Troya (film, 2004)

Vikipediya, açıq ensiklopediya
Keçid et: naviqasiya, axtar

Troya - 2004-cü ildə baş rolu Bred Pitin oynadığı Hollivud filmidir. Filmin rejissoru Volfqanq Petersendir. Filmin çəkilişinə 175 milyon ABŞ dolları sərf olunub. Lakin 497 milyon 409 min 852 ABŞ dolları xeyir gətirib.

Məzmun[redaktə | əsas redaktə]

Köhnə Yunanıstanda, Troya Şahzadəsi Paris və Sparta Kraliçası Helen arasındakı eşq nəticəsində iki ölkə arasında döyüş çıxmışdır. Helenanın əri Kral Menelaus çox əsəbiləşmişdir. İntiqam almaq istəyən Menelaus, qardaşı Mikene Kralı Agamemnonun da köməyi ilə Troyaya hücüm edir. Agamemnonun əsl məqsədi Egey dənizini ələ keçirməkdir. Lakin Troyanı ələ keçirmək asan deyil. Tarix boyunca heç bir ordu Troya divarlarını aşa bilməmişdir. Troya kralı Priam və Şahzadə Hektor şəhərin qorumaq üçün hər şeyi edərlər. Troya döyüşünün açarı isə əfsanəvi döyüşçü Axillesdir. Axilles isə yalnız öz qüruru üçün döyüşməkdədir. Döyüşə qatılmasındakı tək səbəb adını tarixə yazdırmaqdır.

Döyüş başlanır. Elə ilk döyüşdən Hektorun bacısı  Briseida əsir düşür. Axilles onu özü ilə çadırına aparır və ona aşiq olur. Bir neçə döyüşdən sonra Axillesin Agamemnon ilə arası dəyir və Axilles döyüşə çıxmaqdan imtina edir. Lakin onun qardaşı Axilles çadırında yatarkən onun paltarlarını geyinib döyüşə çıxır və bu döyüşdə Hektor tərəfindən öldürülür. Bundan acıqlanan Axilles  Briseidanı evinə buraxır. Hektoru təkbətək döyüşə çağırır və onu öldürür. Troya yas içində olduğu vaxt yunanlar Troya divarlarını aşmaq üçün planlar hazırlayırlar. Nəhayət, onlar taxtadan böyük bir at heykəli düzəldib üzərinə məktub yapışdırırlar. Məktubda yunanların sülh qəbul etdikləri və bu heykəli sülh nişanəsi kimi troyalılara hədiyyə etdiklərini yazırlar. Troyalılar bu heykəli Troya divarlarından keçirib içəri gətirirlər. Gecə vaxtı məlum olur ki, Yunan ordusu, o cümlədən Axilles həmin atın içərisindədirlər. Gecə onlar çıxıb Troyanı alov atəşinə tuturlar. Axillesi isə yalnız  Briseidanı tapıb onu özü ilə aparmaq maraqlandırır. Axır ki, Axilles qızı tapır, onu döyüşçülərin əlindən qurtarır. Qaçmaq istəyərkən Paris onu ox ilə Axillesi dabanından vurur. Troya əhalisi arxa yolla qaçaraq canlarını qurtarır.

Anası Axillesə demişdir: Əgər sən döyüşə getməsən, ailən olacaq, nəvələrin, nəticələrin səni tanıyacaq. Əgər getsən öləcəksən. Lakin neçə əsrlər keçsədə səni heç kim unutmayacaq.

Axilles bununla adını tarixə yazdırdı.

"Axillesədən soruşurlar: Nə vaxta qədər insanlar bir-birinin qanına susuyacaqlar, nə vaxta qədər dava edəcəklər?

Cavabında: Bu həmişə olacaq."

Rollar[redaktə | əsas redaktə]

Aktyor Rolu
Brad Pitt Axilles
Eric Bana Hektor
Orlando Bloom Paris
Diane Kruger Helen
Peter O'Toole King Priam,
Sean Bean Odysseus
Brian Cox Agamemnon
Brendan Gleeson Menelaus
Ken Bones Hippasus
Saffron Burrows Andromache
Rose Byrne Briseis
Julie Christie Thetis
James Cosmo Glaucus
Frankie Fitzgerald Aeneas
Julian Glover Triopas
Garrett Hedlund Patroclus
Tyler Mane Ajax
Vincent Regan Eudorus
John Shrapnel Nestor
Nigel Terry Telephus
Adoni Maropis Philoctetes
Nathan Jones Boagrius
Shero Rauf Trojan Archer (stunt actor)
Ben Crompton Body double