Taumatafakatanqihanqakoauauotamateaturipukakapikimaunqahoronukupokaifenuakitanatahu

Vikipediya, açıq ensiklopediya
Jump to navigation Jump to search
Taumata sign 2006.jpg

Taumatafakatanqihanqakoauauotamateaturipukakapikimaunqahoronukupokaifenuakitanatahu — (mao. Tau­ma­ta­wha­ka­tan­gi­han­ga­ko­au­au­ota­ma­tea­tu­ri­pu­ka­ka­pi­ki­ma­un­ga­ho­ro­nu­ku­po­ka­iwhe­nu­aki­ta­na­ta­hu) — Yeni Zelandiyada yerləşən 305 metr hündürlüyündə təpə. Bu təpə daha asan tələffüs etmək üçün yerli sakinlər tərəfindən çox vaxt qısaca Taumata (mao. Taumata) adlandırılır.

Bu sözün təxmini tərcüməsi belədir: "İri dizləri olan və sürüşərək, dırmanaraq dağları udan, torpaq yeyən kimi tanınan Tamateanın öz burun fleytasında sevgilisi üçün musiqi çaldığı təpənin zirvəsi". 85 hərfli bu toponim bütün dünyada bir sözdən ibarət olan ən uzun toponimdir.

Bu adın tələffüs olunmasının bir neçə versiyası mövcuddur. Məsələn, Ginnnesin Rekordlar kitabına toponimin 92 hərfdən ibarət olan adı daxil edilib.

Adın daha uzun versiyası yenidir və qısa versiyadan daha formaldır. Amma yerli əhali iddia edir ki, daha uzun versiya maorilər tərəfindən həmişə istifadə edilib. Dünyanın ən uzun adı olan yaşayış məntəqələrindən biri yerləşən Uelsin sakinləri iddia edirlər ki, bu toponim Böyük Britaniyadakı ən uzun adı (Llan­fair­pwll­gwyn­gyll­go­ge­rych­wyrn­dro­bwll­llan­ty­si­lio­go­go­goch) geridə qoymaq üçün qəsdən yaradılmışdır.

Xarici keçidlər[redaktə | əsas redaktə]

Həmçinin bax[redaktə | əsas redaktə]