Sanqalan (dağ)

Bu məqalə əsasən "Sanqalan" kimi tanınan Səndələn dağı haqqındadır. Ağsu rayonunun Sanqalan kəndi üçün Sanqalan (kənd) səhifəsinə baxın.

Sanqalan
Ümumi məlumatlar
Dağ sistemi	Böyük Qafqaz
Dağ silsiləsi	Baş Qafqaz silsiləsi
Mütləq hündürlüyü	929 m
Yerləşməsi
40°32′22″ şm. e. 48°34′39″ ş. u.
Ölkə	Azərbaycan
Rayon	Ağsu
Sanqalan
Sanqalan

Sanqalan və ya Səndələn — Böyük Qafqaz sıra dağlarının cənub-şərq ətəklərində yerləşən Ləngəbiz silsiləsinin ən hündür zirvəsi.

Hündürlüyü 929 metrdir. Ağsu rayonunun inzibati ərazi vahidinə daxil olan Bico kəndinin ərazisində, Ağsu rayonu ilə Şamaxı rayonunun sərhədində yerləşir. Zirvənin adının vaxtilə Bico kəndi ərazisinə gəlmiş Səndələn türk tayfalarının adı ilə bağlı olduğu və ya saklarla bağlı "Sak qala" mənasını verən toponim olduğu qeyd edilir.

Ətraf ərazilərin əhalisi tərəfindən Bico dağı da adlandırılır. Yerli əhali arasında isə əsasən Sanqalan adlanır və qədim sak tayvaları ilə əlaqələndirilən "Sak qala" toponimi ilə bağlı olduğu da ehtimal edilir. (Bico kəndi ərazisində yerləşən məşhur Pirəmsaq ("sak qocası" mənasına gəlir) qəbiristanının mövcudluğu bu versiyanı daha da gücləndirir.)

Böyük Qafqaz dağlarından Arana açılan strateji mövqedə olduğu üçün vaxtilə bu zirvə hərbi müdafiə və müşahidə məntəqəsi kimi istifadə edilmişdir.