Stanislava Staşa Zayoviç
| Stanislava Staşa Zayoviç | |
|---|---|
| serb. Staša Zajović | |
.jpg) | |
| Doğum tarixi | 1953 |
| Doğum yeri | |
| Təhsili | |
| Fəaliyyəti | qadın hüquqları fəalı[d], yazıçı-dokumentalist[d] |
 Vikianbarda əlaqəli mediafayllar | |
Stanislava Staşa Zayoviç (serb. Stanislava Staša Zajović; 1953, Nikşiç) — feminist və publisist. Belqradda Qara paltarlı Qadınların həmtəsisçisi və koordinatoru.[1]
Bioqrafiyası
[redaktə | mənbəni redaktə et]O, Belqrad Universitetinin İspan və İtalyan dili fakültəsini bitirib və 1980-ci illərdə Belqradda feminist hərəkata qoşulub. Staşa Zayoviç küçə aksiyalarının təşkilindən tutmuş qaçqınlarla, qadınlarla və s. işlərə qədər bir çox feminist fəaliyyətlərdə iştirak edib.[2] [3] Qadınların Sülh Şəbəkəsi, Müharibəyə Qarşı Beynəlxalq Qadın Həmrəylik Şəbəkəsi/Qara geyimli Qadınlar Beynəlxalq Şəbəkəsi, Serbiyada Vicdanlı Rəylər və Militarizmə Qarşı Şəbəkə, Dünyəvi Dövlət Koalisiyası” və s. kimi bir neçə qadın şəbəkələrinin təşəbbüskarı olub. Qadın hüquqları, qadınların sülh siyasəti, millətlərarası və mədəniyyətlərarası həmrəylik, qadın və güc, qadınlar və antimilitarizm mövzularına həsr olunmuş çoxsaylı maarifləndirici tədbirlər təşkil etmişdir.[4] Qara paltarlı Qadınlar şəbəkəsinin bütün dünyada genişlənməsində mühüm rol oynamışdır.[5] 1992-ci ildən Staşa Zayoviç yerli, regional və beynəlxalq mediada qadın və siyasət, reproduktiv hüquqlar, müharibə, millətçilik və militarizm, qadınların müharibəyə müqaviməti və antimilitarizm mövzusunda çoxsaylı esse, məqalə və əlavələrin, jurnal və nəşrlərin müəllifidir. 2017-ci ildə Staşa Zayoviç Xorvatların, Serblərin, Bosniyalıların və Monteneqroluların Ortaq Dili haqqında Bəyannaməni imzaladı. 1995-ci ildən Qara paltarlı Qadınların üzvləri hər il Srebrenitsa qətliamının qurbanlarının xatirəsini yad edirlər. 2015-ci ildə Ukrayna BBC-yə müsahibəsində Staşa Zayoviç demişdi ki, Serbiya hökumətinin nümayəndələri Haaqadakı beynəlxalq məhkəmələrin hökmlərinə hörmət etməli və Srebrenitsa soyqırımını tanımalıdır.[6] Staşa Zayoviç irəli sürüldü və bir sıra mükafatlar aldı. Onların arasında Qadınlar üçün Minilliyin Sülh Mükafatı, “Tutinin fəxri vətəndaşı”, “Qranadanın fəxri vətəndaşı” və s. O, 2005-ci ildə "Nobel Sülh Mükafatına 1000 Qadın" kampaniyası çərçivəsində Nobel Sülh Mükafatına namizəd göstərilib, 2005 və 2007-ci illərdə gündəlik "Danas" qəzeti tərəfindən "İlin Qəzet Adamı" adına namizəd olub.[7]
İstinadlar
[redaktə | mənbəni redaktə et]- ↑ Welle (www.dw.com), Deutsche. "Staša Zajović: Otrovom nacionalizma se sprječava pobuna | DW | 07.10.2019". DW.COM (xorvat). 2019-10-08 tarixində arxivləşdirilib. İstifadə tarixi: 2021-03-23.
- ↑ Rivas, Rosa. ""Las Mujeres de Negro ejercemos la desesperación activa"". El País (ispan). 1993-04-26. ISSN 1134-6582. 2021-05-03 tarixində arxivləşdirilib. İstifadə tarixi: 2021-03-23.
- ↑ Carmen Magallón: Mujeres en pie de paz, Madrid, Siglo XXI, 2006.
- ↑ Signatories of the Declaration on the Common Language Arxivləşdirilib 2019-06-30 at the Wayback Machine, official website, retrieved on 2018-08-16.
- ↑ "Staša Zajović iz Žena u crnom: U Srbiji dominantno nacionalističko javno mnijenje". tportal.hr. 2019-11-19 tarixində arxivləşdirilib. İstifadə tarixi: 2021-03-23.
- ↑ "Belgrade: 26th anniversary of start of war in Bosnia marked". N1 (bosniya). 2018-04-06. 2021-05-03 tarixində arxivləşdirilib. İstifadə tarixi: 2021-03-23.
- ↑ "STASA ZAJOVIĆ". RWLSEE (ingilis). 2021-05-03 tarixində arxivləşdirilib. İstifadə tarixi: 2021-03-23.