Sikanlar
Sikanlar (lat. Sicani) — Siciliyada yaşamış qədim xalq.[1] Onların qeyri-Hind-Avropa mənşəli olduğu güman edilir. Sikanlar e.ə. XIII əsrdə sikullar və elimlər tərəfindən qovulmuş və sonradan ellinləşdirilmişdir. Onlar Kastelluçço arxeoloji mədəniyyətinə uyğun gəlirlər.
Mənşə
[redaktə | vikimətni redaktə et]Tavromeniyalı Timey sikanları Siciliyanın yerli əhalisi hesab edirdi. Onun əsəri dövrümüzə qədər gəlib çatmayıb, lakin Diodor ona istinad edir. Doğrudan da, arxeoloji tədqiqatlar onu göstərir ki, adada minilliklər boyu avtoxton mədəniyyət mövcud olmuşdur.[2] Fukididin fikrincə,[3] sikanlar Pireney yarımadasından (ehtimal ki, Kataloniyadan) köç etmişdir.[4][5] Fukidid bu məlumatı mənbəsi məlum olmayan tarixçi Sirakuzalı Antioxdan götürmüşdür.[6] Bir sıra müasir tədqiqatçılar sikanları əvvəllər yerlilərə məxsus olan torpaqları ələ keçirmiş İlliriya tayfası hesab edirlər.[7]
Mədəniyyət və tarixi məlumatlar
[redaktə | vikimətni redaktə et]Arxeoloji tədqiqatlar göstərir ki, sikan mədəniyyəti Miken sivilizasiyasından təsirlənmişdir.[8] Siciliyanın antik dövrə qədərki maddi mədəniyyətində Maltanın meqalitik məbədlər dövrü ilə əhəmiyyətli oxşarlıq var. Odur ki, Siciliyadakı Onyina yaşayış məntəqəsində tapılan keramikalar ilə Maltadakı Borc in-Nadur yaşayış məntəqəsində tapılan keramikalar arasında oxşarlıqlar var.
Yunan mifologiyasına görə Kamik şəhəri sikanların paytaxtı olmuşdur.
İstinadlar
[redaktə | vikimətni redaktə et]- ↑ "Бронзовый век Западного Средиземноморья". 17 oktyabr 2009 tarixində arxivləşdirilib. İstifadə tarixi: 30 iyun 2022.
- ↑ "Sicilian Peoples: The Sicanians". Best of Sicily. 7 oktyabr 2007. 14 fevral 2019 tarixində arxivləşdirilib. İstifadə tarixi: 30 iyun 2022.
- ↑ Thucydides, His. VI,2,3,4.
- ↑ "Sicily: Encyclopedia II – Sicily – History". Experience Festival. 7 oktyabr 2007. 31 dekabr 2013 tarixində arxivləşdirilib.
- ↑ "Aapologetico de la literatura española contra los opiniones". Ensayo historico. 7 oktyabr 2007. 2 dekabr 2016 tarixində arxivləşdirilib. İstifadə tarixi: 30 iyun 2022.
- ↑ "Greek Identity in the Western Mediterranean". 2004. 23 yanvar 2017 tarixində arxivləşdirilib. İstifadə tarixi: 30 iyun 2022.
- ↑ The ancient Greeks: a critical history. Harvard University Press. 1985. "Arxivlənmiş surət". Archived from the original on 24 yanvar 2017. İstifadə tarixi: 30 iyun 2022.
- ↑ Fine, p.72
Ədəbiyyat
[redaktə | vikimətni redaktə et]- Ильинская Л. С. Этнические и культурные контакты Западного и Восточного Средиземноморья в микенскую эпоху: Сицилия и Эгеида. М., 1983 г.
- Ильинская Л. С. Древнейшие островные цивилизации центрального Средиземноморья в античной исторической традиции. М. 1987.
- Немировский А. И. История раннего Рима и Италии, Воронеж, 1962.