Taymuraz Bolloyev
 |
| Taymuraz Bolloyev | |
|---|---|
| Taymuraz Kazbekoviç Bolloyev | |
 | |
| Şəxsi məlumatlar | |
| Doğum tarixi | 28 fevral 1953 (71 yaş) |
| Doğum yeri | Şimali Osetiya MSSR, Xaznidon kəndi |
| Fəaliyyəti | iş adamı |
Taymuraz Kazbekoviç Bolloyev (d. 28 fevral 1953) — “Baltika” Pivə İstehsalı Kombinatının prezidenti; Braziliya Federativ Respublikasının fəxri konsulu.
Haqqında[redaktə | mənbəni redaktə et]
Taymuraz Bolloyev 28 fevral 1953-cü ildə Şimali Osetiya MSSR-də Xaznidon kəndində anadan olmuşdur.
Moskva Yeyinti Sənayesi İnstitutunda pivə istehsalı və qıcqırma prosesləri ixtisasına yiyələnmişdir (1980).
Əmək fəaliyyətinə Stepan Razin adına Leninqrad Pivə İstehsalı Zavodunda başlamış, növbə ustası, mexanik, sex rəisi, baş pivə ustası vəzifələrində işləmişdir. 1984-1987-ci illər ərzində Leninqrad vilayəti Vsevolysk Sənaye Kombinatında direktor, 1987-1991-ci illərdə isə baş texnoloq olmuşdur. İsveç kreditinin köməyi ilə şəhər hakimiyyəti tərəfindən yaradılmış “Baltika” Pivə İstehsalı Kombinatında 1991-ci ildən direktor, 1992-2001-ci illərdə baş direktor olub. 2001-ci ildən “Baltika” Pivə İstehsalı Kombinatının prezidentidir. Kombinatda sürətli iqtisadi inkişaf V.Putinin himayəsi sayəsində mümkün olmuşdur. Onları bir-birinə bağlayan həm də güləşə maraq olub. Sankt-Peterburqda populyarlığına görə prezident V.Putindən sonra T.K.Balloyev 2-ci adam olmuşdur. “Baltika” öz sahəsi üzrə lider olmuş, bazarın 26,4%-ni tutmuşdur. 1 yanvar 2005-ci il tarixində vəzifəsini könüllü surətdə tərk etmiş və bu hərəkəti ilə pivə sənayesinin çox nümayəndələrini təəccübləndirmişdir. “Vətən qarşısında xidmətlərə görə” IV dərəcəli ordenlə, “Vətən qarşısında xidmətlərə görə” II dərəcəli ordeninin medalı ilə, “Şərəf” ordeni ilə, müqəddəs Sergey Radoneyk həzrətləri kilsə ordeni ilə, “Şərəf legionu” ordeni (Fransa) ilə təltif olunmuşdur. 2002-ci ildən Rusiyanın Şimal-qərb regionunda Braziliya Federativ Respublikasının fəxri konsulu olmuşdur.[1]
Mükfatları[redaktə | mənbəni redaktə et]
- «Vətən qarşısında xidmətlərinə görə» III dərəcəli orden (27 may, 2004) — qida sənayesinə böyük şəxsi təşəbbüsünə görə;[2]
- Orden "Vətən qarşısında xidmətə görə" IV dərəcəli orden (29 may, 2000);[3]
- Şərəf ordeni (1997);
- "Vətən qarşısında xidmətə görə" II dərəcəli ordeni (1995);
- "Sankt-Peterburqun 300 illiyi xatirəsinə" medal (2003);
- Fəxri legionun kavaler ordeni (2003, Fransa);[4]
- "Qida məhsullarının istehsalı" nominasiyasında müsabiqənin nəticələrinə görə 2000-ci ildə Rusiyanın ən yaxşı meneceri;
- "Ekspert" jurnalı tərəfindən federal səviyyədə 100 ən nüfuzlu rus sahibkarı seçilmişdir;
- Hər il "Profil" jurnalı tərəfindən 1990 və 2000-ci illərdə keçirilən "Biznes profili" nominasiyasında "İlin profili" müsabiqəsinin ikiqat laureatı;
- Qızıl Sofit mükafatı
- 2002-ci ildən Sankt-Peterburqda Braziliyanın fəxri konsulu və s.
Mənbə[redaktə | mənbəni redaktə et]
- Боллоев Таймураз Казбекович // Кто есть кто в Санкт-Петербурге: Биографический ежегодник. Вып. 13 / В. К. Васильев, О. С. Кузин, Ю. И. Светов, В. Б. Угрюмов. — СПб.: Издательский дом «Кто есть кто в СПб», 2008, С. 56 ISBN 978-5-9900701-5-8
İstinadlar[redaktə | mənbəni redaktə et]
- ↑ Zenkoviç, N. Putin Ensiklopediyası. Bakı, 2006, s. 91-92
- ↑ Указ Президента Российской Федерации от 27 мая 2004 года № 684 «О награждении орденом „За заслуги перед Отечеством“ III степени Боллоева Т. К.»
- ↑ Указ Президента Российской Федерации от 29 мая 2000 года № 977[ölü keçid]
- ↑ "Пивовар Таймураз Боллоев стал почётным легионером". 2011-10-21 tarixində arxivləşdirilib. İstifadə tarixi: 2021-10-15.