Tufanlı Yoxuşlar

Vikipediya, açıq ensiklopediya
Jump to navigation Jump to search
Houghton Lowell 1238.5 (A) - Wuthering Heights, 1847.jpg

"Tufanlı Yoxuşlar" 19.cu əsrin ingilis şairə və yazıçılarından biri olan Emili Bronte 'nin ölümündən bir il öncə 1847.ci ildə yayımlanmış tək romanıdır.

(İngiliscə adı Wuthering Heigts)

Romanın Mövzusu :

___Romanda iki əsas qəhrəman olan Cənab Heathcliff və Xanım Catherine'nin qarmaşıq və dramatik həyat hekayələri ələ alınır. Hadisələr, başlanğıç anlarından etibarən bütün gedişata şahid olmuş Dean adlı bir xidmətcinin dilindən Cənab Heathcliff'in mülkü Thrushcross Grange yə kirayənişin olaraq gəlmiş Lockwood adlı bir gəncə nağıl edilir. Məlum olur ki, Cənab Heathcliff illər öncə Catherine'nin atası Earnshaw tərəfindən kimsəsiz bir uşaq olaraq tapılaraq evə gətirilir. Bu andan etibarən Heathcliff və Catherine'nin dostluğu başlayır. Bir neçə il sonra bu dostluq məhəbbətə çevrilsə də Catherine Edgar adlı başqa bir gənclə ailə qurur. Onlar bir neçə müddət ayrı qalsalar da Heathcliff Catherine'ni təzədən tapır. Ardınca Catherine öz adını daşıyacaq bir qız övladı dünyaya gətirərkən ölür. Hadisələrin cərəyanı nəticəsində Heathcliff bu qızı öz oğlu ilə evləndirsə də sevdiyi qadının əcəlinə səbəb olduğu üçün son günədək ona düşmən münasibəti bəsləyir. Catherine'nin ölümü ilə qətiyyən barışa bilməyən Heathcliff onun ruhuna səslənərək belə deyir : "Yerüzündə gəzən xəyalətlər olduğunu bilirəm, sən də, yaşadığım müddətcə istədiyin cildə gir, daxil ol həyatıma və dəli et məni." O gündən etibarən Heathcliff qəribə və əsrarəngiz hadisələr yaşamağa başlayır. Belə ki, varlığı ilə Heathcliff'ə həyat vermiş qadın, yoxluğu ilə onu dəli etməyi bacarır. Ruhu hər an onu izləyir və daim onun gözlərinə görünür. Ta ki, Heathcliff yağmurlu bir gecədə pəncərədən Catherine'nin xəyali varlığına əl uzadıb son nəfəsini verdiyi anadək.

___Şiddətli küləkləri səbəbi ilə "Tufanlı Yoxuşlar" olaraq adlandırılan bu sirli diyarın sakinlərinin həyatları ilk baxışda bizə qarışıq gəlsə də, oxuduqca hadisələr aydınlıq qazanır və biz qarşımızda maraqlı bir aləmin açıldığının şahidi oluruq. Əsər, daşıdığı xarakteristik xüsusiyyətlərə görə Bronte qələminin bir məhsulu olduğunu hər an hissetdirir.