Saleh Səmədov

Saleh Səmədov
Saleh Mehralı Oğlu Səmədov
İmişli Rayon Ağsaqqallar Şurasının Sədri
Vəzifədədir
23 aprel 2024-cu ildən
Şəxsi məlumatlar
Doğum tarixi	27 iyun 1962
Doğum yeri	İmişli şəhəri, İmişli, Azərbaycan SSR, SSRİ
Milliyyəti	Azərbaycan
Partiya	Yeni Azərbaycan Partiyası
Təhsili	Azərbaycan Dövlət İqtisad Universiteti Azərbaycan Respublikası Prezidenti Yanında Dövlət İdarəçilik Akademiyası
İxtisası	İqtisadçı
Təltifləri	Şablon:“General Həzi Aslanov” yubiley medalı

Saleh Mehralı oğlu Səmədov (27 iyun 1962, İmişli rayonu) - İmişli Rayon Ağsaqqallar Şurasının Sədri, "Azərişıq" ASC "Aran" Regional Enerji Təchizatı və Satışı İdarəsinin rəis müavini, YAP İmişli Rayon Təşkilatının "Energetik" Ərazi Partiya Təşkilatının sədri.

Həyatı

Saleh Səmədov 1962-ci ilin iyun ayının 27-də İmişli şəhərində anadan olmuşdur. 1969-1980-ci illərdə İmişli şəhər N.Nərimanov adına 1 saylı məktəbdə orta təhsil almışdır.

1997-ci ildə Azərbaycan Dövlət İqtisad İnstitutunu iqtisadçı, 2001-ci ildə isə Azərbaycan Respublikasının Prezidenti Yanında Dövlət İdarəçilik Akademiyasını Dövlət və Bələdiyyə İdarəetməsi ixtisası üzrə bitirmişdir.

Saleh Səmədov əmək fəaliyyətinə 1980-81-ci illərdə İmişli Rayon Yol İstehsalat İdarəsində fəhlə kimi başlamışdır.

1983-85-ci illərdə İmişli Rayon Rabitə və İşarəvermə Stansiyasında anbar müdiri, 1985-86-cı illərdə İmişli Rayon “Yol Restoran” Birliyində bufetçi, 1986-87-ci illərdə Bakı Şəhər “Azərkitab” Birliyi 1 saylı kitab mağazasında satıcıişləmişdir.

1987-92-ci illərdə Bakı Şəhər 4 saylı Kolxoz Bazarında tədarük-satış müəssisəsinin müdiri, 1992-93-cü illərdə Bakı ŞİH Aqrar Məhsulları Bazar Ticarəti İdarəsinin baş direktoru, 1993-95-ci illərdə Bakı Şəhəri “Ozan” Kiçik Müəssisəsinin direktoru, 1995-96-cı illərdə Bakı Şəhər Ticarət İctimai İaşə Baş İdarəsinin rəis müavini, 1996-98-ci illərdə Bakı Şəhər Səbayıl Rayon Ticarət və İctimai İaşə Baş idarəsinin baş direktoru, 1998-99-cu illərdə Bakı Şəhəri İstehlak Bazarı Xidməti Departamentinin Nərimanov Rayon Şöbəsinin rəisi, 1999-2001-ci illərdə Bakı Şəhəri “FM-RUS” Kommersiya Firmasının direktoru, 2001-2002-ci illərdə Bakı Şəhəri İstehlak Bazarı və Xidməti Departamentinin Ekspertiza və Sertifikatlaşdırma İdarəsinin rəisi vəzifələrində işləmişdir.

Saleh Səmədov 2002-2006-cı illərdə İmişli Rayon “Araz” MMC firmasının təsisçi olmuşdur.

2006-2008-ci illərdə Naftalan Şəhər İcra Hakimiyyətində baş iqtisadçı, 2008-2009-cu illərdə “Xan-Araz” MMC-də direktor, 2009-2010-cu illərdə İmişli Rayon Məşğulluq Mərkəzində direktor, 2010-2011-ci illərdə İmişli Rayon İcra Hakimiyyətində Başçının Sosial-İqtisadi Məsələlər Üzrə müavini, 2011-2013-cü illərdə “Xan-Araz” MMC-də prezident, 2013-2018-ci illərdə Azərbaycan Respublikası Standartlaşdırma, Metrologiya və Patent Üzrə Dövlət Komitəsi Regional Ərazi idarəsində rəis, 2018-2020-ci illərdə Azərbaycan Metrologiya İnstitutunda baş direktor, 2020-2021-ci illərdə “Azər-S-Test” MMC-də direktor vəzifələrində işləmişdir.

Saleh Səmədov 1993-cü ildən Yeni Azərbaycan Partiyasının üzvüdür. Ailəlidir. 4 övladı var.

Təltifləri

• "General Həzi Aslanov" yubiley medalı - 28 iyun 2024
• "Azərbaycan Respublikasının strateji obyektlərin mühafizəsi orqanlarının 30 illiyi (1993–2023)" yubiley medalı - 28 iyun 2024

Xarici keçidlər

• Xalq prezident İlham Əliyevə inanır
• İmişlidə Pasxa bayramı
• Saleh Səmədov Şuranın Sədri seçilib
• “Gözlərə nur bəxş edən insan”
• İmişli Rayon Ağsaqqallar Şurasına yeni sədr seçilib
• Azərbaycan xalqının taleyində böyük əhəmiyyət daşıyan insan Heydər Əliyev
• Saleh Səmədovun maddi vəsaiti hesabına Ramazan bayramı münasibətilə ümumilikdə 500
• Gəncəli şəhid ailələri İmişli şəhidlərini ziyarət ediblər
• YAP İmişli rayon təşkilatında Milli Mətbuat günü qeyd olunub

Həmçinin bax

Azərbaycan Respublikası İmişli rayon Ağsaqqallar şurası