Tibo Kurtua

Vikipediya, azad ensiklopediya
Jump to navigation Jump to search
Tibo Kurtua
fr. Thibaut Nicolas Marc Courtois
Courtois 2018 (cropped).jpg
Ümumi məlumatlar
Tam adı Tibo Nikolya Mark Kurtua
Doğum tarixi 11 may 1992(1992-05-11) (28 yaş)
Doğum yeri Bree, Flandriya, Belçika Belçika
Vətəndaşlığı Belçika Belçika
Boyu 199 sm
Çəkisi 96 kq
Mövqeyi Qapıçı
Əsas ayağı sol
Klub haqqında məlumat
Klub İspaniya Real Madrid
Nömrəsi 1
Karyerası
Həvəskar karyerası
1997-1999 Belçika Bilzen
1999-2009 Belçika Genk
Peşəkar karyerası[* 1]
2009-2011 Belçika Genk 41 (0)
2011-2018 İngiltərə Çelsi 126 (0)
2011-2014  İspaniya Atletiko Madrid 111 (0)
2018-... İspaniya Real Madrid 61 (0)
Milli yığma[* 2]
2009-2010 Belçika Belçika U-18 4 (0)
2011-... Belçika Belçika 79 (0)

  1. Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.
  2. Rəsmi oyunlarda milli yığmanın heyətində keçirdiyi oyunların və vurduğu qolların sayı.
Commons-logo.svg Vikianbarda əlaqəli mediafayllar

Tibo Nikolya Mark Kurtua (11 may 1992(1992-05-11)[1], Bree[d], Flamand regionu[d]) — İspaniya və dünya futbol tarixinin ən titullu klublarından biri, La Liqa klublarından olan Real MadriddəBelçika millisində qapıçı mövqeyində çıxış edən Belçikalı peşəkar futbolçudur.

Kurtua Genk klubunun futbol akademiyasını bitirib və artıq 18 yaşında komandasının Belçika çempionluğunu qazanmasında əsas rol oynadı. 2011-ci ilin iyul ayında 8 milyon funt sterlinq qarşılığında Çelsiyə transfer olundu və elə həmin il oyun praktikası toplaması üçün dərhal Atletiko Madridə icarəyə verildi. Buradakı üç mövsümdə 2012-ci ildə UEFA Avropa Liqasını, 2013-cü ildə Copa del Reyi2014-cü ildə İspaniya çempionluğunu qazandı. Son iki mövsümdəki göstəricilərinə görə La Liqada ən yaxşı qapıçıya verilən Rikardo Zamora mükafatını qazandı.

Kurtua 2014-cü ilin iyulunda Çelsiyə qayıtdı və komandasına ilk mövsümündə Liqa KubokunuPremyer Liqa çempionluğunu qazanmalarında kömək etdi. İki il sonra Çelsinin yenidən liqanı qazanmasındakı uğurlarına görə Premyer Liqanın Qızıl Əlcəyi mükafatını qazandı.

2018-ci ildə İspaniya nəhəngi Real Madrid Kurtuanı 35 milyon funt-sterlinqə transfer etdi və Atletiko Madridin transfer etdiyi Yan Oblakın transfer məbləğini üstələyərək La Liqanın ən bahalı qapıçısı oldu. 2019-2020 sezonunda ikinci dəfə La Liqa çempionluğunu və üçüncü Zamora mükafatını qazandı.

Tibo Kurtua beynəlxalq səviyyəli debütünü 2011-ci ilin oktyabrında etdi və Belçika millisini təmsil edən ən gənc qapıçı oldu. O vaxtdan bəri millinin heyətində 70-dən çox oyunda - 2014 FİFA Dünya Kubokunda, UEFA Avro 2016da və son olaraq 2018 FİFA Dünya Kubokunda meydana çıxdı, sonuncu - Belçika millisinin 3-cü yeri tutduğu turnirdə turnirin ən yaxşı qapıçısı olaraq FİFA Dünya Kubokunun Qızıl Əlcək mükafatına layiq görüldü.

Klub karyerası[redaktə | əsas redaktə]

İlk illəri[redaktə | əsas redaktə]

Kurtua Belçikanın tarixi Flandriya bölgəsinin Bree şəhərində anadan olub, atası Belçikanın yerliləri sayılan, roman etnik qrupu olan valonlardan, anası isə flamand qadın idi. Futbolçu karyerasına yerli Bilzen klubunda sol cinah müdafiəçisi başlamışdır. Qısa müddət sonra - 1999-cu ildə yeddi yaşında Genkə qatıldı və yeni klubunda artıq qapıçı olaraq meydana çıxmağa başladı.

Genk[redaktə | əsas redaktə]

Kurtua Genk ilə 2010–11 mövsümündə

Kurtua əvvəlcə Kun Kastelsin əsas qapıçı olaraq qəbul edildiyi Genkin aşağı yaş qrupunda irəliləmişdi, ancaq 16 yaşında 341 günlüyündə aldığı zədədən sonra o, nəhayət 17 aprel 2009-da ilk oyununu Gentə qarşı keçirdi. Kastelsin Bundesliqa təmsilçisi Hoffenhaym 1899a transferindən imtina edildikdən sonra, digər qapıçı Laslo Kyoteleşin qeydiyyatında problem yaşandığı üçün Kurtua Kastelsdən əvvəl 2010-11 mövsümü üçün ilk seçim qapıçısı oldu.

O, Belçika Pro Liqasında 2010-11 mövsümündə Genkin çempionluq zəfəri zamanı komanda üçün əsas fiqur idi. Belçika Pro Liqasında ilin qapıçısı və Genkin heyətində ilin oyunçusu mükafatını aldı, 40 liqa matçı boyunca yalnız 32 qol buraxdı və Genkdə qol buraxmadan - 14 quru oyun keçirdi.

Çelsiyə keçid[redaktə | əsas redaktə]

2011-ci ilin iyul ayında Kurtua 5 illik bir müqavilə imzalayaraq 9 milyon avro qarşılığında İngiltərə Premyer Liqası klublarından Çelsiyə transfer oldu.

Atletiko Madriddə icarə[redaktə | əsas redaktə]

Çelsiyə qatıldıqdan bir neçə həftə sonra Kurtua Atletiko Madridə icarəyə göndərildi. Atletiko tərəfindən ona əvvəllər Mançester Yunaytedə keçən David de Xeanın geyindiyi 13 nömrəli forma verildi.


İstinadlar[redaktə | əsas redaktə]

  1. Transfermarkt — 2000.