Tomas Pollok Anşuts

Vikipediya, azad ensiklopediya
Jump to navigation Jump to search
Tomas Pollok Anşuts
Thomas Pollock Anshutz
Anschutz Thomas P Self Portrait.jpg
1900-cü ildə çəkilmiş avtoportreti
Doğum tarixi 5 oktyabr 1851(1851-10-05)
Doğum yeri Nyuport, Kentukki, ABŞ
Vəfat tarixi 16 iyun 1912 (60 yaşında)
Vəfat yeri Filadelfiya, Pensilvaniya, ABŞ
Vətəndaşlığı ABŞ ABŞ
Fəaliyyəti rəssam, model[d], müəllim
Təhsili
  • Culiana Akademiyası[d]
Janrı Marina, peyzaj
Stili realizm
Tanınmış işləri "Dəmirçilərin günortası"
Tələbəsi Çarlz DemutEverett Şinn
Təsirlənib Tomas İkins
Təsir edib Robert Henri[1]
Çarlz Demut[2]
Commons-logo.svg Vikianbarda əlaqəli mediafayllar

Tomas Pollok Anşuts (ing. Thomas Pollock Anshutz) — XIX əsr ABŞ rəssamı və incəsənət müəllimi. Rəsm sənətində müəllimi Tomas İkins kimi XIX əsr ABŞ realizminin tanınmış nüməyəndələrindəndir.[3] Rəsmlərinin böyük hissəsinin mövzusunu qadınlar əhatə edir. Amma ən tanınmış əsəri əsl realizm əsəri sayılan və 1880-ci ildə çəkilən "Dəmirçilərin günortası" rəsm əsəridir.[4] Bu əsərdə dəmirçilərin gündəlik yaşayışını təsvir etmişdir.[5] Bir digər tanınmış əsəri "Yaşadıqları yol" tablosudur. Bu tabloda Afrika əslli qadın və iki uşağının çətin həyatını çəkmişdir.[6] Rəssamlıqdan əlavə müəllimliklə də məşğul olduğundan yağlı boya tablolarının sayı azdır. Anşutsun stili şagirdlərində dərin iz buraxmışdır.[7]

Həyatı[redaktə | əsas redaktə]

Anşutsun "Dəmirçilərin günortası" adlı rəsm əsəri

Anşuts 1851-ci ildə ABŞ-ın Kentukki ştatının Nyuport şəhərində anadan olmuşdur. Lemuel Uilmart tərəfindən Nyu Yorkda rəssamlıq dərsi almazdan qabaq bir müddət Qərbi Virciniyada yaşamışdır. 1875-ci ildə Filadelfiyaya köçmüş və Filadelfiya rəsm klubunda Tomas İkinsdən dərs almağa başlamışdır. Bu hadisədən bir il sonra Pensilvaniya İncəsənət Akademiyasına qatılmışdır. İkins akademiyada dərs verməyə başlayarkən Anşuts onun köməkçisi olmuş, 1878-ci ildə İkins rəsm professoru olarkən isə dərs verməyə başlamışdır. 1880-ci ildə "Dəmirçilərin günortası"[8] əsərini bitirmişdir. İkinsin dərslərdə çıplaq modellərdən və cəsədlərdən istifadə etməsi mübahisəyə səbəb olmuş, bu təzyiqlərə dözməyən İkins isə 1886-cı ildə akademiyadan ayrılmışdır.[9] Bu dövrdə Anşuts onun istefa verməsini dəstəkləmiş və boş qalan professor qoltuğuna 1886-cı ildə özü oturmuşdur.[10] 1911-ci ildə təqaüdə çıxana qədər Pensilvaniya İncəsənət Akademiyasında dərs vermişdir. 1892-ci ildə Effi Şriver Ruzzellə evləndikdən sonra 1 illiyinə icazə alıb Parisə gedərək Julian Akademiyasında oxumuşdur. 1898-ci ildə Darbi rəsm məktəbini qurmuşdur. 1909-cu ildə Pensilvaniya İncəsənət Akademiyasının dekanı olmuşdur. 1910-cu ildə Pensilvaniya rəsm klubunun seçilmiş prezidentinə çevrilmişdir. Səhhətindəki problemlər üzündən Anşuts ömrünün qalan illərini ailəsi ilə birlikdə Avropa səyahətlərində keçirmişdir. Müəllimliyi dövründə yeni fikirlərə açıq biri olmuşdur.[11]

Tanınmış şagirdləri[redaktə | əsas redaktə]

Müəllimliyi dövründə bir çox şagirdinə böyük təsir göstərmişdir. Onun tanınmış şagirdləri arasında Robert Henri, Corc Luks, Uilyam Qlakens, Con Sloan, Everet Şin, Çarlz Demut, Con Marin, Artur Çarlz, Paul-Cin Martel, Çarlz Şiler, Albert Lizli vardır. Bu şagirdlərin ilk 5-i daha sonra Aşkan məktəbini qurmuşdurlar.[12]

İşləri[redaktə | əsas redaktə]

İstinadlar[redaktə | əsas redaktə]

Vikianbarda Tomas Pollok Anşuts ilə əlaqəli mediafayllar var.