Tural Əsədov
| Tural Əsədov | |
|---|---|
 | |
| Peşələri |
Aktyor Teleaparıcı Prodüser |
| Təhsili | |
Tural Əsədov — Azərbaycanlı teleaparıcı, şoumen, aktyor, rejissor və prodüser.
Mündəricat
Həyatı[redaktə | əsas redaktə]
Tural Əsədov ixtisasca regionşünasdır – ABŞ üzrə mütəxəssisdir. Uşaq ikən arzusu təyyarəçi və ya cərrah olmaq imiş[1]. 2003-cü ildə Bakıdakı Qərb Universitetinin regionşünaslıq fakültəsini bitirib[2][3]. Bir müddət Şən və Hazırcavablar Klubunda oynayıb.
Tural Əsədov Gülgün Qurbanova ilə ailə həyatı qurub; bir qızı, bir oğlu var[4][5]. Gülgün Qurbanova ANS TV və Lider TV-də aparıcılıq edib.
Fəaliyyəti[redaktə | əsas redaktə]
Tural Əsədov televiziyada 2001-ci ildən Space telekanalında işə başlayıb. Space TV-də yayımlanmış "Bazar" maqazin verilişində aparıcılıq etmişdir[6]. Çox sayda reklam çarxlarının və təqdimat filmlərinin prodüserliyi ilə məşğul olub. Rejissor olaraq Azərbaycan estradasının Sevda Ələkbərzadə, Miri Yusif və Röya kimi ulduzlarının kliplərini ərsəyə gətirib. O, Röyanın Kremldə verdiyi konsertin aparıcısı olub[7].
Tural Əsədov Maşın realiti şounun 2010-cu ilin mayında yayımlanan "Maşın 10: Transformer" bölümündə iştirakçı olub və 17 mayda SMS mübarizəsində məğlub olaraq oyunu tərk etməli olmuşdu[8].
2011-ci ildə 8 Mart Beynəlxalq Qadınlar Günü ərəfəsində ideyası Feliks Fişnevetskiyə məxsus olan, Mir Azad Əliyev və “NewLOOK” studiyası tərəfindən reallaşdırılan “Ana səni sevirəm” layihəsində iştirak edib[9].
2013-cü ildə PicMus Production-da istehsal olunmuş, bütün hüquqları PicMus MMC-yə məxsus olan «Ulduza Toxun» layihəsində iştirak etmişdir[10].
2013-cü il dekabrın 18-də Bakı Kristal Zalında İtaliya estradasının ötən əsrin 80-ci illərinin əfsanəvi ifaçıları "San-Remo festivalının ulduzları Bakıda" adlı maraqlı konsert proqramı ilə çıxış ediblər və Tural Əsədov İtaliyanın dünya şöhrətli aktrisası Ornella Muti ilə birlikdə Azərbaycanın birinci xanımı, Heydər Əliyev Fondunun prezidenti Mehriban Əliyevanın da olduğu konsertə aparıcılıq edib[11][12].
2014-cü ildə məşhur aparıcı Hüsniyə Məhərrəmova ilə birlikdə Azərbaycanın İctimai Televiziyasında (İTV) yayımlanmış Böyük Səhnə vokal layihəsinin aparıcısı olmuşdur[13][14].
2015-ci il istehsalı, rejissoru türkiyəli Osman Albayraq olan Yarımdünya filmində baş rol ifaçılarından biri kimi Tural Əsədov həm də layihənin baş prodüseridir[15][16][17].
12 iyul 2015-ci ildə "Bakı-2015" Avropa Oyunlarının könüllülərinə və Azərbaycan yığmasının idmançılarına həsr olunmuş "Tarix yazdıq! Tarixə yazıldıq!" şüarı altında keçirilmiş paradın ardınca baş tutan xüsusi konsert proqramının aparıcılarından biri olub[18].
22 oktyabr 2015-ci ildə Fairmont otelində Samsung Azərbaycanın təşkilatçılığı əsasında baş tutan, Galaxy Note 5 smartfonu və Galaxy Gear S2 ağıllı saatının təqdimatının keçirildiyi tədbirdə aparıcılıq edib[19][20].
2015-ci ilin sonlarında Tural Əsədov, çəkilişləri Azərbaycanda və ABŞ-ın Nyu-York şəhərində baş tutan romantik-komediya janrlı "Həddən artıq uyğunluq" bədii filminə çəkilib[21].
2015-ci ildə "Səs Azərbaycan" mahnı müsabiqəsinin aparıcısı olub.[22].
Filmoqrafiya[redaktə | əsas redaktə]
Aktyor kimi
- Kişiləri qoruyun (film, 2006)[23] (tammetrajlı bədii film)(rol: Zaur)
- İstanbul tətili (film, 2007)(tammetrajlı bədii film)(rol: müxbir)
- Oğurlanmış arzular (film, 2015)[24](bədii serial)(rol: Elnur)
- Dmitrov küçəsi 86 (film, 2015) (qısametrajlı bədii film)(rol: Şəfiqənin kürəkəni)
- Yarımdünya (film, 2015)(tammetrajlı bədii film)
- Həddən artıq uyğunluq (film, 2016)(tammetrajlı bədii film)(rol: Mayk Kovalski)
Prodüser kimi
- Yarımdünya (film, 2015)(tammetrajlı bədii film)
İstinadlar[redaktə | əsas redaktə]
- ↑ Tural Əsədov: Xoşbəxtlik – asan və sadədir, bunun üçün yeni heç nə kəşf etmək lazım deyil İstifadə tarixi: 05.12.2013
- ↑ Aparıcılar - Böyük Səhnə
- ↑ İctimai TV (17.09.2019). "Qonağımız var. Tural Əsədov 7" (azərb.). Youtube.com. İstifadə tarixi: 2019-09-17.
- ↑ Tural Əsədov həyat yoldaşı ilə - FOTO İstifadə tarixi: 09.10.2015
- ↑ 2015-ci-ildə valideyn olan məşhurlarımız - Fotolar İstifadə tarixi: 17.12.2015
- ↑ "Bazar" verilişinin eks-komandası toyda birləşdi (FOTO) İstifadə tarixi: 24.06.2011
- ↑ Röya ilə Tural Əsədovu nə bağlayır? İstifadə tarixi: 16.04.2014
- ↑ Maşın realiti şou - 17 may İstifadə tarixi: 18.05.2010
- ↑ Şou-biznes nümayəndələri anaları və övladları ilə birlikdə - FOTOLAR İstifadə tarixi: 09.03.2011
- ↑ ULDUZA TOXUN #19 — TURAL ƏSƏDOV
- ↑ Mehriban Əliyeva “San-Remo festivalının ulduzları Bakıda” adlı konsertdə İstifadə tarixi: 19.12.2013
- ↑ Heydər Əliyev Fondunun dəstəyi ilə keçirilən “San-Remo festivalının ulduzları Bakıda” konserti
- ↑ BÖYÜK SƏHNƏ VOKAL LAYİHƏSİNİN APARICILARI İstifadə tarixi: 28.01.2014
- ↑ Hüsniyə Məhərrəmova və Tural Əsədov İctimai Televiziyada Böyük Səhnə layihəsinin aparıcıları olacaqlar İstifadə tarixi: 04.02.2014
- ↑ “Yarımdünya”ya qala gecə - Foto İstifadə tarixi: 07.04.2015
- ↑ Miri Yusifin çəkildiyi "Yarımdünya" filmi jurnalistlərə təqdim olundu - Fotolar - Video İstifadə tarixi: 06.04.2015
- ↑ Bakıda “Yarımdünya” filminin qala-gecəsi keçirildi - Sevgi hekayəsi İstifadə tarixi: 07.04.2015
- ↑ "Bakı 2015" paradından ən yadda qalan FOTOLAR İstifadə tarixi: 13.07.2015
- ↑ Samsung Galaxy Note 5 Azərbaycanda təqdim olunub-Fotolar İstifadə tarixi: 23.10.2015
- ↑ Samsung Galaxy Note 5 Azərbaycanda təqdim olundu. İstifadə tarixi: 23.10.2015
- ↑ “Həddən artıq uyğunluq” filminin çəkilişləri davam edir İstifadə tarixi: 12.01.2016
- ↑ Leyla niyə “Səs Azərbaycan”ın aparıcısı olmadı? İstifadə tarixi: 05.12.2015
- ↑ Kişiləri qoruyun (2006) İstifadə tarixi: 22.06.2015
- ↑ Oğurlanmış arzular - 6-cı seriya İstifadə tarixi: 18.12.2013
