Sirr (qrup)

Sirr
Anar Əliyev, Orxan Culfa, Oqtay Abdullayev, İbrahim Emin, Cahangir Ağayev
Əsas məlumatlar
Üslub	hevi-metal, blyuz
Fəaliyyət illəri	2003–2015; 2018
Ölkə	Azərbaycan
Şəhər	Sumqayıt
Heyət	Oqtay Abdullayev Anar Əliyev Orxan Culfa Zaur Cavadov Cahangir Ağayev
Keçmiş üzvlər	İbrahim Emin Eldəniz Mirzoyev

Sirr — Sumqayıt şəhərində yaranmış Azərbaycan rok qruplarından biri. 2003-cü ildən 2015-ci ilə qədər fəaliyyət göstərib.

Qrupun tarixi

Qrupun əsası 2003-cü ildə "Yuxu"nun bassisti və əksər mahnılarının müəllifi olan İbrahim Emin tərəfindən Sumqayıt şəhərində qoyulub. 2003-cü ildə o Türkiyədən Azərbaycana qayıdandan sonra milli musiqi anlayışı olan gitarist axtarışına başladı və daha öncə Spark qrupunda ifa edən Eldəniz Mirzoyevin namizədliyi üzərində dayandı. Çox keçmədən, Oqtay Abdullayev (keçmiş Sparkçı) də onlara qoşuldu. Oqtay Abdullayev öncə zərbçi kimi qrupa daxil olsa da, sonra özünü vokalda göstərdi. Zərbçi olaraq isə Cahangir Ağayev qrupa daxil oldu.

Üzvləri

Sirr qrupunun son tərkibi belədir:

• Oqtay Abdullayev – vokal
• Anar Əliyev – gitara
• Orxan Culfa – gitara
• Zaur Cavadov – bass-gitara
• Cahangir Ağayev – zərb aləti

Daha əvvəl qrupdan ayrılmış üzvlər:

• İbrahim Emin – bass-gitara
• Eldəniz Mirzoyev – gitara

Fəaliyyətləri

İlk studiya işləri blüz stilində olan "Ömür" mahnısı oldu. Təəssüf ki, bu mahnıya klip çəkilişi baş tutmadı. 2005-2006-cı illər arası qrup musiqi fəaliyyətinə ara verdi. 2007-ci ildə isə qrupun yeni demo-mahnıları ərsəyə gəldi. 2008-ci ildə qrupun ən uğurlu mahnılarından biri olan "Yaşamaq gözəldir" yazıldı. 2012-ci ildə isə "Yoruldum" mahnısına klip çəkilərək Azərbaycan rok dinləyicilərinə təqdim olundu.

Diskoqrafiya

1. Ömür
2. Yaşamaq Gözəldir
3. Yaşa Ruhumda
4. Şamdan
5. Söylə Adın Nə
6. Bir Payız Səhəri
7. Yoruldum
8. O Deyir
9. Düşmən Kəsildin

Həmçinin bax

• Yuxu
• Spark
• Bəndə