Yeni Çağ (media qrup)
"Yeni Çağ" — Aqil Ələsgərin təsisçisi və rəhbəri olduğu, Azərbaycanda fəaliyyət göstərən hakimiyyətyönümlü[1] media–qrup.[2]
"Yenicag.az" Azərbaycanın ilk xəbər portallarından biridir.[3]
Tarixi
[redaktə | vikimətni redaktə et]1 fevral 2006-cı ildə Ədliyyə Nazirliyində qeydiyyatdan keçən "Yeni Çağ" ictimai-siyasi qəzetinin rəsmi saytı yenicag.az 2007-ci il sentyabrın 5-də fəaliyyətə başlayıb.[4]
2015-ci ilin sentyabr ayından Azərbaycan Mətbuat Şurasının üzvüdür.[5]
2016-cı ilin dekabrından "Yeni Çağ"ın türk (Yenicag.info) və rusdilli (Yenicag.ru) versiyaları, 2018-ci ildən isə "yenicag.tv" fəaliyyətə başladıqdan sonra media qrupa çevrilib.[4]
2018-ci ildə media qrupun rəhbəri Aqil Ələsgərin yoxa çıxdığı[6], oğurlandığı[7] açıqlanıb. Mətbuat Şurasının sədri Əflatun Amaşov A. Ələsgərin Azərbaycan Respublikasının Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinin əməkdaşları tərəfindən saxlanıldığını açıqlayıb.[8] 1 gün sonra sərbəst buraxılıb.[9][10]
2025-ci ildə Aqil Ələsgər ailəsinin şantaja məruz qalması barədə sosial mediada açıqlama yayıb. O, açıqlamasında heç kimin adını çəkməsə də hüquq-mühafizə orqanlarına müraciət etdiyini, təhdidlərdən təngə gəldiyini və intihar edəcəyini deyib. Bundan bir neçə gün sonra keçmiş həyat yoldaşı Günay Fərəcova intihara cəhd edib.[11][12]
A. Ələsgərin 2026-cı ildə Vyanada ATƏT-in Demokratik Təsisatlar və İnsan Hüquqları Bürosunun İnsan Ölçüsü Konfransında Azərbaycanın vətəndaş cəmiyyəti — “Qızılbaş” Gəncləri Maarifləndirmə İctimai Birliyinin təmsilçisi statusunda rus dilindəki çıxışı Azərbaycan mediası və sosial şəbəkələrdə tənqidlərlə qarşılanıb.[13][14]
Fəaliyyəti
[redaktə | vikimətni redaktə et]"Yenicag.az"ın dəstəyi ilə Xocalı soyqırımının canlı şahidlərindən olan Dürdanə Ağayevanın "Erməni zindanında 8 gün" kitabı nəşr olunub.
Türkiyədəki 15 iyul çevriliş cəhdindən əvvəl bu cəhdi həyata keçirən şəbəkənin ifşasında fəaliyyət göstərən media qrupun təsisçisi və baş direktoru Aqil Ələsgər həmin təşkilatın Azərbaycanda və Türkiyədə həyata keçirdiyi fəaliyyətinə həsr olunmuş "Terrorun Gülən Üzü" və "Səssiz işğal" kitabları yayımlanıb.
Hal-hazırda "Yeni Çağ" Media Qrupuna "Yenicag.az" ( (az.)), "novayaepoxa.com" (Новая Эпоха) ( (rus.)),"Yenicag.info" ( (türk.)) və "yenicag.tv" domenləri daxildir.[5]
Həmçinin bax
[redaktə | vikimətni redaktə et]İstinadlar
[redaktə | vikimətni redaktə et]- ↑ "Aqil Ələsgər: "Yanlış anlaşılmaydı, bitdi"". Sonxeber.az (az.). 6 avqust 2018 tarixində arxivləşdirilib. İstifadə tarixi: 11 dekabr 2025.
- ↑ "Aqil Ələsgər". https://presscouncil.az (az.). 6 sentyabr 2025 tarixində arxivləşdirilib. İstifadə tarixi: 6 oktyabr 2025.
- ↑ ""Yeni Çağ" 18 yaşını qeyd edir". Oxu.az (az.). İstifadə tarixi: 4 oktyabr 2025.
- 1 2 ""Yeni Çağ" Media Qrupu 15 yaşında!". Pravda.az. 4 oktyabr 2025 tarixində arxivləşdirilib. İstifadə tarixi: 4 oktyabr 2025.
- 1 2 ""Yeni Çağ" 16 yaşını qeyd edir - VİDEO". Oxu.az (az.). İstifadə tarixi: 4 oktyabr 2025.
- ↑ "Jurnalist Aqil Ələsgər yoxa çıxıb – Xanımı təsdiqlədi". qanuninfo.az. İstifadə tarixi: 11 dekabr 2025.[ölü keçid]
- ↑ "Jurnalist Aqil Ələsgər oğurlanıb – Xanımı təsdiqlədi". Avtosfer.az (az.). 12 may 2020. İstifadə tarixi: 11 dekabr 2025.
- ↑ "Jurnalist Aqil Ələsgər saxlanılıb - Əflatun Amaşov təsdiqlədi (YENİLƏNİB)". musavat.com. İstifadə tarixi: 11 dekabr 2025.
- ↑ "Aqil Ələsgər sərbəst buraxıldı". Azadlıq Radiosu (az.). 1 avqust 2018. İstifadə tarixi: 11 dekabr 2025.
- ↑ "Aqil Ələsgər sərbəst buraxılıb". Meydan TV (az.). 1 avqust 2018. 10 dekabr 2025 tarixində arxivləşdirilib. İstifadə tarixi: 11 dekabr 2025.
- ↑ "Aqil Ələsgərin həyat yoldaşı intihara cəhd etdi". Aktual.az. 9 fevral 2026 tarixində arxivləşdirilib. İstifadə tarixi: 11 dekabr 2025.
- ↑ "Aqil Ələsgərin keçmiş həyat yoldaşı intihara cəhd etdi". Milli.Az (az.). 20 oktyabr 2025. 23 oktyabr 2025 tarixində arxivləşdirilib. İstifadə tarixi: 11 dekabr 2025.
- ↑ "Aqil Ələsgəri həmin tədbirə kim göndərib? — Video". Qafqazinfo (az.). 17 mart 2026. 18 mart 2026 tarixində arxivləşdirilib. İstifadə tarixi: 19 mart 2026.
- ↑ "Aqil Ələsgəri ATƏT-in tədbirinə kim göndərib? - AÇIQLAMA - VİDEO". Milli.Az (az.). 17 mart 2026. 18 mart 2026 tarixində arxivləşdirilib. İstifadə tarixi: 19 mart 2026.
Xarici keçidlər
[redaktə | vikimətni redaktə et]- yenicagmediagroup.com — rəsmi saytı (az.)