elmləri namizədi adı alıb.

1986-cı ildən BDU-da çalışır. BDU-nun mexanika-riyaziyyat fakültəsinin riyaziyyat və onun tədrisi metodikası kafedrasında laboratorant (1986-1988), assisent (1988-1991), baş müəllim (1991-1998), dosent (1998-2000), Türkiyə Respublikasında (Afyon, İsparta) müəllim (2000-2007) və yenidən BDU-nun mexanika-riyaziyyat fakültəsinin riyaziyyat və onun tədrisi metodikası kafedrasında dosent (2007-ci ildən) vəzifəsində çalışır.

Səməd Əliyev “Məktəb riyaziyyat kursunun elmi əsasları”, “Çoxluqlar nəzəriyyəsi və riyazi məntiqin əsas elementləri”, “Riyaziyyat (Hazırlq şöbəsində təhsil alan xarici tələbələrə)” dərslərini aparır.

Elmi tədqiqat sahəsinə “Qeyri-xətti xüsusi törəməli diferensial tənliklər” və “Riyaziyyatın tədrisi metodikası” sahələri daxildir.

21 elmi məqalənin, 2 kitabın və 1 emtodik vəsaitin müəllifidir.

Ailəlidir, bir övladı var.

Kitabları[redaktə | əsas redaktə]

  • Həndəsə. - Orta məktəblər ücün dərslik, Adapazarı (Türkiyə), Tansel yayınları, 1996, 212 səh.
  • Triqonometriya və analitik həndəsə. - Orta məktəblər ücün dərslik, Adapazarı (Türkiyə), Tansel yayınları, 1997, 142 səh.

Seçilmiş əsərləri[redaktə | əsas redaktə]

  • Bir sinif üçüncü tərtib qeyri-xətti diferensial tənliklər üçün çoxölçülü qarışıq məsələnin sanki hər yerdə həllinin lokal varlığı və qlobal yeganəliyi haqqında. – BDU-nun xəbərləri, fizika-riyaziyyat elmləri seriyası, 2003, №3, səh. 36-42.
  • Bir sinif üçüncü tərtib qeyri-xətti diferensial tənliklər üçün çoxölçülü qarışıq məsələnin sanki hər yerdə həllinin qlobal varlığı haqqında. – BDU-nun xəbərləri, fizika-riyaziyyat elmləri seriyası, 2003, №4, səh. 35-43.
  • Bir sinif üçüncü tərtib xüsusi törəməli qeyri-xətti diferensial tənliyin həlləri haqqında. – Afyon Kocatepe Universiteti, fizika-riyaziyyat seriyası, c.7, №1, 2007, səh. 11-22.

Xarici keçidlər[redaktə | əsas redaktə]