UTP

Vikipediya, açıq ensiklopediya
Keçid et: naviqasiya, axtar

UTP <yu-ti-pi>( ekranlaşmamış sarınmış cütlük) – ekranlaşdırıcı metal hörgüsü olmayan plastik örtüyə salınmış bir neçə sarınmış cüt naqildən ibarət nazik elastik kabel növü. 10Base-T tipli lokal şəbəkələrin kabel sistemlərində istifadə olunur. UTP kabellərinin beş kateqoriyası mövcuddur:

• Kateqoriya 1. Adi telefon kabeli; belə kabellə yalnız səs ötürmək olar.

• Kateqoriya 2. Dörd sarınmış cütlükdən ibarət kabel; verilənləri 4 Mbit/san sürətlə ötürməyə imkan verir.

• Kateqoriya 3. Hər metrində 9 burum olan dörd sarınmış cütlükdən ibarət kabel; verilənləri 10 Mbit/san sürətlə ötürməyə imkan verir.

• Kateqoriya 4. Dörd sarınmış cütlükdən ibarət kabel; verilənləri 16 Mbit/san sürətlə ötürməyə imkan verir.

• Kateqoriya 5. Dörd sarınmış cütlükdən ibarət kabel; verilənləri 100 Mbit/san sürətlə ötürməyə imkan verir. Bir düymdə çoxlu sayda buruma malikdir və teflon izolyasiya ilə təmin olunub.

Ədəbiyyat[redaktə | əsas redaktə]

  • İsmayıl Calallı (Sadıqov), “İnformatika terminlərinin izahlı lüğəti”, 2017, “Bakı” nəşriyyatı, 996 s.