Skunk Fu!

Vikipediya, azad ensiklopediya
Naviqasiyaya keçin Axtarışa keçin
Skunk Fu!
ing. Skunk Fu!
Ölkə
Dil ingilis dili
Mövsümlərin sayı 1
Seriyaların sayı 52
IMDb ID1069275

Skunk Fu! - döyüş sənətlərindən istifadə edərək vadilərini qoruyan antromorfik heyvanların macəralarından bəhs edən cizgi serial. Əsas süjet Skunkun sərgüzəştləri üzərində qurulmuşdur. Kunq-fu müəllimi Panda, Dovşan, Tülkü, Tısbağa və digərləri ya birbaşa, ya da dolayı yolla Skunka kömək edirlər.

Şou "Ən yaxşı animasiya" kateqoriyası üzrə İFTA mükatını qazanıb.[1] İngilis səsyazmasına əlavə olaraq irland,[2] fransız, yapon və holland dillərində səsyazmalar hazırlanmışdır.

Özət[redaktə | mənbəni redaktə et]

Skunk və Pandanın başçılıq etdiyi digər vadi heyvanları Əjdahanın Babun və nindza meymunlar ilə dağlardakı yuvalarından vadiyə keçmək cəhdlərinin qarşısını alırlar. Əvvəllər Panda ilə Əjdaha çox yaxın dost idi. Amma Əjdaha təkəbbüründən dolayı cənnətdən qovulduğu üçün bunda vadi heyvanlarını təqsirkar bildi (öz hərəkətlərinin məsuliyyətini qəbul etməyərək). Beləliklə, vadi heyvanlarını məhv etməyə çalışır. Panda Skunku vadini xilas etmək üçün vacib hesab edir və tez-tez zəhmətli kunq-fu məşqlərindən yayınmağa çalışan Skunku öyrətməyə çalışır. Adətən Panda ilə Skunk özləri və ya dostlarının köməyi ilə günü xilas edir.

Personajlar[redaktə | mənbəni redaktə et]

  • Skunk (səsləndirən: Cules de Yonq) - serialın baş qəhrəmanı. Skunk vadi sakinlərinin ən gəncidir və kunq-fu ustadı olmaq istəyir. Amma o, əvvəlcə Pandadan kunq-fu hərəkətlərini öyrənməlidir. Skunk bəzən tənbəl və səbirsiz ola bilir. Amma Skunk ağlına qoyanda qabağına qoyduğu məqsədə çatmaq üçün çox çalışaraq istədiyinə nail ola bilir. Skunk dostlarına çox inanır, hətta ona həmişə hörmət etməyən Dovşana belə. Skunk diqqətini dərslərinə cəmləmək əvəzinə həmişə "asan çıxış yolu" tapmağa çalışır. Ancaq bu planlar adətən əks nəticə verir. Beləliklə, Skunk problemlərdən çıxış yolu tapmağa və əvvəlcə qaçmağa çalışdığı dərsi öyrənməyə məcbur olur.
  • Ustad Panda (səsləndirən: Paul Tilak) - vadinin 80 yaşındakı çox müdrik lideridir və zamanını Skunka müxtəlif sənətlərdə təlim verməklə keçirir. O, Əjdahanın cənnətdən qovulmasından və pis olmasından əvvəl Əjdahanın ən yaxın dostu idi. Əjdahanın şər qüvvələr tərəfinə keçməsinə baxmayaraq, Panda və Əjdaha hələ də bir-birlərinə hörmət edirlər.
  • Dovşan - zorba, pis xasiyyətli, eqoist və həmişə münaqişə axtarışında olan Dovşan Tülküyə aşıiqdir. Amma bunu gizlətmək üçün böyük səy göstərir. Bəzən Doşvan Tülkü haqqında yuxular görür. Dovşan özünü Vadidəki ən güclü heyvan hesab edir və yumruğunu "Mister Yumruq" adlandırır. Hətta bəzən o, Panda ilə də dalaşır. O, Pandanın əmrlərinə qulaq asmaq yox, dərhal Əjdaha ilə döyüşmək istəyir. Doşvan ninja meymunlara hücum etmək üçün planlar qurur, lakin bunlar həmişə əks nəticə verir. Skunku tez-tez götürüb macəralara atılmaqdan zövq alır. Dovşan Skunku yaxın dostu kimi çox sevir və onun qayğısına qalır. Hətta o, Pandanın Skunkun hələ hazır olmadığını deməsinə baxmayaraq Skunka "rəftar sənətini" də öyrətdi.
  • Tülkü - güclü və zərif döyüşçüdür. Tülkü hekayənin aparıcı qadın obrazıdır. Skunkun böyük bacısı kimi o, ağııllı və faydalı məsləhətləri ilə ona kömək edir. O, Skunfu kiçik qardaşı kimi sevir və tez-tez onu qoruyur. Məsələn, "Kiçik Qələbələr sənəti" bölümündə qarışqalarla oynayan gənc Skunfa lağ edəndə Dovşanı dəfələrdə alnından vurur. O, təvazökar görünüşünə baxmayaraq Dovşanı dəli edən isti temperamentə və döyüşçü ruhuna sahibdir. Tülkü tez-tez cazibəsini düşmənlərindən, əsas da Babundan qaçmaq üçün istifadə edir. Tülkünün Dovşanın sevgisindən narahat olduğu, yoxsa xoşlandığı bəlli olmasa da, onu baş bəlası olaraq görməsinə rəğmən Dovşandan təsirləndiyi bəllidir. Dovşan kimi o da Skunfa bəzən "balaca adam", ya da sadəcə "uşaq" kimi xitab edir.
  • Pələng (səsləndirən: Rod Qudal) - Pandanın köhnə dostu. Pələng böyük döyüşçü olduğunu iddia edir və bir dəfə Əjdahayla döyüşüb. O, dəhşətli görünən bu döyüşdən sonra əsəbləşəndə vəhşicəsinə döyüşsə də, əksər vaxtlarda çox qorxaqdır. O, ağ Cənubi Çin pələnginə bənzəyir.
  • Qurbağa (səsləndirdi: Toni Akvors) - tullanma ustası. Qurbağa ətrafdakıları güldürməyi sevən axmaq biri kimi görünür. O, Skunka "gülmə sənətində" gülməyin öhdəsindən gəlmək üçün kömək edir. Belə ki, Qurbağa Skunku hər güldüyündə ənzəli oynamağa məcbur edir.
  • İlan (səsləndirdi: Paul Tilak) - ağrı verməkdən zövq alır, xüsusilə də nindza meymunlara. O, vadinin casusudur. İlan Avstraliya ləhcəsi ilə danışsa da, kobralar bu qitənin yerlisi deyil. Ancaq o, başqa ilan növündən ola da bilər.
  • Qatil arılar (səsləndirdi: Toni Akvors) - tam arı yuvası. Ç ox cəsarətli olurlar və dost-düşmən demədən hamıya hücum edirlər. Onlar hip-hop dialoq üslubunda danışırlar. Birlikdə hərəkət edərək nunçuk kimi fərqli formalara girə bilirlər.
  • Donuz (səsləndirdi: Toni Akvors) - adına baxmayaraq, Donuz əslində vəhşi qabandı. Donuz bütün vaxtını palçıqda keçirən və əsasən axmaq, güclü yaddaşı olmayan, bəsit düşüncəli bir personaj kimi təqdim olunur. Döyüşlərdə nadir hallarda kömək etsə də, Əjdahayla döyüşdə başqa üsullarla kömək edir. Məsələn, donuz ili boyunca bütün yer göbələklərini yeyir ki, Əjdaha onlardan eliksir düzəldərək həbsxanasından müvəqqəti çıxa bilməsin. Donuz sevimli bir personajdır və Dovşandan tez-tez təsirlənir. Amma özünün nindza meymun olduğuna inandırıldığı vaxt böyük bir döyüşçü olduğu göstərilmişdir. O, Skunk, Dəvədəlləyi və Dovşanı birlikdə asanlıqla məğlub edə bildi. Donuz həm də yetkin donuz kimi rəftar olunmaq istəyir.
  • Öküzquş (səsləndirən: Toni Akvors) - quş ikilinin beynidir. Quş çox vaxt özünü möhtəşəm hesab edir. Hər ikisi dincəlməkdən və "heç kim" olduqları həqiqətini qəbul etməkdən daha yaxşı olan heç nəyi sevmir. Öküz görünməz nindza meymunları "ağıl yoxdur" sənəti sayəsində görə bilir. Buna görə də bir zamanlar böyük bir qəhrəman olaraq qəbul olunurdu. Öküz nindza meymunları başa düşə və onlarla danışa bilir.
  • Tısbağa (səsləndirdi: Toni Akvors) - yaşlı, müdrik kunq-fu ustadı. Vadinin həkimidir və Skunku öyrətməyə kömək edir. Həkim Tısbağa həmişə Pandaya və Pələngə kömək etməkdən məmnundur. O, həmçinin istedadlı çərpələng uçurandır və hər Yeni ildə çərpələng nümayiş etdirir.
  • Ördək - yaşlı quşdur. Panda kimi o da Əjdahanın əhvalatını bilir. O, həm də yemək bişirməkdə istedadlıdır, amma çox pis mahnı oxumağı var.

Mənfi personajlar[redaktə | mənbəni redaktə et]

  • Əjdaha - əsas antagonistdir. İllər əvvəl Cənnət Əjdahanı Vadidəki heyvanları qorumaq üçün qoruyucu heyvan etdi. Təbii odunu tarazlıqda saxlamaq üçün Cənnət Əjdahaya su üzərində güc verdi. O vaxtlar Əjdaha mehriban və Pandanın ən yaxın dostu idi. Əjdahanın sədaqətini yoxlamaq üçün Cənnət Vadiyə quraqlıq göndərdi. Əjdaha Cənnətdən quraqlığa son qoymaq üçün su üzərindəki gücünü istifadə edə biləcəyini soruşdu, lakin Cənnət səssiz qaldı. Əjdaha güclərini kömək üçün istifadə etmənin heç bir zərəri ola bilməyəcəyinə inandığı üçün Pandanın xəbərdarlıqlarına məhəl qoymadı və güclərindən istifadə etdi. Əjdahanın impulsiv hərəkətlərinə və aşkar itaətsizliyinə görə cəza olaraq Cənnət onun uçma qabiliyyətini əlindən aldı və onun bir vaxtlar gözəl olan qızıl tərəzisini qaraldır. Cəzasından dəhşətə gələn Əjdaha qisas almağa and içir. Qəzəb içində odu ilə heyanları dağ başındakı evlərindən qovur. Bununla yanaşı əjdaha çınğınlıqla Cənnətlə Yeri bir-birinə bağlayan sirli lotus çiçəyini yandırır. Bu hərəkəti ilə Əjdaha su üzərindəki gücünü itirir, bu da onun öz atəşini nəzarətdə saxlayan yeganə şey idi. Nəticədə Əjdaha ciddi şəkildə yandı və yanıq ağrılarını sakitləşdirmək üçün Lunq dağındakı yeraltı gölün dondurucu sularına çəkilməli oldu. İndi o, daim suda qalmalıdır, yoxsa, odu dözülməz səviyyəyə qalxacaq. Ağrıdan dəliyə dönmüş və kinli olan Əjdaha, görünüşə görə, sonsuza qədər buzlu göldə qalmağa məhkum olduğundan düşdüyü çətin vəziyyətə görə təqsirkar olanlardan qisas almağı planlaşdırır. Əjdaha aqibəti üçün Vadidəki heyvanları günahlandırır və bütün səyini onları məhv etmək üçün sərf edir. Bunun üçün Babunu göndərir. Bütün heyvanlara nifrətinə baxmayaraq, Əjdaha Pandaya zəkasına və qabiliyyətlərinə, bəlkə də bir vaxtlar dost olduqlarına görə hörmət edir. Əjdaha atəşindən başqa, bir çox sehrlər haqqında da biliyə sahibdir.
  • Babun - bütün seriyanın ikinci mənfi obrazıdır. Babun həm də Əjdahanın ninja meymun ordusunun başçısıdır və adətən Əjdahanın planlarını həyata keçirmək üçün göndərdiyi adamıdır. Babun ninja meymunlar üzərində çox dominantdır və tez-tez onlarla pis fiziki rəftar edir. Ancaq pis rəftarına baxmayaraq, Babun bəzən onlar üçün narahat olduğunu dilə gətiir və bu çox nadir olsa da, onların rifahını önəmsədiyini bildirir. Babun əksərən Əjdahanın xidmətkarı kimidir. O, Əjdahaya qarşı həm güclü sədaqət, həm də dərin qorxu bəsləyir. Babun eyni zamanda Tülküyə aşiq olan, asanlıqla qəzəblənən və çox qorxuducucu fiqurdur. Tülkü ise onun kimi hiss etmir və Babunun hislərindən ona qarşı istifadə edir. Babunun qəribə ləhçəsi var. O, Skunka qalib gəlməyə çalışsa da, öz axmaqlığı və ya ninja meymunların bacarıqsızlıqları səbəbindən davamlı olaraq məğlub edir. Bunun qarşılığında Əjdaha Babunu tez-tez alovu ilə yandırır. Bununla belə Babun döyüşlərdə özünü göstərərək Vadi üçün ciddi düşmən olduğunu sübut edə bilib. Şüarı olan "Vasabi!"ni adətən döyüşdə uduzmamışdan bir neçə saniyə əvvəl deyir.
  • Nindza meymunlar (səsləndirən: Toni Akvors) - Əjdahanın adətən ağılsız və təsirsiz əskərləri. Ninja meymunları görünməz edə biləcək bir iksir var. Lakin onları ancaq "ağıl yoxdur" sənətini bilən biri görə bilər. Panda deyir ki, ninja meymunları izləmək gülməli olur və bu çox doğrudur. Nindza meymunlar yaxşə təlim keçmiş olsalar da, asanlıqla məğlub olurlar. Bacarıq əskikliklərini say çoxluğu ilə ört-basdır edirlər və onların böyük bir qrupu hətta Pandaya da qalib gələ bilər. Babun nindza meymunlara komandalar verir və lazım olanda onların dediklərini başa düşərək tərcüməçilik edir.

İstehsal və yayım[redaktə | mənbəni redaktə et]

"Skunk Fu!" Cartoon Saloon tərəfindən hazırlanmış və 28 may 2007-ci ildə "ABC Australia" kanalında premyerası olmuşdur.[3]

İstinadlar[redaktə | mənbəni redaktə et]

  1. ""Winners of the 5th annual Irish File & Television Awards". IFTA. 28 February 2008". 3 March 2016 tarixində arxivləşdirilib. İstifadə tarixi: 26 November 2021.
  2. "The Smell of Success: 'Skunk Fu!' Conquers the World | Animation World Network". 2021-11-26 tarixində arxivləşdirilib. İstifadə tarixi: 2021-11-26.
  3. "https://www.thefreelibrary.com - Fu.. what a scorcher. İstifadə tarixi:07.12.2023". 2023-05-17 tarixində arxivləşdirilib. İstifadə tarixi: 2023-12-06.