Sivrimeyvəli vələs

Vikipediya, azad ensiklopediya
Jump to navigation Jump to search
?Sivrimeyvəli vələs
Carpinus oxycarpa H.J.P.Winkl
Carpinus oxycarpa.jpg
Sivrimeyvəli vələs
Elmi təsnifat
Aləmi:Bitkilər
Şöbə:Örtülütoxumlular
Sinif:İkiləpəlilər
Yarımsinif:Hamamelid
Sıra:Fıstıqçiçəklilər
Fəsilə:Tozağacıkimilər
Növ: Sivrimeyvəli vələs
Elmi adı
Carpinus oxycarpa H.J.P.Winkl
Wikispecies-logo.svg
Vikinövlərdə
sistematika
Commons-logo.svg
Şəkil
axtarışı
IPNI  ???

Sivrimeyvəli vələs

Təbii yayılması[redaktə | əsas redaktə]

İlk dəfə 1904-cü ildə Şuşada yayıldığı müəyyən edilmişdir.

Botaniki təsviri[redaktə | əsas redaktə]

Yarpaqlarını tökən ağac və ya iri koldur.Hündürlüyü 15 m-ə çatır.Qabığının rəngi boz və hamardır,yaşlı gövdələrinin qabığı isə dayaz-çatlıdır.Tumurcuqları saplaqsız,pulcuqvari və sivridir.Yarpaqları dartılmış ovalvaridir,enindən iki dəfə uzundur.yarpaqlarının qaidə hissəsi ürəkvari,kənarları bərabər mişardişlidir,orta damarı tüklüdür;yan damarları 9-11 cütdür.Yarpaqların saplaqlarının qaidə hissəsində kirpikvari tükləri bərabəryanlı deyildir,oraqvarı əyilmişdir.Çiçəkləri müxtəlifcinsli,birevli olub,sırğalarda toplanmışdır.Erkəkcik çiçəkləri ensiz slindrik yan sırğalardadır və çiçəkyanlığı yoxdur;yumurtavari örtücü pulcuğun qoltuğunda 4-12 erkəkcik yerləşmişdir,onların telləri üst tərəfdən ikiyə ayrılmışdır və təpəsində tüklü tozluqlar vardır.Dişicik çiçəkləri-yarpaqlı zoğlarda əmələ gələn azçiçəkli təpə sırğalarındadır; xırda və teztökülən pulcuqların qoltuqlarında cüt-cüt yerləşmişdir;hər çiçək ikiyuvalı yumurtalıqdan ibarətdir.sütuncuğu qısa olub,iki dişicik ağzı vardır.Ləpələri lətlidir.Meyvəsi qəhvəyi rənglidir,təpə hissədə tükcüklərdən ibarət tac vardır,tilləri kəskin irəli çıxmış və sərtdir,fındıqcıqlarının uzunluğu 6-7 mm,eni 3,5-4 mm-dir.

Ekologiyası[redaktə | əsas redaktə]

Torpağa tələbkardır,münbit torpaqlarda yaxşı bitib,quraqlığa,şaxtaya,kölgəyədavamlıdır.

Azərbaycanda yayılması[redaktə | əsas redaktə]

Kiçik və Böyük Qafqaz,Lənkəran,Şuşa meşələrində yayılmışdır.Nadir növdür,qorunması və artırılması vacibdir.

İstifadəsi[redaktə | əsas redaktə]

Meşəsalmada istifadəsi məqsədyönlüdür.

Məlumat mənbəsi[redaktə | əsas redaktə]