S****miş dünyanın sonu (teleserial, 2017)

Vikipediya, azad ensiklopediya
Jump to navigation Jump to search
S****miş dünyanın sonu
The End of the F***ing World
End of fucking world poster.jpg
Serialın posteri.
Əsaslanır "S****miş dünyanın sonu" qrafik romanı
Rejissor Conatan Entvistl, Lüsi Çernyak
Prodüser Keyt Oqborn
Ssenarist Çarli Kovell
Rollarda Aleks Louter, Cessika Barden, Cenna Uilan, Vunmi Mosaku, Stiv Oram, Kristin Bottomli, Nevin Çoudri, Barri Uord
Bəstəkar Qrem Kokson
İl2017
StudiyaClerkenwell Films
Dominic Buchanan Productions
Dilingilis
İlk çıxış tarixi24 oktyabr 2017 – hazırda
Janrqara komediya, dram
Rəngrəngli
Mövsüm sayı1
Seriya sayı8
TelekanalChannel 4 (premyera), All 4
Xarici keçidlər
Rəsmi sayt

S****miş dünyanın sonu (ing. The End of the F***ing World) – Çarlz Forsmanın eyniadlı qrafik romanına əsaslanan Böyük Britaniya qara komediya teleserialı. Səkkiz seriyadan ibarət ilk mövsümü 24 oktyabr 2017-ci ildə Böyük Britaniyada Channel 4 vasitəsilə yayımlanmağa başlamış, daha sonra bütün seriyalar All 4 kanalı vasitəsilə buraxılmışdır. Netflix-in əməkdaşlığı ilə istehsal olunan serial 5 yanvar 2018-ci ildə Netflix platformasında buraxılmışdır. Teleserial özünü psixopat hesab edən 17 yaşlı Ceyms (Aleks Louter) və Ceymsin onu bərbad həyatından xilas edəcəyinə inanan üsyankar sinif yoldaşı Alissanın (Cessika Barden) macəralarından bəhs edir. Cemma Uilan, Vunmi Mosaku, Stiv Oram, Kristin Bottomli, Nevin Çoudri və Barri Uord köməkçi rollarda çıxış edirlər.

Teleserial Forsmanın 2013-cü ildə kitab şəklində buraxılmış "Sikilmiş dünyanın sonu" adlı mini-komiksinə əsaslanır. Serialın yaradıcısı Conatan Entvistl əvvəlcə onla film barədə görüşmüşdür. Lakin əvəzində teleserial çəkilməsinə qərar verilmişdir. Çəkilişlər 2017-ci ilin aprelində başlamışdır. Ssenaristi Çarli Kovell, rejissorları Entvistl və Lüsi Çernyakdır. 2018-ci ilin avqustunda Channel 4 teleserialın 2-ci mövsümünü anons etmişdir.

Teleserial tənqidçilərin müsbət rəylərini qazanmışdır. Ssenarisi, mövzusu və Louter ilə Bardenin performansları bəyənilmişdir. 2018-ci ildə Ən yaxşı dram nominasiyasında Britaniya Akademiyası Televiziya Mükafatına namizəd olmuşdur.

Məzmun[redaktə | əsas redaktə]

Ceyms özünün psixopat olduğunu düşünən 17 yaşlı gəncdir. Hobbi kimi heyvanları öldürür, lakin axırda bundan sıxılır. İnsan öldürməyə qərar verir. Bunun üçün hədəf kimi sinif yoldaşı, problemli, üsyankar şəxsiyyətli 17 yaşlı Alissanı seçir. Alissa ona birlikdə qaçaraq bu sıxıcı həyatdan qurtulmağı və macəraya atılmağı təklif edir. Ceyms yolda onu öldürmək şansı əldə etmək ümidi ilə təklifi qəbul edir. Onlar bütün İngiltərə boyunca səyahətə çıxırlar və hekayənin gedişi zamanı aralarında münasibət qururlar.

Personajlar[redaktə | əsas redaktə]

Əsas[redaktə | əsas redaktə]

  • Aleks Louter Ceyms rolunda: özünün psixopat olduğunu düşünən 17 yaşlı gənc. Alissaya qarşı sevgi münasibəti də bəsləyir. Cek Vil gənc Ceymsi canlandırır.
  • Cessika Barden Alissa rolunda: üsyankar gənc qız. Əvvəlcə Ceymsin qurbanı, sonra isə onun sevdiyi qız olur. Holli Biçi gənc Alissanı canlandırır.
  • Cenna Uilan polis Yunis Nun rolunda: Dareqonun polis partneri.
  • Vunmi Mosaku polis Teri Dareqo rolunda: Nunun polis partneri.
  • Stiv Oram Fil rolunda: Ceymsin atası.
  • Kristin Bottomli Qven rolunda: Alissanın anası.
  • Nevin Çoudri Toni rolunda: Alissanın əxlaqsız ögey atası.
  • Barri Uord Lesli Foli rolunda: Alissanın narkotik satıcısı olan atası.

Qonaq personajlar[redaktə | əsas redaktə]

  • Kyerston Vareinq Debbi rolunda: Leslinin keçmiş sevgilisi. Onun Leslidən bir uşağı var.
  • Ceff Bell Martin rolunda: Alissa və Ceymsi maşınına mindirən ailə adamı.
  • Aleks Soyer Tofer rolunda: Alissanın tanış olduğu və onunla sekslə məşğul olmağa çalışdığı gənc.
  • Conatan Eris həkim Klayv Kox rolunda: müəllif, professor və seriyalı qatil. Ceymsin ilk insan qurbanı.
  • Eylin Deyvis Flora rolunda: Klayvın anası.
  • Örl Keyv Frodo rolunda: yanacaqdoldurma məntəqəsinin işçisi.
  • Felisiti Montaqu yanacaqdoldurma məntəqəsinin meneceri.
  • Aleks Bekket Conno rolunda: Leslinin müştərilərindən biri.
  • Leon Annor Emil rolunda: Alissanı yaxalayan paltar mağazası işçisi.
  • Mett Kinq polis Eddi Onslou rolunda.
  • Kelli Herrison Ceymsin ölü anası rolunda.
  • Zerina İmsiroviç Alissanın körpə bacısı rolunda.

Seriya siyahısı[redaktə | əsas redaktə]

serialBaşlıqRejissorSsenari
müəllifi
Orijinal yayım tarixi
1 Epizod 1 Conatan EntvistlÇarli Kovell24 oktyabr 2017 (2017-10-24)[a]
17 yaşlı Ceyms özünü psixopat hiss edir, hətta bir dəfə uşaqlıqda nəsə hiss etmək üçün əlini qızardıcıya salaraq yandırıb. Ceyms 8 yaşından bəri heyvan öldürür. Məktəbdə üsyankar sinif yoldaşı Alissa ilə tanış olur və onu öldürməyə qərar verir. Özünü ona aşiqmiş kimi göstərərək ona yaxınlaşır və görüşməyə başlayırlar. Alissa növbəti gün üçün ona kunnilinqus təklifi edəndən sonra Ceyms bıçağını hazırlayır və onu öldürməyi məşq edir. Lakin Alissa şənlikdə olduğu üçün gec gəlir və ögey atası ona getməsinin daha yaxşı olacağını deyir. Bundan sonra o Ceymsin evinə gəlir, şəhəri tərk edəcəyini bildirir və Ceymsi də dəvət edir. Onu daha sonra da öldürə biləcəyini düşünən Ceyms təklifi qəbul edir və atası Filə həmişə istədiyi şeyi edərək yumruq vurara maşınını oğurlayır. 
2 Epizod 2 Conatan EntvistlÇarli Kovell24 oktyabr 2017 (2017-10-24)
Yeni azadlığa qoşulan Alissa və Ceyms lazer oyunu oynayırlar və yemək yeməyə gedirlər. Lakin restoranda bütün pulu xərclədiklərini görürlər. Maşını qəzaya saldıqdan sonra onlar Martin adlı orta yaşlı kişinin maşınına minirlər, lakin Alissa ona mehriban davranmır. Yemək üçün dayandıqları restoranın tualetində Martin Ceymsin dalınca gəlir və onun yanmış əlinə baxır, onu iyləyir və onu penisinin üstünə qoyur. Ceyms iyrənsə də, müqavimət göstərmir. Alissa bunu görür və Martini şantaj edərək pullarını götürür. Oteldə otaq tutduqdan sonra Alissa tualetə gedib ağlayır, Ceyms isə bıçağını hazır tutur, lakin onu öldürmür. Alissa Ceymsdən onu istəyib-istəmədiyini soruşur, Ceyms "bəli" cavabını verir. Alissa bioloji atası Leslinin yanına getməyə qərar verir. Ceyms ona qoşulmağa qərar verir. 
3 Epizod 3 Conatan EntvistlÇarli Kovell24 oktyabr 2017 (2017-10-24)
Oteli tərk edəndən sonra Alissa atasına getmək üçün qatar bileti almaqdan imtina edir, çünki Martini soyduqları üçün tutulacaqlarından ehtiyat edir. Onlar professor Klayv Koxun boş evinə soxulurlar. Növbəti gün Alissa Ceymsə oral seks etməyə çalışır, lakin əsəbləşib gedir, çünki Koxun şəkli Ceymsi narahat edir. Çöldə gəzərkən Alissa Tofer adlı oğlanla qarşılaşır və onu evə gətirib Ceymsə Toferlə seks edəcəyini bildirir. Ceyms evi gəzir və evin sahibi olan Koxun əslində seriyalı təcavüzkar olduğunu göstərən şəkil və videolar tapır. Bu zaman Alissa Toferdən bezir və onunla seks etməkdən son anda imtina edir. Tofer hirsli şəkildə evi tərk edir. Alissa yatır, Ceyms onu öldürməyə çalışır, lakin bacarmır, çünki ona aşiq olduğunu başa düşür. Kox evə qayıdır, qapının açıq olduğunu görüb silahlanır. Ceyms bunu görüb yatağın altında gizlənir. Kox Alissanı yatağında tapır və Alissa yalandan ona evdə tək olduğunu deyir. Kox onu zorlamağa çalışır, Ceyms yatağın altından çıxıb onu boynundan bıçaqlayır, Alissanı xilas edir. 
4 Epizod 4 Conatan EntvistlÇarli Kovell24 oktyabr 2017 (2017-10-24)
Koxun cəsədini tərpədə bilməyən Ceyms və Alissanı evi təmizləyib bütün sübutları yox etməyə çalışırlar. Ceyms Alissaya Koxun təcavüz şəkillərini göstərir və onları cəsədin ətrafına qoyur. Ceyms bıçağı hovuzda gizlədir. Alissa ondan bıçaq haqqında soruşanda, cavab vermir. Koxun anası Flora evə çatanda cəsədi tapır və şəkilləri gizlədir. Yunis Nun və Teri Dareqo adlı iki detektiv cinayət işini araşdırmağa başlayırlar. Onlar Tofer adlı oğlanı istintaqa cəlb edirlər və Alissa ilə Ceymsin şəxsiyyətlərini ortaya çıxarırlar. Onlar Alissa və Ceymsi itmiş şəxslər siyahısına salırlar. Ceymsin cəhdlərinə baxmayaraq Alissa ona qarşı soyuq davranmağa başlayır və onu tərk edir. Ceyms ona qarşı güclər hislər bəslədiyinin fərqinə varır. Bir qrup gəncə onu döymələri üçün pul verir və ona olan marağının artdığını görür. Ceyms polisə cinayətlə bağlı zəng edir və psixopat olmadığının fərqinə varır. 
5 Epizod 5 Conatan Entvistl və Lüsi ÇernyakÇarli Kovell24 oktyabr 2017 (2017-10-24)
Polis məntəqəsində Ceyms Kox cinayəti haqqında danışmaq fikrindən daşınır və əvəzində anasının intiharını qətl kimi qələmə verir. Fleşbek səhnəsində anası Vanessa özünü Ceyms 11 yaşında ikən onun gözləri qarşısında maşını gölməçəyə sürərək özünü öldürür. Alissanı düşünən Ceyms polis stansiyasını tərk edir və kafeyə qayıdır. Bu zaman Fil Nun və Dareqo tərəfindən sorğulanır, eləcə də, maşını haqqında məlumat verir. O, həmçinin Alissa ilə olan əlaqəsini bildirir. Onlar Toni və Qvenidə sorğulayırlar. Bu zaman Alissa mağazadan alt paltarı oğurlamağa çalışarkən mağazanın mühafizəçisi Emil tərəfindən yaxalanır. Lakin axırda Emil getməsinə icazə verir. Alissa Ceymsi tapmaq üçün kafeyə qayıdır. Pulsuz qalan onlar Leslinin yanına getməyə qərar verirlər. Bu zaman müfəttişlər Ceymsin bıçağını Koxun evində tapırlar. 
6 Epizod 6 Lüsi ÇernyakÇarli Kovell24 oktyabr 2017 (2017-10-24)
Ceyms maşın oğurlayır və Alissanın atasının evinə yola düşürrlər. Yanacaqları bitəndən sonra yanacaqdoldurma məntəqəsində dayanırlar. Dayanacağın meneceri Coselin onların maşın oğrusu və pulsuz olduqlarını görəndə Ceyms onu yalançı silahla təhdid edir və onu köməkçisi Frodonun köməyi ilə tualetdə bağlayır. Frodo onlara qoşulmaq istəyəndə Ceyms və Alissa qaçırlar. Nun və Donaque Floranı sorğulayırlar. Flora oğluna zorakılıqla bağlı yönəlmiş fikirləri təkzib edir. Yolda Alissa Qvenə zəng edir və heç vaxt qayıtmayacağını bildirir. Flora fikrini dəyişir, polislərə zorakılıqla bağlı şəkilləri verir. Nun qətlin özünümüdafiə ilə bağlı olduğunu düşünür, Dareqo isə onların mütləq cəzalandırılmalı olduqlarını müdafiə edir. Leslinin əvvəlki evindən köçdüyünü öyrənən Ceyms və Alissa nəhayət onun indiki evini tapırlar. 
7 Epizod 7 Lüsi ÇernyakÇarli Kovell24 oktyabr 2017 (2017-10-24)
8 Epizod 8 Lüsi ÇernyakÇarli Kovell24 oktyabr 2017 (2017-10-24)
  1. Sitat səhvi: Yanlış <ref> teqi; ReleasePressPack adlı istinad üçün mətn göstərilməyib


Sitat səhvi: <ref> tags exist for a group named "lower-alpha", but no corresponding <references group="lower-alpha"/> tag was found, or a closing </ref> is missing