Saakaşvili Prezident Kitabxanası

Vikipediya, azad ensiklopediya
Jump to navigation Jump to search
Saakaşvili Prezident Kitabxanası
gürc. სააკაშვილის საპრეზიდენტო ბიბლიოთეკა
Saakaşvili Prezident Kitabxanasıbinasının zalında siyasi tədbir
Saakaşvili Prezident Kitabxanasıbinasının zalında siyasi tədbir
Ümumi məlumatlar
Ölkə Flag of Georgia.svg Gürcüstan
Tipi kütləvi kitabxana
Yaradılıb 2014
Ünvan Tbilisi Georgi Sakadze yoxuşu, 10
Fondu
Fondun həcmi 1 mln nüsxə
Fondun tərkibi kitablar, jurnallar, qəzetlər, rəsmi nəşrlər, xəritələr və s.
Sayt spl.ge
Vikianbarın loqosu Vikianbarda əlaqəli mediafayllar

Saakaşvili Prezident Kitabxanası (gürc. სააკაშვილის საპრეზიდენტო ბიბლიოთეკა) — Tbilisi şəhərində yerləşən Gürcüstanın üçüncü prezidenti Mixail Saakaşvilinin şərəfinə tikilmiş özəl kitabxana. Kitabxana Tbilisi şəhəri Giorgi Saakadze yoxuşu 10 ünvanında yerləşir.[1]

Saakaşvilinin Prezident Kitabxanası siyasi və sosial elmlər üzrə təhsil mərkəzidir. Onu təşkil edənlərin düşüncəsinə görə kitabxananın məqsədi liberal demokratik dəyərləri, azadlığı sevən müstəqil fikirləri, milli birliyi və müstəqilliyi, sərbəst bazar iqtisadiyyatını və Gürcüstan cəmiyyətində və post sovet ölkələrində təvəqqi etməkdir.

Tarixi[redaktə | mənbəni redaktə et]

Oxu zalından görünüş

Kitabxana 22 aprel 2014-cü ildə açılmışdır. Kitabxananın açılış mərasimində tələbələr və media nümayəndələri iştirak ediblər. Tədbirə Gürcüstanın keçmiş birinci xanımı Sandra Roelofs da qatılmışdır.[2] Gürcüstanın keçmiş prezidenti Mixail Saakaşvili Prezident Kitabxanasının açılışında ABŞ-dan onlayn şəkild\ə qatılmış və dinləyicilərinə müraciət etmışdir.[3] Kitabxana layihəsi tamamilə şəxsi ianələr hesabına maliyyələşdirilmiş və qeyri-kommersiya fondu kimi fəaliyyət göstərmişdir.[4]

Gürcüstanda ilk prezident kitabxanasının yaradılması Amerika təcrübəsinə əsaslanmışdır. Lakin Saakaşvilinin kitabxanası prezident arxivi və muzeyindən daha çox təhsil mərkəzi olaraq yaradılıb.[5] Gürcüstanın keçmiş prezidenti Mixail Saakaşvili kitabxananın efirdə açılmasına işarə edərək, prezident kitabxanasının açılması ideyasının 2-3 il əvvəl, Reyqan kitabxanasına dəvət edildikdən sonra gəldiyini söyləmişdir.[3]

Kitabxana oxuculara aşağıdakı xidmətləri təqdim edir:

  • Siyasət və sosial elmlər, memarlıq və dizayn sahəsində geniş tədqiqat üçün kitabxana resursları;
  • Gənc nəsil və fəal vətəndaşlar üçün müasir müzakirə platforması;
  • Gürcüstanda fəal vətəndaşlar şəbəkəsinin inkişafına kömək etmək;
  • Tələbələr və gənc tədqiqatçılar arasında akademik əməkdaşlığın təşviqi;
  • Yerli və xarici media və politoloqlar üçün məlumat mərkəzi.

2020-ci ilin aprelində kitabxanada yanğın baş vermişdir.[6][7]

Memarlığı[redaktə | mənbəni redaktə et]

Oxu zalında kitablar

5 mərtəbəli binanın layihəsinin müəllifi Yurgen Meyerdir. Qeyd edək ki, Meyer memar Lado Abramaşvili ilə birlikdə bina layihəsini kitabxanaya təhvil verib.[4]

Prezident Kitabxanasının konfrans zalı 110-140 dinləyici üçün nəzərdə tutulmuşdur. Texniki tərəfi müxtəlif müzakirələr, mühazirələr, seminarlar və ya konfranslar üçün ən uyğundur. Salon ən son video və audio sistemləri ilə təchiz edilmişdir.

Oxu zalında ədəbiyyatla işləmək üçün oxuculara rahat və xoş şərait yaradılmışdır. Salonda İnternetə çıxışı olan kompüterlər və bir neçə dildə ədəbiyyat var. Salon hər gün 10:00-dan 22: 00-a qədər açıqdır.

Kitabxananın üst mərtəbəsindəki rahat ədəbi kafe və veranda bütün gün oxuculara və qonaqlara xidmət edir.[5]

Fondları[redaktə | mənbəni redaktə et]

Prezident Kitabxanasının oxu zalında təxminən 6000 kitab var. Kitabxana, bu yaxınlarda nəşr olunan müxtəlif mövzularda kitablara giriş əldə edə bilər. Bu kitablar arasında siyasət nəzəriyyəsi, regionşünaslıq, milli təhlükəsizlik, hüquq, tarix, memarlıq, dizayn və şəhərçilik aid nəşrlər var.

Sosial elmlər bölməsi iqtisadiyyat, antropologiya, sosiologiya və psixologiyanı əhatə edir. Kitabxana SAGE, Kembric, Viley, Çicaqo University Press, Harvard Universiti Press, Bloomsbury, Palgrave, Person, Rutledqe və digər aparıcı beynəlxalq nəşriyyatlarla əməkdaşlıq edir.[5]

Gürcüstan üçün ən vacib sahə olaraq şərabçılıq və ədəbiyyata böyük diqqət yetirilir. Mixail Saakaşvilinin şəxsi kolleksiyasından olan kitablar oxu zalında mövcuddur.

Kitabxanada iki məşhur gürcü şahmatçısı Nona Gaprindaşvili və Nana Aleksandriyanın 1975-ci ildə dünya çempionu tacı uğrunda mübarizə apardığı şahmat masası var.[8].

Hadisələr[redaktə | mənbəni redaktə et]

Açılış günündən bəri kitabxanada ictimai, siyasi, dizayn və memarlıq sahələri ilə bağlı ictimai mühazirələr və forumlar keçirilir. Bunların arasında Dünya Elm və İncəsənət Akademiyasının fəxri prezidenti professor İvo Şlausun "İnsan Təhlükəsizliyi və İnkişafı" mövzusunda açıq mühazirəsi, məşhur Alman memarı Yurgen Meyer və gürcü dizayner Zviad Sikoliyinin ictimai görüşləri, Gürcüstan memarlarının ən böyük forumunun ilk toplantısı baş tutub.[1]

İstinadlar[redaktə | mənbəni redaktə et]

  1. 1 2 სააკაშვილის საპრეზიდენტო ბიბლიოთეკის საიტი
  2. "В Тбилиси открылась президентская библиотека имени Михаила Саакашвили". regnum.ru. 22 апреля 2014. İstifadə tarixi: 2020-11-04.
  3. 1 2 სააკაშვილი: საპრეზიდენტო ბიბლიოთეკა არის ჩემი ინვესტიცია საქართველოში
  4. 1 2 სააკაშვილის საპრეზიდენტო ბიბლიოთეკის წინასწარი გახსნა 22 აპრილს იგეგმება
  5. 1 2 3 ინფორმაცია ბიბთლიოთეკის ბუკლეტებიდან
  6. "В Президентской библиотеке Саакашвили в Тбилиси произошел пожар". Эхо Кавказа (rus). İstifadə tarixi: 2020-11-04.
  7. "В президентской библиотеке Михаила Саакашвили случился пожар". Sputnik Грузия (rus). 19.04.2020. İstifadə tarixi: 2020-11-04.
  8. Зураб Двали Гога Чкония Давид Симоношвили. "Библиотека Саакашвили – вне грузинской политики". Настоящее Время (rus). 28 декабря 2015 года. İstifadə tarixi: 2020-11-04.

Xarici keçidlər[redaktə | mənbəni redaktə et]