Uilyam Noks Darsi

Vikipediya, açıq ensiklopediya
Jump to navigation Jump to search
Uilyam Noks Darsi

Uilyam Noks Darsi (1849, 11 oktyabr – 1917, 1 may) — Brisith Petroleum-un (BP) yaradıcısı, britaniyalı sahibkar və vəkil, İranda neft hasilatı və kəşfiyyatı sahəsində lider.[1]

Həyatı[redaktə | əsas redaktə]

Uilyam Noks 1849-cu ildə vəkil ailəsində doğulmuşdur. 1863-1865-ci illərdə Noks Vestminster məktəbində təhsil alır, 1866-cı ildə o, ailəsi ilə birlikdə Kvislend şəhərinə (Avstraliya) köçürlər. Noks hüquqşunaslıq təhsili alır, 1872-ci ildə vəkillik üçün imtahan verir. 1882-ci ildə Noks qızıl çıxarılması üçün sindikat yaradılmasında iştirak edir, daha sonra bu sindikatda hüquqşunas kimi işləməyə başlayır. 1886-ci ildə sindikat Mount Morgan Goldmining Korporasiyası adlı səhmdar cəmiyyətə çevrildi, Darsi isə səhmlərin banilərindən biri. Şirkət tez bir zamanda böyük məbləğlərə imza atır, Uilyam ölkə milyonçuları siyahısına qoşulur.

Uilyam Noks 1906-cı ildə İran petroluna 250.000 £ sərmayə qoyur, lakin bu sərmayə uğursuzluqlarla üzləşdi. İflasa doğru gedən yolda Noks Rotşildlərlə əməkdaşlığa başlayır.

BP şirkətinin əsası 1901-ci ildə Uilyam Noks Darsinin cəhdləri sayəsində qoyulmuşdur. O, İran şahından müsbət cavab aldıqdan sonra qarşısında İranda neft ehtiyatlarının axtarışı və kəşfi ilə məşğul olmaq imkanı açılır. 1909-cu ildə Uilyam Noks tərəfindən İran neftinin hasilatı, kəşfiyyatı və petrol satışı üçün rəsmi British Petroleum (BP) şirkəti yaradıldı. Uilyam Noks ömrünün sonuna qədər BP-də çalışmış, rəhbərlik etmişdir.

1917-ci ildə vəfatından sonra birinci və ikinci evlilikdən olan övladlarına 984,000 £ miras qalır. Uilyam Noks 1917-ci ildə Stenmor, Midlseksdə (Londona yaxın ərazi) vəfat etmişdir.

İstinadlar[redaktə | əsas redaktə]

  1. Abbasi, Sadegh. "Britain's Major Plunder of Iranian Oil in 1903". english.khamenei.ir.