Səs İnformasiya Agentliyi
 | Bu məqalənin bəzi məlumatlarının mənbəsi göstərilməmişdir. Daha ətraflı məlumat üçün məqalənin müzakirə səhifəsinə baxa və məqaləyə uyğun formada mənbələr əlavə edib Vikipediyanı zənginləşdirə bilərsiniz. |
 | Bu məqaləni vikiləşdirmək lazımdır. |
| Səs İnformasiya Agentliyi |
|---|
SİA 2008-ci il iyulun 23-də Azərbaycan Respublikası Vergilər Nazirliyi, Bakı şəhər Vergilər Departamenti, Dövlət Qeydiyyat İdarəsində qeydiyyatdan keçib və fəaliyyətə başlayıb.
Agentlik Azərbaycan, İngilis, Rus dilində xəbər xidməti göstərməkdədir. Yaxın gələcəkdə bir neçə əcnəbi dillərdə də xəbər xidməti aparılacaq. Xəbər xidməti xüsusi bülletenlər və online sistem ilə həyata keçirilir.
İnformasiya bloklarında Azərbaycanın siyasi, iqtisadi, sosial, mədəni və idman həyatına dair məlumatlar, regionda və dünyada baş verən hadisələrlə bağlı operativ xəbərlər və analitik yazılar, rəylər əksini tapır. Operativ, dəqiq, tərəfsiz informasiya siyasəti yürütməyi qarşısına məqsəd qoyan SİA Azərbaycanın bütün bölgələrində xüsusi müxbirlər təyin edib. O cümlədən Türkiyə, Rusiya, Ukrayna, Gürcüstan, Baltikyanı ölkələr, Moldova, Avropa dövlətləri və ABŞ-nin aparıcı kütləvi informasiya vasitələri, telekanallar, elektron yayım quruluşları və mətbuat orqanları ilə əməkdaşlıq əlaqələri qurub.
Əlaqələr qurduğumuz qurumlar sırasında Azərbaycanda fəaliyyət göstərən xarici səfirlik və konsulluqlar, diplomatik missiyalar, beynəlxalq təşkilatların təmsilçilikləri, dövlət strukturları, nazirliklər, maliyyə qurumları, beynəlxalq maliyyə təşkilatlarının ölkəmizdəki nümayəndəlikləri, qeyri-hökumət təşkilatları, siyasi partiyalar, xarici dövlətlərdə fəaliyyət göstərən diaspor qurumlarımız, xarici şirkətlər, yerli və xarici biznes strukturları da var. Agentliyin büllütenlərinin yayılmasında ölkənin aparıcı iqtidar və müxalifət mətbuatı, müstəqil media qurumları üstünlük təşkil edir. Agentliyimizin bülletenləri elektron poçt vasitəsilə və ya çap şəklində çatdırılır. Agentliyin www.sia.az ünvanlı internet saytı fəaliyyət göstərməkdədir.