Salman bin Həməd Əl Xəlifə

Vikipediya, azad ensiklopediya
Jump to navigation Jump to search
Salman bin Həməd bin İsa Əl Xəlifə
ərəb. سلمان بن حمد بن عيسى آل خليفة‎‎
Prince Salman bin Hamad al Khalifa at the Pentagon May 10 2012.jpg
Bəhreyn Krallığının Baş naziri
11 noyabr 2020 — h.h
Sələfi Xəlifə bin Salman Əl Xəlifə
Şəxsi məlumatlar
Təhsili
Doğum tarixi (51 yaş)
Doğum yeri Ər-Rifa, Bəhreyn
Sülalə Əl Xəlifə
Atası Həməd bin İsa Əl Xəlifə
Anası Səbikə bint İbrahim Əl Xəlifə
Həyat yoldaşı Hələ bint Dəic Əl Xəlifə (?–2005)
Uşağı
  • İsa
  • Məhəmməd
  • Fatimə
  • Yəhuda
Vikianbarın loqosu Vikianbarda əlaqəli mediafayllar

Salman bin Həməd bin İsa Əl Xəlifə (ərəb. سلمان بن حمد بن عيسى آل خليفة‎‎; 21 oktyabr 1969(1969-10-21), Ər-Rifa[d], Cənub qubernatorluğu[d]) — Bəhreynin vəliəhdi, eyni zamanda Bəhreyn Müdafiə Qüvvələri Ali Komandirinin müavini.

Həyatı[redaktə | mənbəni redaktə et]

Şahzadə Salman Bəhreyn Kralı Həməd bin İsa Əl Xəlifənin və birinci həyat yoldaşı Şahzadə Səbikə bint İbrahim Əl Xəlifənin böyük oğludur.

Şahzadə orta təhsilini Bəhreyn Məktəbində aldı, daha sonra Vaşinqtonda yerləşən Amerika Universitetində Siyasi Elmlər üzrə bakalavr, daha sonra Kembric Universitetindən Tarix və Elm Fəlsəfəsi üzrə magistr dərəcəsi aldı.[1]

Şahzadə Salman Bəhreynin gənclərini 21-ci əsrə aparması üçün 1999-cu ildə Vəliəhd Beynəlxalq Təqaüdünü təsis etdi. Proqram Bəhreyndən olan ən bacarıqlı lisey şagirdlərinə xaricdə ali təhsilini davam etdirmək və Bəhreynin inkişafına məhsuldar töhfə vermək üçün təqaüd yaradıldı. Bununla da Bəhreynin hər yerindən 140-dan çox tələbə İngiltərə, ABŞFransa da daxil olmaqla xaricdə təhsil almaq üçün təqaüd və fürsət qazandı.

Şahzadə Salman Şeyxa Hələ bint Dəic əl Xəlifə ilə 2005-ci ilə qədər evli qaldı. Şeyxa Hələ Maliyyə və Milli İqtisadiyyat Nazirinin köməkçisi Şeyx Dəic bin Xəlifə Əl Xəlifənin kiçik qızı idi. Hələ Qadın və Uşaqlar üçün Məlumat Mərkəzinin Fəxri Prezidenti və Bəhreyn Zəka Geriliyi Cəmiyyətinin sədri idi. 2018-ci ilin iyun ayında vəfat etdi. İki oğlu və iki qızı var:

  • İsa bin Salman Əl Xəlifə (7 mart 1990-cı il təvəllüdlü) — Vaşinqtonda Amerika Universitetində təhsil aldı və 2012-ci ildə məzun oldu. Bəhreyn Krallığının varisinin beşinci xəttidir. Evlidir, Həməd, Abdulla və Salman adlı üç oğlu var.
  • Məhəmməd bin Salman Əl Xəlifə — Bəhreyndə təhsil alıb. 2011-ci ildə Səndharst Kral Hərbi Akademiyasını bitirmiş və daha sonra 2015-ci ildə London Kral Kollecindən məzun olmuşdur. Bəhreyn Krallığının varisi olaraq altıncı xəttdədur. Evlidir, oğlu Əhməd və qızı Bəsmə var.
  • Fatimə Əl Dənə bint Salman Əl Xəlifə
  • Yəhuda bint Salman Əl Xəlifə

Fəaliyyəti[redaktə | mənbəni redaktə et]

Vəliəhd olmazdan əvvəl Salman Bəhreyn Tədqiqat və Araşdırma Mərkəzinin sədr müavini, Müdafiə Nazirliyində Müdafiə Nazirinin müavini və BTAM Mütevelli heyətinin sədri idi.

Salman 9 mart 1999-cu ildə Bəhreyn Krallığının vəliəhdi olaraq and içdi və 22 mart 1999–6 yanvar 2008-ci il tarixləri arasında Bəhreyn Müdafiə Qüvvələrinin Baş Komandanı vəzifəsini icra etdi.

24 fevral 2001-ci ildə Şahzadə Salman Milli Fəaliyyət Xartiyası İcra Komitəsinin sədri təyin edildi. Xartiya 2001-ci ilin fevralında keçirilən referendumda 98%-dən çox səslə təsdiqləndi və şəffaflıq, əməkdaşlıq və icmanın iştirakı əsasında Bəhreynin gələcək inkişafı üçün hərtərəfli yol xəritəsini təmin etdi. Komitə milli satınalma və mətbuat azadlığı qanunları da daxil olmaqla Milli Xartiyanın həyata keçirilməsi üçün bir sıra qanunlar təklif etdi.

3 mart 2002-ci ildə Şahzadə Salman Bəhreynin iqtisadi inkişaf strategiyasının formalaşdırılması və nəzarətindən məsul olan, həmçinin Bəhreynə birbaşa xarici investisiyalar cəlb etməyi hədəfləyən İqtisadi İnkişaf Şurasının sədri təyin edildi. O həm də aşağıdakı komitələrə rəhbərlik edir:

  • Hökumət İcraiyyə Komitəsi
  • Təbii Qaynaqlar və İqtisadi Təhlükəsizlik Komitəsi
  • Ali Şəhər Planlaşdırma Komitəsi

6 yanvar 2008-ci ildə Kral Həməd Bəhreyn Müdafiə Qüvvələrinin hərbi, inzibati, iqtisadi və maliyyə planlarının yanında dövlət siyasətinin idarə edilməsinə və həyata keçirilməsinə nəzarət etmək üçün Salmanı Bəhreyn Müdafiə Qüvvələri Ali Komandanının müavini təyin etmək üçün kral fərmanı verdi.

2013-cü ilin mart ayında Şahzadə Salman Kral tərəfindən icra orqanlarının və dövlət qurumlarının davamlı inkişafına nəzarət etmək vəzifəsi ilə Baş nazirin birinci müavini vəzifəsinə təyin edildi.

11 noyabr 2020-ci ildə Şahzadə Salman bu vəzifəni əlli ilə yaxın tutan ulu əmisi Baş nazir Şahzadə Xəlifə bin Salmanın ölümündən sonra tutdu.[2]

Nişan və mükafatları[redaktə | mənbəni redaktə et]

Salman bir sıra mükafatlara layiq görülmüşdür, bunlara aşağıdakılar daxildir:

  • ABŞ İdman Akademiyası tərəfindən Qartal Nümunəsi Sərəncamı ilə birlikdə fəxri doktorluq dərəcəsi[3]
  • Bəhreyn Birinci dərəcəli Şeyx İsa ibn Salman Əl Xəlifə ordeni
  • Bəhreyn Birinci dərəcəli Fateh Əhməd ordeni
  • Bəhreyn 1-ci dərəcəli Kral Həməd İntibah ordeni
  • Bəhreyn 1-ci dərəcəli Bəhreyn ordeni
  • Bəhreyn 1-ci dərəcəli Hivar medalı
  • Birləşmiş Ərəb Əmirlikləri İttihad ordeni
  • İordaniya Ali İntibah ordeni
  • Küveyt 1-ci dərəcəli Azadlıq ordeni

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]

  1. http://www.bahrainembassy.org/index.cfm?fuseaction=section.home&id=55
  2. https://www.msn.com/en-us/news/world/once-reformist-crown-prince-takes-the-helm-as-pm-in-bahrain/ar-BB1b2Pb9
  3. "Arxivlənmiş surət". 2007-05-20 tarixində orijinalından arxivləşdirilib. İstifadə tarixi: 2021-05-02.

Xarici keçidlər[redaktə | mənbəni redaktə et]