Timoti Dalton

Vikipediya, açıq ensiklopediya
Keçid et: naviqasiya, axtar
Timoti Dalton
ing. Timothy Dalton
Timothy Dalton 1987.jpg
İlk adı: Timothy Peter Dalton
Doğum tarixi: 21 mart 1946 (1946-03-21) (70 yaş)
Doğum yeri: Flag of the United Kingdom.svg Böyük Britaniya
IMDb: ID 0001096

Timoti Dalton (ing. Timothy Dalton) - Böyük Britaniya aktyorudur. Daha çox Edvard Roçester və Ceyms Bond rolları ilə məşhurluq qazanmışdır.[1]

Həyatı[redaktə | əsas redaktə]

Timoti Dalton 21 mart 1946-cı ildə Vöyük Britaniyanın Uels qraflığının Şimali Uels bölgəsində yerləşən Denbişir unitar inzibati ərazisinin Koluin Bey şəhərində dünyaya gəlmişdir. Atası İkinci dünya müharibəsində yaradılan, Böyük Britaniyanın "Xüsusi əməliyyatların idarə edilməsi" kəşfiyyat-diversant bölməsində xidmət etmişdir.[2] Bu bölmə rəsmi olaraq 1946-cı ildə ləğv edilmişdir. Həmin ildə Timoti Daltonun atası, ailəsi ilə birgə Derbişir qraflığının Belper şəhərinə köçür. Timoti Dalton 16 yaşında məktəbi bitirmiş və teatrda çalışmışdır. 1966-cı ildən başlayaraq filmlərdə, ardınca televiziya seriallarında iştirak etməyə başlayır. 1983-cü ildə Şarlotta Brontenin yazdığı "Ceyn Eyr" əsəri əsasında Culian Emyes tərəfindən çəkilən "Ceyn Eyr" filmində iştirak etmişdir. Film "Edvard Roçester" rolunu canlandırmış və böyük müvəffəqiyyət əldə etmişdir. 1987-ci ildə "Yaşayan gün işığı" və 1989-cu ildə "Öldürməyə lisenziya" filmlərində "Ceyms Bond" rolunu canlandırmışdır. 1994-cü ildə "Skarlett" filmində "Rett Batler" rolunu canlandırmış və "Ceyms Bond" rolunu canlandırmış filmlərdə, olduğu kimi böyük gəlir əldə etmişdir.[3]

Timoti Dalton 1995-ci ildə Londonda keçirilən kinofestivalda model olan Oksana Petrova Qriqoryeva ilə tanış olur. Bu kinofestivalda Oksana Rusiyanın populyar kinorejissoru Nikita Mixalkovun tərcüməçisi idi. Bir müddət sonra onlar ailə həyatı qururlar. 7 avqust 1997-ci il tarixində onların Aleksandr adında övladı dünyaya gəlir. Lakin onların evliliyi uzun müddətli olmur və bir müddət sonra boşanırlar.[4]

Filmoqrafiya[redaktə | əsas redaktə]

İl Film Rol Qeydlər
1968 Şir qışda Filip II Avqust
1970 Kromvel Şahzadə Rupert
1971 Mariya - Şotlandiya kraliçası Henri Darnli
1978-1979 Yüzillik Oliver Sekkomb mini-serial
1979 Aqata Polkovnik Arçibald Kristi mini-serial
1980 Parıltı Qordon Şahzadə Parin
1983 Ceyn Eyr Edvard Roçester mini-serial
1987 Yaşadan gün işığı Ceyms Bond
1989 Öldürməyə icazə Ceyms Bond
1994 Skarlett Rett Batler
1997 Kosmetoloq və bədheybət Boris Poçenko
1997 Xəbərverən DCI Rennie
2009-2010 Doktor Kim Zamanı idarə edən Rassilon
2010 Turist Baş Müfəttiş Conson
2010 Oyuncaqların hekayəsi 3 Cənab Tikan

İstinadlar[redaktə | əsas redaktə]

  1. Тимоти Далтон / Timothy Dalton
  2. Timothy Dalton Film Reference bio
  3. Rubin, Steven Jay (1995). The Complete James Bond Movie
  4. Hardy, Rebecca (24 February 2007). "Daniel Craig doesn't know what he's in for". Daily Mail (London). p. 16.

Xarici keçidlər[redaktə | əsas redaktə]