Müzakirə:Tanax

Hörmətli istifadəçi, Sizin "Tanah" məqalənizi bir az düzəltməyimə izin verməyinizi xahiş edirəm. Göstərdiyiniz mənbə təkcə Anar Əlizadənin məqaləsidir. Lakin bu məqalədə bəzi məlumatlar düzgün verilməyib. Təklif edirəm, daha çox mənbələrə istinadən məlumatı təqdim edək. Çünki məqaləni oxumağa başlayan kimi mətnin içindəki ziddiyyətlər gözə çarpır. Məsələn: müəllifin dediyinə görə "Tanahın neçə kitabdan ibarət olması barədə istər xristianların öz daxilində, istərsə də xristianlarla yəhudilər arasında fikirayrılığı var. Katolik və protestant məzhəbləri Əhdi-Ətiqin İskəndəriyyə variantına (Septuaginta) əsaslanaraq iddia edirlər ki, o, 39 əsərdən ibarətdir. Amma iudaizm ardıcılları Əhdi-Ətiqin bu variantını qəbul etmirlər. Onlara görə, Tanah 24 kitabdan ibarətdir ki, bu da protestantların Əhdi-Ətiq kitabına tamamilə uyğun gəlir".

Bir fikir verin, birinci Anar müəllim deyir ki, protestantlar iddia edirlər ki, Əhdi-Ətiq 39 əsərdən ibarətdir, sonra isə öz-özünə zidd olaraq yenə protestantların 24 əsərdən ibarət olduğuna inandıqlarını söyləyir!!! Həqiqətdə isə, həm yəhudilər, həm də xristianlar Əhdi-Ətiqin 39 kitabını qəbul edirlər. Sadəcə olaraq, yəhudilər bəzi əsərləri birləşdirirlər və buna görə də nəticədə 39 deyil, 24 əsər alınır. O ki qaldı katoliklərə, onlar yəhudilərin və pravoslavların "qeyri-kanonik" saydıqları 11 əsəri əlavə olaraq kanon kimi qəbul edirlər. Bütün bunlar haqqında məlumat verən etibarlı mənbələr - ensiklopediyalar və s. internetdə var. Hörmətli Anar müəllimə istinad etmək kifayət deyildir. Rica edirəm, ya bu məqaləni bir az düzəldin, ya da icazə verin, mən düzəldim. Hörmətlə, Abdulhannan — Bu imzasız yazı Abdulhannan (m • t) adlı istifadəçi tərəfindən əlavə edilib; 10:53, 11 yanvar 2012 (UTC)

Buyurun. Məmnuniyyətlə redaktə edə bilərsiniz. --►Safir yüzüklü Cekli^mesaj 06:58, 11 yanvar 2012 (UTC)