Tom Henks

Vikipediya, azad ensiklopediya
Naviqasiyaya keçin Axtarışa keçin
Tom Henks
ing. Tom Hanks
Doğum adı Thomas Jeffrey Hanks
Doğum tarixi 9 iyul 1956(1956-07-09)[1][2][…] (67 yaş)
Doğum yeri
Vətəndaşlığı
Fəaliyyəti kino aktyoru, kinorejissor, film prodüseri, yazıçı, səsləndirmə aktyoru[d], ssenarist, bəstəkar, xarakter aktyoru[d], televiziya aktyoru, telerejissor, televiziya prodüseri[d], aktyor, televiziya aparıcısı, icraçı prodüser, şərhçi[d], teatr aktyoru, komediyaçı, hekayə yazıçısı[d], rejissor
Fəaliyyət illəri 1977-ci ildən
Boyu 1,8 m
Üzvlüyü
Mükafatları "Fəxri legion" ordeni kavaleri Prezidentin "Azadlıq" medalı
Ən yaxşı kişi roluna görə "Oskar" mükafatı Ən yaxşı kişi roluna görə "Oskar" mükafatı
Kennedi Mərkəzinin fəxri mükafatı
"Qızıl qlobus" mükafatı "Oskar" mükafatı
IMDb ID0000158
Vikianbarın loqosu Vikianbarda əlaqəli mediafayllar

Tomas Cefri "Tom" Henks (ing. Thomas Jeffrey Hanks, 9 iyul 1956[1][2][…], Konkord, Kontra-Kosta, Kaliforniya) — amerikalı aktyor.

Həyatı[redaktə | mənbəni redaktə et]

Amerika aktyoru və prodüseri Tomas Ceffri Henks 9 iyul, 1956-cı ildə Kaliforniya ştatının Konkord şəhərində anadan olub. Atası yerli restoranda baş aşpaz, anası isə həmin restoranda ofisiant işləyib. Tommi ailənin üçüncü uşağı idi. O, doğulandan 5 il sonra valideynləri boşanır və Amerika qanunvericiliyinə əsasən, 3 böyük uşaq (Tom, Larri və Sandra) atanın himayəsinə verilir. Tom azyaşlı olduğundan anası ilə qalır. Artıq gənc yaşlarında Tom Henks aktyorluq məharəti və güclü yumor hissi ilə ətrafdakıları ələ almağı bacarır. Kaliforniya Universitetinə qəbul olunması onun üçün məntiqli addım olur. Lakin Klivlenddə çıxış edən kiçik teatr truppasından dəvət alan kimi Tom təhsilini yarımçıq qoyur.

Çəkildiyi filmlər[redaktə | mənbəni redaktə et]

O, kinoya ailəvi baxış üçün nəzərdə tutulan "Böyük" (1988) komediya filmi ilə başlamasına baxmayaraq, qırx yaşlarında ciddi dramatik rolların bacarıqlı ifaçısı kimi rəğbət qazanır və "Filadelfiya" (1993), "Forest Qamp" (1994) filmlərində oynadığı baş rollara görə ardıcıl olaraq iki dəfə "Oskar" mükafatı alır. "Oskar" gətirən rolları ilə yanaşı, Henks, həmçinin rejissor Stiven Spilberqlə müştərək işləri ilə də məşhurlaşır. 2006-cı ilin nəticələrinə görə Henksin iştirakı ilə çəkilmiş filmlər başqa aktyorların iştirakı ilə çəkilən filmlərə nisbətən daha çox gəlir (6 milyard) gətirir. onun filmlərindən ən çox gəlir gətirəni "Da Vinçi Şifrəsi" (2006) filmi idi. Tom 1980-ci illərdə onlarca filmə çəkilsə də, ən uğurlu rolları 1990-cı illərə təsadüf edir. İki "Oskar" alan Henks milli qəhrəmana çevrilir. Onun iştirakı ilə çəkilən "Apollon 13" filminin ekranlara çıxmasını hamı səbirsizliklə gözləyir. 1996-cı ildə Tom Henks ilk hitdən sonra dağılmış gənc ansambl haqqında çəkdiyi sənədli filmlə kinoda rejissor debütü edir. "Sənin etdiklərin" böyük uğur gətirməsə də, tənqidçilər tərəfindən rəğbətlə qarşılanır. Tom Henks iki dəfə evli olub. Onun aktrisa Samanta Lyuisdən bir oğlu və bir qızı, aktrisa Rita Uilsondan isə iki oğlu var. Tom Henks əqidəcə pravoslav xristianıdır.

İstinadlar[redaktə | mənbəni redaktə et]

  1. 1,0 1,1 Tom Hanks // Internet Broadway Database (ing.). 2000.
  2. 2,0 2,1 Tom Hanks // Encyclopædia Britannica (ing.).