Tea Leoni

Vikipediya, azad ensiklopediya
Jump to navigation Jump to search
Tea Leoni
Téa Leoni
TéaLeoniJun07.jpg
Doğum adı Elizabeth Téa Pantaleoni
Doğum tarixi (55 yaş)
Doğum yeri ABŞ ABŞ
Vətəndaşlığı
Həyat yoldaşları
Fəaliyyəti aktrisa
Fəaliyyət illəri 1988-ci ildən
Mükafatları "Saturn" mükafatı
IMDb ID 0000096
Vikianbarın loqosu Vikianbarda əlaqəli mediafayllar

Tea Leoni (ing. Elizabeth Téa Pantaleoni) - ABŞ aktrisası və prodüseridir.

Həyatı[redaktə | mənbəni redaktə et]

Tea Leoni 8 fevral 1966-cı ildə ABŞ-ın Nyu-York şəhərində Emili Patterson və Entoni Pantaleoni ailəsində dünyaya gəlmişdir.[1][2] Uşaqlığını Nyu Cersi ştatının İnqlvud şəhərində və Nyu-York şəhərində keçirmişdir. Nyu-York şəhərinin Brirli (ing. Brearley School) və Vermont ştatının Patni (ing. The Putney School) məktəblərinin məzunu olub. 1984-cü ildə orta məktəbi bitirdikdən sonra Nyu-York ştatının "Sarah Lourens Kolleci"nə (ing. Sarah Lawrence College) daxil olmuşdur. Kollecdə antropologiya və psixologiya kateqoriyaları üzrə təhsil almağa başlayır. Tea Leoni burada təhsilini tam başa vura bilmədi.[3] Bu müddətdə səyahətini Yaponiya və İtaliyada keçirmişdir. 1989-cu ildən etibarən seriallara və filmlərə çəkilir. Həmin ildə dövrünə görə populyar olan "Santa Barbara" teleserialının 6 epizodunda iştirak etmişdir. 1990-cı illərdən başlayaraq seriallarla yanaşı bir çox filmlərdə iştirak etməyə başlayır.

Şəxsi həyatı[redaktə | mənbəni redaktə et]

Tea Leoni Nol Cozef Tardio-kiçik adlı televiziya prodüseri ilə 1991-1995-ci illər ərzində evli olmuşdur. Boşandıqdan bir müddət sonra aktyor Devid Duxovni ilə 1997-ci ildə evlənmiş və 2008-ci ildə boşanmışdır. 2009-cu ildə barışırlar, lakin 2014-cü ildə rəsmi olaraq boşanırlar.[4]

27 oktyabr 2006-cı ildə Tea Leoni "Life" jurnalına müsahibəsində bildirmişdir ki, ata tərəfdən nənəsi olan Helenka Pantaleoni 25 il ərzində "ABŞ-ın UNICEF üçün fondu" təşkilatının prezidenti olduğuna görə UNICEF təşkilatının xoşməramlı səfiri seçilmişdir.[5]

Filmoqrafiya[redaktə | mənbəni redaktə et]

İl Ad Rol Qeydlər
1989 Santa Barbara Liza DiNapoli 6 epizod
1991 Dəyişmək Konni
1992 Onların şəxsi liqası Reysin
1995 Pis oğlanlar Culi Mott
1995 Freyzer Şeyla
2000 Məxfi materiallar öz rolunu canlandırır
2001 Yura dövrünün parkı 3 Amanda Kirbi
2007 Öldür məni Lorel Pirson filmin icraçı prodüseri
2011 Qüllə qarəti Kler Denem
2014 Xanım katibəçi Elizabet Makkord

İstinadlar[redaktə | mənbəni redaktə et]

  1. "Tea Leoniprofile at". FilmReference.com.
  2. "Anthony Pantaleoni profile at". Fulbright.com. November 4, 2013 tarixində orijinalından arxivləşdirilib. İstifadə tarixi: August 14, 2014.
  3. Diamond, Jamie. "UP AND COMING: Tea Leoni;Playing Golf, Wearing Pearls, Taking Pratfalls". The New York Times. April 21, 1996. İstifadə tarixi: November 30, 2014.
  4. Leon, Anya. "David Duchovny and Téa Leoni Are Divorcing". People (magazine). August 9, 2014. İstifadə tarixi: August 10, 2014.
  5. Schillaci, Sophie. "Tea Leoni: 5 Things About the Newly Single Actress". The Hollywood Reporter. June 29, 2011. İstifadə tarixi: June 29, 2011.

Xarici keçidlər[redaktə | mənbəni redaktə et]