Stefaniya Belmondo

Vikipediya, azad ensiklopediya
Naviqasiyaya keçin Axtarışa keçin

Stefaniya Belmondo(d.  13 yanvar, 1969)— Sabiq italiyalı xizək sürmə idmançısı. Karyerası ərzində iki dəfə Olimpiya dörd dəfə Dünya çempionu olmuşdur.

Həyatı[redaktə | mənbəni redaktə et]

Belmondo Geneonun əyaləti olan Vinadioda anadan olub. Karyerası ərzində o, İtaliya polis qüvvələrinin idman bölməsində -Gruppo Sportivo Forestaleda xizək sürmüşdür. O xizək sürməyə üç yaşında başlamışdır. O, 1987-ci ildə Xizək idman növləri üzrə dünya çempionatında debüt etdi. Növbəti mövsümdə İtaliyanın əsas milli komandasına qoşuldu və Kanadanın Kalqari şəhərində təşkil olunmuş 1988-ci il Qış Olimpiyadasında iştirak etdi. 1989-cu ildə o, Solt-Leyk Sitidə Dünya kubokunun qalibi oldu və bu uğurla mövsümü başa vurdu.

Karyerası[redaktə | mənbəni redaktə et]

1991-ci ildə Xizək idman növləri üzrə dünya çempionatında müxtəlif məsafələrə yarışda gümüş və bürünc medallar qazandı. 1992-ci ildə isə Qış Olimpiya Oyunlarında ilk qızıl medalını qazandı. 1993-cü ildə Xizək idman növləri üzrə dünya çempionatında sağ ayaq barmağında olan zədənin cərrahiyə əməliyyatına ehtiyacı olmazdan əvvəl, müxtəlif məsafələrə yarışda iki qızıl və bir gümüş medalın sahibi oldu. Bu zədə onun dörd ay yarışlardan kənarda qalması ilə nəticələndi.

İkinci əməliyyatdan sonra , Belmondo Lillehammerdə 1994-cü il Qış Olimpiya Oyunlarında iştirak edir və iki bürünc medal qazanır. Bu yarışlardakı çıxışı onu qane etmir və o, həkiminin verdiyi məsləhətlərə məhəl qoymayaraq, xizək yarışlarında iştirakını davam etdirmək qərarına gəlir. 1996-1997-ci il mövsümü onun əməliyyatdan sonra ən yaxşı mövsümlərindən biri idi və bu illərdə o üç gümüş medal qazanır. 1998-ci il Naqano Qış Olimpiadasında isə komanda estafet yarışlarında bürünc , fərdi yarışlarda isə gümüş medalın sahibi olub.[1] 1999-cu il Xizək idman növləri üzrə dünya çempionatında Stefaniya Belmondo iki qızıl və bir gümüş medal qazandı.

2002-ci il Qış Olimpiyadasında yarışların final mərhələsində , qızıl, eləcə də gümüş və bürünc medalların sahibi olub. Belmondo karyerası boyu digər uğurlarda qazanmışdır. O, 1997 və 2002-ci illərdə Holmenkollen xizək festivalında qadınların 30 km məsafəyə yarışlarının qalibi olub.

1997-ci il Dünya çempionatı[redaktə | mənbəni redaktə et]

1997- ci ildə Tronheymdə təşkil olunmuş dünya çempionatında Stefaniya Belmondo və Yelena Valbe arasında yarışın qalibi müəyyənləşdirmək üçün fotofinişdən istifadə edilir və qızıl medal 2 sm Stefaniya Belmondonu qabaqlamaqla finişə çatan Yelena Valbeyə qismət olur.[2]

2006-cı il Qış Olimpiyadası[redaktə | mənbəni redaktə et]

2006-cı il Qış Olimpiadasında Stefaniya Belmondo açılış mərasimində Olimpiyadanın məşəlini yandırıb.[3]

İstinadlar[redaktə | mənbəni redaktə et]

  1. "Stefania Belmondo". 2008-12-11 tarixində orijinalından arxivləşdirilib. İstifadə tarixi: 31 may, 2014.
  2. "Nordic Skiing World Championship 1997 Trondheim (NOR)". Yanvar 5, 2012. 2022-03-07 tarixində arxivləşdirilib. İstifadə tarixi: 31 may, 2014.
  3. "Top 10 Cauldron Lightings of the Olympic Game". İyul 27, 2012. 2022-01-23 tarixində arxivləşdirilib. İstifadə tarixi: 31 may, 2014.

Xarici keçidlər[redaktə | mənbəni redaktə et]