UEFA Avro 2024 finalı
 | Bu səhifədə iş davam etməkdədir. |
| UEFA Avro 2024 finalı |
|---|
UEFA Avro 2024 finalı — UEFA Avro 2024-ün qaliblərini müəyyən etmiş futbol matçı. Bu matç Avropa çempionlarının müəyyən edilməsi üçün UEFA-ya üzv assosiasiyaların kişilərdən ibarət milli komandalarının mübarizə apardığı və dörd ildən bir keçirilən UEFA Avropa Çempionatının 17-ci finalı olmuşdur. Matç 14 iyul 2024-cü il tarixində Almaniyanın Berlin şəhərindəki Olimpiya stadionunda keçirilib və matçda İspaniya və İngiltərə qarşılaşıb. Bu matç İspaniyanın UEFA Avropa çempionatında iştirak etdiyi 5-ci, İngiltərənin isə 2-ci final oyunu idi. Matç həm də İngiltərənin kişilər arasında keçirilən böyük bir turnirin öz ölkəsindən kənarda keçirilən finalında ilk iştirakı olmuşdur.[1][2]
65 600 tamaşaçının önündə oynanılan final matçı yavaş başladı və ilk hissə qolsuz yekunlaşdı. İspaniya oyunçusu Rodriqo fasilədən əvvəl zədələndi və nəticədə fasilədə o, Martin Zubimendini ilə əvəz edildi. İspaniya ikinci hissəyə güclü başladı, Lamin Yamalın asisti ilə Niko Uilyamsın vurduğu qol hesabı 1-0 etdi. Lamin Yamal bu zərbə ilə həm də Avropa çempionatı finalında asist edən ən gənc oyunçu olub. Bundan sonra İngiltərə oyunçusu Koul Palmer əvəzedilmə nəticəsində matça daxil olduqdan 3 dəqiqə sonra cərimə meydançasının kənarından qol vuraraq hesabı 1-1 etdi. Ardınca İspaniyanın göstərdiyi yeni səylər öz nəticəsini göstərdi, İspaniya oyunçusu Mikel Oyarsabalın vaxtın bitməsinə 4 dəqiqə qalmış vurduğu qol hesabı 2-1-ə çatdırdı və İspaniya bu hesabı qoruyaraq 4-cü dəfə Avropa çempionu oldu. Niko Uilyams "Matçın oyunçusu" seçildi, Rodriqo isə "Turnirin ən yaxşı oyunçusu" mükafatını aldı. Lamin Yamal "Ən yaxşı gənc oyunçu" mükafatını aldı və bu üsabiqədə qalib gəlmiş ən gənc oyunçu oldu.
İspaniya 2-1 hesabı ilə 1964, 2008 və 2012-ci illərdən sonra yenidən, 4-cü dəfə Avropa çempionu olmuş, bununla da iştirak etdiyi beş Avropa Çempionatı turnirində üç dəfə qalib gəlmiş Almaniyanın rekordunu qırmış və 4 dəfə Avropa çempionluğun qazanmış ilk milli komanda olmuşdur. İspaniya millisi bu turnirdə oynadığı yeddi oyunun hamısında qalib gəlmiş və Fransanın UEFA Avro 1984-də oynadığı beş oyunun hamısında qalib gəlməsindən sonra bunu edən ilk komanda olmuşdur. İspaniya həmçinin bir turnirdə 15 qol vurmaqla yeni rekorda imza atıb. İngiltərə SSRİ (1960 və 1964-cü illərdə), Qərbi Almaniya (1972, 1976 və 1980-ci illərdə), Almaniya (1992 və 1996-cı illərdə) və İspaniyadan (2008 və 2012-ci illərdə) sonra ardıcıl olaraq Avropa çempionatı finalına çıxa bilən dördüncü komanda və finalda ardıcıl olaraq uduzan ilk komanda olub.[3]
Məkan
[redaktə | mənbəni redaktə et]Final oyunu Almaniyanın Berlin şəhərində, Şarlottenburq-Vilmersdorf əyalətinin Vestend rayonunda yerləşən Berlin Olimpiya Stadionunda keçirilib. UEFA 27 sentyabr 2018-ci ildə İsveçrənin Nyon şəhərində keçirilən seçmə səsverməsində Almaniya Türkiyəni məğlub etdikdən sonra 2024-cü il turnirinin Almaniyada keçiriləcəyini elan etmişdi.[4][5] 2022-ci ilin may ayında UEFA İcraiyyə Komitəsi tərəfindən turnirin yekun məkanı olaraq Berlin Olimpiya stadionu seçilmiş və burada həm də turnirin üç qrup mərhələsinin, 1/8 finalının və 1/4 final matçının keçiriləcəyi elan edilmişdir.[6][7]
Berlin Olimpiya Stadionu 1936-cı ildə, 1936-cı il Yay Olimpiya Oyunları üçün xüsusi olaraq xidmət etmiş Berlin Olimpiya Parkı daxilində açılmışdır.[8] Stadion Berlin əyalətinə məxsusdur və 1963-cü ildən Herta BSC ev oyunlarını bu stadionda oynayır. Bu stadionda bəzən Almaniya millisi də ev oyunlarını keçirib. Bu olimpiya stadionu həm də 1974 və 2006-cı il Dünya Kuboklarının bir neçə matçına, o cümlədən İtaliya və Fransanın qarşılaşdığı FİFA 2006 Dünya Kuboku final matçıa ev sahibliyi etmişdir. Stadion 1985-ci ildən bəri Futbol üzrə Almaniya Kubokunun final matçının keçirildiyi yerdir. Berlin Olimpiya Stadionu həmçinin 2011 FIFA Qadınlararası Dünya Kubokunun açılış matçının keçirildiyi yer[9] və 2014-2015 UEFA Çempionlar Liqasının final matçının keçirildiyi yer kimi xidmət etmişdir.[10]
İstinadlar
[redaktə | mənbəni redaktə et]- ↑ "Euro 2024 final: England must be 'tactically perfect' to beat Spain – Gareth Southgate". BBC Sport. 11 July 2024. İstifadə tarixi: 12 July 2024.
- ↑ "UEFA Euro 2024 match schedule" (PDF). UEFA.com. Union of European Football Associations. İstifadə tarixi: 3 December 2023.
- ↑ "Spain 2–1 England: Late Oyarzabal winner earns La Roja record fourth EURO crown". UEFA.com. Union of European Football Associations. 14 July 2024. İstifadə tarixi: 14 July 2024.
- ↑ "Germany to host UEFA EURO 2024". UEFA.com. UEFA. 27 September 2018.
- ↑ "Euro 2024: Germany beats Turkey to host tournament". BBC Sport. 27 September 2018. İstifadə tarixi: 27 September 2018.
- ↑ "Uefa EURO 2024 Final in the Olympiade stadion Berlin, Six Games in the Capital". Olympiastadion Berlin. 20 May 2022. İstifadə tarixi: 3 December 2023.
- ↑ "EURO 2024 host cities: Venue guide". UEFA.com. UEFA. 2022. İstifadə tarixi: 12 May 2022.
- ↑ "Olympic Stadium". Berlin.de. 11 May 2022. İstifadə tarixi: 11 July 2024.
- ↑ "Nine Host Cities announced". FIFA.com. Fédération Internationale de Football Association. 30 September 2008. 12 July 2011 tarixində orijinalından arxivləşdirilib.
- ↑ "Executive Committee decides hosts for 2015 finals". UEFA.org. Union of European Football Associations. 23 May 2013. 4 October 2015 tarixində arxivləşdirilib. İstifadə tarixi: 14 February 2015.